Mungkan Htunghking Nhtoi (World Culture Day) 21 May, 2020

Myanmar Mungdan: Htunghking law law Kayau ai Mungdan

Hkristu hta,

Hkungga tsawra ai nu wa hpu nau ni e, dai ni May 21, bat mali ya shani gaw mungkan htunghking maka nhtoi rai nga ai. Dai majaw anhte myanmar mungdan hta htunghking sut su ai hpe karai Kasang chyeju re ngu hkap la lu mu ga matu akyu hpyi ya let myanmar mungdan myu sha ni a manu dan htunghking Karai Kasang hpe shakawn shagrau chyeju shakawn chyeju hkam la lu nga ga yaw shada let akyu hpyi nga ga. Myanmar mungdan gaw mungdan kata na myu sha 135 lahta de nga ai rai nna, makau grup ying mungdan ni na myu sha ni mung grau law nga ai mungdan langai mi rai nga ai. Myanmar mungdan gaw Asia dan na mungdan langai mi rai nna, Asia Dan dingda jahtum maga nga ai mungdan rai nga ai. Myanmar mungdan gaw Mungdaw (7) hte Ginwang Kaba (7) nga ai  mungdan rai nga nna, myu  sha  kaba (8) nga ai. Dai myu ni gaw Kachin, Kayah, Karen, Chin, mon, Burma, Rahkine, Shan ni rai nna, myu sha lakung (135) jawm pawng da ai ga myu hpan 100 shaga ma ai.

 Myu lakung law ai hte myu ga hpan law la ai hta hkan nna, htunghking masa lam mung law la nga ai. Dai majaw kanawn mazup lam hta mung mayak lam ni nga chye nga ai. Nkau ni gaw dai hpe mayak kaba hku myit la yang myit la na re. Raitim, kaja wa nga yang dai gaw chyeju langai mi rai nga ai hpe dum chye ra ga ai.

Kahtawlik Nawku hpung a “Gaudium et Spes” hta matsun da ai hte maren, htunghking lam yan gaw shinggyim masha shagu a myit masa, hkum hkrang hking htawng hpe jahtuk shatsawm ya ai hte rawt jawt shangun ai lam nga nga ai.

Myu hpan hkum ai Myanmar mungdan gaw htunghking sut su ai hte gahkyin gumdin ai mungdan re ngu tsun lu ai madang hta nga ai kun?

Htunghking hpan law ai myanmar mungdan hta htunghking lam yan hte shada mahku mahkau nga pra lu ai ahkaw ahkang kaba rai nga ai. Dai zawn shada mahkau lu ai gaw laklai ai chyeju langai re ngu myit la hkam la chye ai gaw myanmar mungdan hta nga ai myu sha ni a hkap la hkam la chye ai tsawm htap ai myit masa nan rai nga ai.

Htunghking lam yan hku shachyan shaga mahku mahkau la ai gaw anhte jinghpaw wunpawng myu sha ni a laklai tsawm htap dik ai lam langai rai nga ai.

Shachyan shaga ai gaw shada da ningmu garan gachyan htinglu htinglai hkat lu ai laklai chyeju langai mung rai nga ai.

Htunghking lam yan ni gaw makam masham hta mung ahkyak la nga ai. Dai majaw makam masham nawku dau jau ai lamang ni hta htunghking kumla ni hpe jai lang nna karai kasang hpe shakawn shagrau nawku hkungga ga ai re. Anhte shinggyim masha shada hta mung shada mahku mahkau garum shingtau hkat ai hta htunghking lam yan hku shatsawm la ai hpe madung da hkap la nga ga ai re.

 

Tingyeng hku raitim, wuhpung wuhpawng hku raitim htunghking masa hku tsun jahta wa jang hkungga lara di madat hkap la hkan sa lu ma ai.

Asia Dan na Saradaw hpawng ni a daju hpawng kawn anhte Asia dan gaw laklai law la htunghking maka ni hte shatsawm da ai gahkyin gumdin ai Asia dan re lam tsun da nga ai. Prat a magam bungli ni, makam masham lam, mahku mahkau lam yawng hpe htunghking lam yan hku nna mung rau jawm gaw sharawt shangang shakang la lu nga ai hpe Asia dan na myu sha shagu a myit hta dum chye hkap la hkan sa nga lu ra ga ai.

Htunghking lam yan gaw myu sha ni hpe hting hkang ya ai; shada mahku mahkau lam jaw ya ai; gahkyin gumdin lam de woi hkawm ai; mayak manghkang ni hpe hparan shatsawm jahtuk ya ai. Kaji kadun ai ni hpe pawn ba sharawt shagrau ya ai. Dai zawn re ai kaja ai lam law law nga nga ai hpe dum chye shatsawm sa wa ra ga ai.

Kahtawlik nawku hpung a makam masham sharin shaga ai hta Karai Kasang a tara gaw madu madung rai nga ai. Mungdan asuya tara raitim, htunghking tara raitim Karai Kasang a tara hte nhtan sai ai tara tai nga jang hkan nang ra ai tara gaw gara mahtang rai na i? Karai Kasang a tara gaw madu madung rai nga ai.

 

 

Ka lajang ai – Fr. Patrick Gawmaw Hkawng Yae

                        Coodinator of RVA Kachin Service

                        Myitkyina

Add new comment

9 + 8 =