Online Tara Laika Sharin Lamang - Pran Wan Ladaw Laban 18

Hello, tsaw ra ai sasana ma ni e, kaja nga ai kun? Hkam ja nga u ga yaw..ya ten anhte mungdan kaw  masha law law covid ana zinli ana hkam sha nga ai ..Raitim nanhte myit tsang na re…hkum hkrit yaw…hkan ra ai masa lam hpe sha atsawm hkan sa ga..…dai hpawt anhte tara laika sharin na matu akyu hpyi ga i…

Akyu hpyi ga:

Ya..lai wa sai bat hta sharin ya sai chyum daw hpe bai tsun ga;

Prumat wa ai laika - 20: 12

“ Na a Karai Kasang nang hpe jaw ai ga hta na a asak galu lit ga, na nnu yan nwa hpe hkungga lara di u.”

Ehpesu ni kaw shagun dat ai laika 6: 1

“Ma ni e, nanhte a kanu yan kawa hpe dai Madu hta madat mara nga mu; dai gaw gingdan ai lam rai nga ai.”

 Matsing hkra bai tsun tsun rai ga yaw…

Okay ya ndai mahkawn hpe madat la ga. Naw dum ai kun, sara Mung Rat mahkawn ai Hpaji ningli laika 3: 1-8 na ahkying aten ladaw yawng hte seng ai hpe madat na bai hkawn yu ga yaw…

Okay..ma ni e, dai ni mama ndai sumla hkrung langai madun dan nna,

1.      kun dinghku hta yawng shang lawm galaw ra ai. Nang amu galaw yang nga mu nga mai na lam,

2.      Kun dinghku, wuhpung, mungdan hta myithkrum ra ai lam ni hpe sharin ya na;

Ya yu la ga i…ndai gaw “ tree of Unity”da. Myit hkrum rap ra ai hpun..nga ai re.

Okay yu la na,,madat na..

Hpun ban langai hpe mash a langai mu ai, sha hpa hpun hpe chye ai majaw, ahkyak da let ga bai pum da ya yang, kaga masha langai hpang langai, ga, namhpun jat bang, hka jaw ya, n dep hkra galu wa yang, jak hte hka jaw ya rai nna dai hpun kaba wa  sai. Grai kaba wa sai.  Grai tsaw wa sai. Yawng a ninggun shang lawm ai lam r e…

Lani mi shanhte hta na marai mi gaw dai simsa ai namsi hpun hpang e, sa nga ten, kaga langai gaw ningwa lang let kran na sa wa ai. Dai hpe sa nga ai wa gaw, n galaw na hpe hpyi nem ai, tsun dan ai, dai hpang ga law jang kanawng dat hkrum ai, shaloi shi marawn dat ai majaw mi na rau shang lawm  sai ni sa wa nna, hkum kran, ngu pat ai rai tim, yawng hpe dai wa shadang la ai re…shaloi jang ntsa na namsi, shi baw kaw kawk rai di hkrat ai. Shi namsi hpe mu yang pyaw ai hte maren manang ni tsun ai hpe hkap la ai, bai hku hkau nna, dai nam si hpun hta ka manawt let  hpun hpe chyeju dum ai…

Hkaja lamang:

Ma ni e, chye na ai kun? Namsi sha mu ai hpe anhte yawng chye ai. Raitim, dai namsi langai lu sha hkra gara hku galaw ai, aten gade na mat ai hpe anhte n dum let namsi sha ga ai. Dai hte maren, gumhpraw lu yang sha lu ai hpe sha chye ga ai. Rai tim, dut ai ni n nga yang, n lu sha ai. Dut ai ni mung hkai ai ni n nga yang, n lu la ga ai.

Lawu na no. ni tsun yang makau kaw sumla ni bang na. (htuk ai sumla ni)

1.      Okay…namsi langai tai na matu grupyin/ nta masha yawng shang lawm ra ai. Kran dat yang, kalang sha akyu lu la ai. Ja hkrung dat yang, prat tup pyi mai sha ai. Dai hpe hka ja la ga i…

2.      Hpun kran mayu ai masha wa zawn, ngai kam ai ngai galaw na, nga, manang hpe n myit ya, grup yin hpe n myit ai, “Tingkyeng dang mayu ai myit” gaw, manang hpe n gawn n sawn ai lai kyang myit masa re. Nanhte dai zawn n mai ai yaw. . shada  rap ra ai kyang nga ra ai.

3.      Okay hka jaw, nam hprun bang ai, hpun kawa ni hkrung na matu hpa ra a ta?..shadu  jahkrut na jan ra ai, nbung ra ai..dai hpe kadai jaw ai rai? E, Karai Kasang jaw ai..Dai jaw ai hka mung, ga nam hprun mung karai Kasang hpan da ya ai…Dai kaw anhte maju jung shamyet na bungli galaw ra ai re. Karai Kasang jaw ai shaman chyeju kaw shamyet nna tinang shakut yang sha shu la lu ai.. ( ka na)

Dai hte maren, dai ni na kabu gara shiga hpe matsing da ga:

Chyum daw: “ Yesu tsun ai , “Asak muk gaw ngai rai nga nngai, ngai hpang de sa ai wa gaw kawsi hkrum na n rai, ngai hpe kam sham ai wa mung, galoi mung hpang kara hkrum na n rai.” ( Yawhan 6: 35 )

Ya lahkawng ngu na hta kun dinghku kata myit hkrum ra ai lam tsun dan na.

Nang kaw yu u..ndai gaw nta masha ni, ndai gaw shinggan na, ndai gaw grupyin…

No.1 Dum nta kaw yawng shang lawm amu galaw ra ai. ( tsun nga yang ndai sumla ni- hka jaw ai, dun ye ai, hka ja ai, hpun hta ai, nampan hkai ai…ni mai bang ai)

Kun dinghku hta shada rap rap rara amu shakut ra ai…shaloi lu su nga mai na re..Dai hte maren, grupyin wuhpung rai nga ai nawku hpung kaw mung dai hku yawng shang lawm ra ai. Mungdan kaw mung mung shawa yawng amu gun hpai ra ai..shada n mai dang sha ai..shaloi she mungdan nga mu nga mai lu su na..re.

Ya mama chyum daw hpe sharin  yana..

 Karai Kasang tsun ai : “ Karai Kasang hpe hkrit hkungga nna, shi a lam hta hkan nang ai ni yawng hte gaw, a nga ma ai. Na a lata amu nang sha lu na ndai, Nang a lu nna nga mai lu na ndai.” (SK.K 128: 1).

Okay..ya tatut magam langai hpe galaw ga…hpun ban langai mi hkai na..lanam ta re majaw hkai yang yawng tu ai..

Sasana Ma kaba ni e,    ya ten nanhte laika n mai sharin ai ten hta, nta wang lu ai ni, hkai sha mai ai hpe hkai ga. Yahte lu sha ai, Ma…si namsi tum lu yang, shara tam hkai da ga….(5) ning rai yang sha lu ai..

Rai sa..hpa majaw mama ndai hpe sharin ya a ta? Dai ni na mungga gaw

Anhte myit hkrum na nga ra ai maju jung shara gaw Madu Yesu re..