PMS - Online Tara Laika Sharin Lamang (25.6.2023) Pranwan Ladaw 12

Kyuhpyi ai: Ma ni hpe Karai tara, wuhpung wuhpawng bawng ring tara hte maren, lakawn, makawp maga lu na matu: grau nna, majan shara na ma ni hpe maga lu na matu

Chyum daw: Mt10:26-33

Dai re ai majaw shanhte hpe hkum hkrit mu: kaning rai nme law,

“Magap da nna n pru n dan lu na arai gaw n nga ai; makoi da nna n chye na lu na arai mung n nga ai”

(Satan hpe n hkrit na hte Chyoipra ai wenyi hte sak hkrung na hpe sharin ya nga ai.)

Tsaw ra ai ma ni e…dai hpawt kaw na mama nanhte hpe nanhte ma kaji ni hte gawngkya ai ni hpe roirip ai kaw na makawp maga rit kawp tara lam hpe nanhte chye na hte kanu kawa ni, ma kaji ni hpe lam woi ai ni yawng chye na matu sharin hpang na re…

Myit masa bawngring lam sharin hpawng n lu sa ai ni hpe madat na matu ninggun jaw dat ai ..

Rai yang, tsaw ra ai ni, ma kaji ngu ai asak madang hpe chye na re. kade ning hpe tsun ai kun?

Ma kaji a asak gaw 1- 12 ning lapran, brang ji hkawn ji ngu ai asak n hpring shi ai ni gaw asak 13-17 ning, okay…dai majaw Asak 18 ning n pu na ni ma ngu tsun ai. Shabrang, mahkawn re sai asak hpe slg a sak hta bang da ai. Adult ngu ai. Dai gaw 18 ning kaw na ntsa na ni re. daw dan chye sai, dawdan ai tara shang ai. Shi hkum shi tsap lu ai, Shi lit rai sai ngu hkap la lu ai myit su sai ngu ai re.

Dai majaw 18 ning npu na ni hpe makawp maga bau sin ya ra ai tara nga ai.

Makawp maga ra ai lam ni gaw: 

-    n jaw ai hku galaw ai

-    Kau da ai

-    n tara ai hku dang sha ai

-    ngang roirip lam amyu myu

n byin hkra tau makawp maga ai hte tara hte maren,

 amu galaw jeyang lu hkra, hparan lam galaw ai re. 

1.      N jaw n ang ai hku galaw ai:

          Ndai hte seng ai hta madung lam 3 hpe tsun dan na. Hkum hkrang, myit masin laikyang hte seng ai roi rip lam re.

          A- Hkum hkrang hkra machyi hkra galaw ai; kayat ai, htawng ai, hkum hpe hkra machyi hkra galaw ai, manang wa kayat hkrum hkra masa jaw ai, n dang n la bungli galaw shangun ai, e…ndai lam ni re.

          B. Myit masin hpe hkra machyi ai lam gaw - Ma a man e, masa mase ga tsun ai, kanu kawa yan gali galaw gayat ai, ma hpe dam jaw ai- ga shadawn “shat n sha shangun ai, gawk kaw rawng da ai, shagyeng shagang tsun ai galaw ai, tsaw ra myit n madun ai, “anya ai, Nang’ hpa n chye ndai, sum na re ndai, nga galoi mung ninggun shayawn na ga tsun ai, jahkring hkring mara shagun ai ga tsun ai; e ndai zawn myit ana byin mai hkra matut mahkai ai…

C. Kyang arawn alai lam dam woi ai:

*   E, ayan mu lu ai n jaw n ang ai lam ni nga ai- Ma hpe tsa chyalu, nam hpam tsi amyu myu sa mari shangun ai,

*   Kanu Kawa a n jaw ang ai hku tsaw ra ai- ma galaw lu ai shi a lit hpe sharin ai lam n nga ai; jaw n jaw hpe galoi mung n tsun dan ai sha , maga ai, n sharin ai, n ja ai myit masin rawng hkra shadut ya ai, dut sha ai;

*   htunghking lam hpe n jaw ai hku lang ai( kaba hpe madat hkungga ra ai)

*   ma ni a shawng e, hpai da da ai

2. Kau da ai_

- Kau da ai ningpawt lam ni gaw:

          * shat malu masha n jaw sha lu ai; aten dep n jaw ai;

          * shim lum lam n nga ai,

          * san seng lam n nga ai hte ( Nyep braw braw rai hkra, palawng maza tim n galai ya ai)

          * bu hpun palawng n hkum tsup ai, ( Rai tim, tsaw ra ni nanhte mung lu galaw ai daram  lit la galaw ra ai re yaw.)

            * Myit nyan sharawt ya ai lam  n nga ai;

          * Tsaw ra ai myit dun lam n lu la ai ma ni hte, gawngkya ai ni hkra machyi wa yang, tsi ya nna hkam kaja hkra n galaw ya ai, galu kaba kun pan wa lu hkra makawp maga lam n galaw ya nna, kau da ai;

          * nta kaw ma hpe chyu tawn da ai. 

3.  N tara ai hku dang sha ai:

          - Dang sha ai lam gaw myit ana, bawng ring ai ahkaw ahkang ni hpe kayak kau ya lu ai lam re. Dang sha ai lam hta-

*   amyu baw sang n bung nna, manang wa hpe ginhka da ai, n ganawn ai sha nga nag ai,

*   n kung ai ni hpe shala nna, gaya hkra jahpoi tsun ai; mani ya ai.

*   yu kaji ga tsun ai,

*   gayat ai, jahpoi ga, n kaja ai mase ga tsun ai 

4. Ngang(sexual) hte seng nna roirip ai

          - roi ai; internet sumla mara na roi ai; man kaw ga hte roi ai; jum masawp  ai; n kaja ai sumla madun ai; htunghking hku hpu galai lu na matu dut jaw sha ai; roi hkra masa jaw ai;