Online Tara Laika Sharin Lamang - Pran Wan Ladaw Laban 33

Daniela Laika 12: 1-2 “ Nkau mi gaw htani htana asak lu la nna, nkau mi gaw htani htana kaya kahpa hte arawng hpoi ai hkrum na mara ai”

 

Ndai hpe myit yu na hkaja na- Anhte shakut shaja yang, kaja ai hpe lu la ai ngu ai hpe dum lu mai  ai…yaw.

 

Tsaw ra ai ma ni e,

lai wa sai bat hta sara Mung Rat gaw nanhte hpe wan shadaw a lam tsun dan sai. Okay dai hpawt na tara laika sharin ai hta Nawku hpung hta mu lu ai ahkyak ai masat lachyum hpe tsun dan na.

 

Ndai hpa rai ta?

Udang_ udang gaw hpa hpe shadum ya nga a ta?

                        Udang gaw Madu Hkristu anhte a matu udang ntsa si hkam ya sai hpe myit dum shangun nga ai.

I H S- ndai zawn ka ka re ai masat hpe mu yu na re…n mu yu ai ni gara hkan ka ai, shakap da ai, ngu ai hpe maja sawk tam yu yaw..Okay..Ndai ga si gaw Greek ga hku Yesu ngu ai lachyum re. Dai ten Madu Yesu dinghta ga asak hkrung ai ten hta lang ai laika rai nga ai.

XP (kahtap nga ai) - P hte X ga si lahkawng gaw kahtap da ai. Dai mung Greek ga hku Hkristu ngu ai re..

Matsing da ga ma ni e,

Ya matut nna,

Moi Mama nanhte hpe anhte marai shagu hta Karai Kasang chyeju kumhpa hpra hpra lu ai..Nbung ai chyeju kumhpa ni nga ai; Dai chyeju kumhpa ni hte rau jawm jai lang ra ai; ngu ai lam ni hpe labau maumwi ni hte sharin ya sai. Naw matsing nga ai kun?

-    hkanu shayi a lam;

-    Myit hkrum ai hpun

-    bandung maju jung ai myit masa  (moi na chyi chyi sha madun na)

Ma ni e, mama matut tsun dan na. anhte shinggyim masha ni gaw tinang a ninggun atsam, hpaji hta madung da na hkawm sa chye ai myit masin nga ai. E, rai tim dai hpawt  mama nanhte hpe  “tinang a gawngkya lam hta manang ni hte matut mahkai nna rau galaw, pawng chye yang sha awng dang lam lu ai lam tsun dan na…

 

prangtai hte taugu a lagat shingjawng ai maumwi hpe madat yu ga.

 

Moi mare makau na bum lagaw langai kaw prangtai hte taugu nga ai. Lani mi Prangtai gaw taugu hpe lagat shingjawng na matu saw shaga ai. Taugu hkap la nna, lagat shingjawng sai. Prangtai gaw lagat grai chyang ai hte maren, taugu hpe shalai kau da lu ai. Shi kayin yu nna, taugu hpe grai tsan tsan kaw ngam lanyan taw ai hpe mu jang, hpun shingnip kaw naw sa yu la na nga galeng taw nga ai. Shi bai rawt ai ten jan pyi shang sai hpe mu kajawng nu ai hte maren, taugu wa bangdung du dang kau sai re nna, awng padang hkam pyaw nga sai.

 

Prangtai gaw myit n dik la ai majaw hpa majaw sum mat ai hpe laika hta hti ai. Laika hta :

-     tinang a atsam a majaw atang shala sha n mai galaw ai

-    Tinang hkum tinang kam ai lam hpe ladu lai n mai da ai.

-    Galaw ai lam hpe galoi mung n mai yu kaji ai

-    hkrat sum ai lam gaw mabyin sha re nna, masha n rai nga ai.

Dai lam ni hpe hkaja la nna, Prangtai gaw hpang shani e taugu hpe bai gat shingtawng na matu saw ai.

 

Shan bai gat shingtawng wa sai. Ndai ten hta prangtai gaw shi hkaja da sai hte maren, n hkring na lagat ai majaw bandung shawng shang lu, awng hpadang hkam la lu sai.

 

Rai yang, Taugu gaw shi hpe kalang bai shingjawng na matu tsun ai. Ndai lang gaw kaga lam hku shingjawng ga ngu tsun ai. Dai hpe prangtai hkap la nna shan bai shingjawng hpang sai. Lagat chyang ai prangtai gaw shawng shawng du ai. Rai tim, bandung shang na shara du ni ai kaw hka rap ra sai da. Dai kaw shi gara hku n chye rap nga yang, taugu gaw hka  rap lu ai majaw shi hpe shingtawt da lu sai majaw ..ya na lang taugu bai dang sai.

Hkaja mai ai lam gaw anhte ni gade mi hpaji masa hku hkaja da tim, tatut kaw atsam dat ra ai hte tinang chye ai masa gaw lam mi hta sung lang mai tim, kaga lam mi hta n mai jai lang ai ngu ai dum ra ai.

 

Rai sa…matut na hpa byin mat na rai ta….? Sum ai hpe n lu hkap la ai prangtai gaw gaya nna, kaga mare de htawt nga na pru mat wa sai. Shi pru wa ai lam kaw taugu hte hkrum ai shaloi shi hpe taugu gaw “ dai ni kataw ai wa hpawt ni rawt tsap lu na re“; rau hkawm sa ai ni gaw uhpung langai tai nna awng padang hpe tut nawng hkam la lu na re.” Hpawt ni an rau pawng nna, bandung shang lu hkra shingjawng ga ngu shaga ai. Dai ga na jang prangtai myit hkrum nna, shingjawng hkat sai. Ya ndai lang gaw kawng kaw prangtai gaw taugu hpe ba nna, lagat ai zawn, hka kaw taugu gaw prangtai hpe shi hkum ntsa mara nna rap ma ai. Dai zawn rau pyaw pyaw hte aten kadun hta bandung lu shang masai.

Ndai kaw anhte hkaja mai ai gaw:

- wuhpung hku rai yang,

 

Tsaw ra ai ma ni e, Ndai maumwi hte anhte hkaja la ga; ( lawu na hpe ga tsun ai hta hkan na ka ya rit. Thank you)

-    marai shagu galaw lu ai lam langai hpra hta n ga, law law nga ai. Rai tim, manang ni galaw lu ai hpe tinang hta atsam nga tim , masa, aten, shara hta hkan nna, n lu galaw ai. Dai atsam ni hpe rau pawng jai lang ai re yang, awng dang lu ai…

-    ya kaw na manang wa hpe n mai yu kaji ai. Tinang hkum hpe mung nau n mai yu tsaw ai. Rau shada jahpring jatsup hkat ra ai yaw…

Okay…matsing da nna hkan sa ga…yawng hpe Karai Kasang shaman ya u ga…

 

Add new comment

4 + 1 =