Nawku Hpung A Shawa Hte Seng Ai Tara Byin Pru Wa Ai Lam

Shawa hte seng ai dahkat lam ni hpe yen kau nna Kabu Gara Shiga hpe kadai mung n lu madat ai. "Shawa hte seng ai sharin matsun tara (social doctrine) ngu ai gaw, Wa Sarabyin Leo XIII a shana shabra ai laika RERUM NOVARUM ngu ai shawa hte seng ai Nawku Hpung a sharin shaga lam (Magisterium) rai nga ai.

Tsaban shi jahku kaw nna jak rung jak rai prat hta "shawa hte seng ai ga san pru wa ai. Dai ten kaw nna masha law malawng gaw hkai mu bungli n galaw ai sha, jak rung jak rai bungli galaw mat ai. Dai shaloi amu galaw masha ni hpe makawp maga lam n nga ai, hkam ja lam mung n yu ya ai, bansa ten mung n nga ai, kalang lang ma ni hpe du hkra yam sha ai majaw, amu galaw masha ni a matu wuhpung wuhpawng ni hpaw wa ma ai.

Ndai lam ni hpe laklai ai hku htang ra sai ngu nna Wa Sarabyin Leo XIII asan sha myit lu sai. Dai ten kaw nna Sarabyin ni langai hpang langai prat aten a kumla" (signs of the times) ni hpe RERUM NOVARUM a matsun maroi kata e tara rapra ai shawa lam hpe tsun shana ya ma ai. Ndai hku nna matsun shapraw ai laika ni gaw Nawku Hpung a shawa hte seng ai tara tai wa ai.

Mungkan ting na Nawku Hpung a laika ni (Sarabyin ni a laika ni, mungkan zuphpawng a laika ni, Roman Curia a laika ni) sha n-ga, ginwang kaw na Saradaw zuphpawng ni a shawa hte seng ai laika ni mung Nawku Hpung a shawa hte seng ai tara daw chyen tai wa lu ai. 87, 88, 1044395

Karai Kasang gaw, na nnau Abela gaw kanang nga nga a ta? nga nna Ka-In hpe san wu ai. Shi gaw, ngai n chye nngai: ngai gaw ngai nau wa hpe hkan sin ai wa rai nga a ni? ngu nna htan wu ai. Npawt. 4:9

Masha gaw mungkan ting hpe lu madu da timung, shi hta kan mawng ana (cancer), kan kahtet hkum hkrang bum ai ana (prostate) lu jang shi a matu hpa akyu rawng a ta? John Stein beck (1902-1968), American writer

Ra kadawn ai ni hpe nawku hpung dawjau ai gaw shanhte majaw n rai, anhte Kahtawlik re ai majaw she rai nga ai. Bishop Fulton J. Sheen (1895-1979), American Bishop, radio, and television preacher

Nawku Hpung gaw hpa majaw masha hpe hti hkum langai hta jan nna myit ya a ta?

Nawku Hpung gaw wenyi hkye hkrang la hkrum na matu chyu sha myit ya ai nga nna mara shangun ma ai. Kaja wa nga jang, shinggyim masha shagu gaw Karai Kasang a man e ahkyak ai. Masha marai shagu malai n nga ai, masha shagu laklai ai. Gara hku raitim, anhte gaw kanu a hkritung kaw nna kaga shinggyim masha rai nga ai kanu kaw shamyet shanat nga ai.

Kaga masha ni hte matut mahkai nga jang she anhte ngwi pyaw lu ai. Dai majaw hpan da ai labau hta tsun ai gaw: "Karai Kasang gaw, dai lasha gaw shi hkrai nga na n mai ai; shi hte ram ai nrum ntau shi a matu ngai galaw na we ai' (Npawt. 2:18), nga ai.

Masha hkumhkrang myit masin ngamu ngamai lam sha n-ga, shawa rawt jat na hpe Karai Kasang ra sharawng ai, dai hta masha yawng lam amyu myu hku shang lawm nga ai. Makam masham gaw tingkyeng lam hte wenyi ni hpe sumsing lamu a matu hkyen lajang ai hta chyu sha n mai machyu mat sai. Pope Francis, EG 182

Numsha gaw tinang shangai ai kasha hpe matsan n dum ai hte chyu chyu ai ma hpe malap kau lu na rai ni? Kaja wa malap kau timung. ngai nang hpe malap kau lu na n rai. Es. 49:15 271

Langai sha re ai kahkyin gumdin ai lam hpe Nawku Hpung hpa majaw hkrang shapraw jai lang a ta?

Langai sha kahkyin gumdin ai hpe n madun dan ai Nawku Hpung gaw lachyum n pru ai. Karai Kasang hte shinggyim masha langai sha rai wa nna kahkyin gumdin ai shara gaw Nawku Hpung rai nga ai. Nawku Hpung a gumhpawn ai hta e Karai Kasang a tsaw ra ai gaw shinggyim masha hta matut manoi rai nga nna, masha yawng de du wa ai. Masha yawng hpe Karai Kasang kahkyin mayu ai shara gaw Nawku Hpung rai nga ai: Yu mu, Karai Kasang a sum gaw shinggyim masha ni hte rau rai nga ai (Shing. 21:B).

Nawku Hpung gaw Karai Kasang hte shinggyim masha magyep kap nna langai sha rai nga ai kumla re (LG). Shi a Nawku Hpung gaw Madu a kasi hpe la nna garum ningtum nu ai ni, n tara ai hpe hkam sha ai ni, matsan mayan re ai ni hte langai sha rai nna, Karai Kasang gaw mungdan shagu, htunghking shagu na masha ni hpe mung garum ai.

Grau kaja ai mungkan hpe shabyin na matu shakut ai masha mipang de Karai Kasang lawm nga a, Mungkan hta Karai Kasang a hkye hkrang la ai hpe myi man chyaw mu mayu ai ni hte Nawku Hpung gaw langai sha rai nga ai.

Anhte la ni num ni yawng gaw laru katut ail hkali langai sha kaw jawn nga ai. Anhte shada da nachying myit sadi dung ra nga ga ai G.K. Chesterton (1874-1936)

Sadi sahka gaw lamu ga de na tu pru nna, Dinghpring ai gaw sumsing lamu de na mada yu na ra ai. Shk K 8511

Matsan mayan ni hpe tsaw ra u. Shanhte kaw na hkum gayin wa u. Hpa majaw nga jang shanhte kaw na nang gayin wa ai gaw, Hkristu kaw na nang gayin wa ai re. Shi gaw Shi hkum kawsi ai, tsin-yam hkam ai, nta n lu ai, dai rai jang she nang hte ngai shi hpe tsaw ra lu a. St. Teresa of Calcutta (1910-1997) Shawa Tara a Masat Shadaw ni

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai. na lahpang ai ni na lu ma ai, si mat ai ni sharawt la ai hkrum ma ai hte, matsan mayan ni a matu Kabu Gara Shiga hkaw dan nga ai. Mt 11:5

Nawku Hpung a shawa hte seng ai tara a salum (akri) gaw tsaw ra ai lam re. Benedict XVI, CiV 2

Asak kaba nna nga shara n lu ai singgu krin re ai masha si mat ai gaw shiga n rai nhtawm, gat lawk (stock market) gambum dut shara myi kahtawk lahkawng manu hkrat ai gaw, shiga rai mat wa ai gaw gara hku ta? Ndai gaw n sawn ai, ngam kau da ai tara re (exclusion). Masha nkau mi kawsi nga ai shaloi, masha nkau mi malu masha kabai kau ai hpe majoi tsap mada nga na i? Ndai gawn rap n ra ai lam (inequality) re. Pope Francis, EG 53