Mungkan ga makau grupyin mayak manghkang hpe hparan nga ai shaloi ninghkap ai

Hpunau ni dai ni simsa lam hpe gaw gap ga lamang hta, Mungkan ga makau grupyin mayak manghkang hpe hparan nga ai shaloi  ninghkap ai ni nga ai lam hpe jawm madat la yu ga. Makau grupyin hten za ai manghkang gaw, ngai hte hpa n seng ai, ngai kaw hpa n hkra ai nga nna ninghkap nga ai ni nga ai. Nkau gaw ndai manghkang hte seng nna ngai galaw lu ai lam hpa n nga ai, ganing nchye di ai nga tsun ma ai. Nkau gaw, hpungtang hpaji hte yawng hpe dang di kau lu ai nga nna, kam ai hku naw galaw nga ma ai.

Anhte yawng shanu nga ai mungkan ga hta, hpa baw byin nga ai kun?

1. Makau grupyin htenza nga ai majaw du hkra ladaw galai shai mat wa sai. Makau grupyin n bung baza ai majaw, matsan ai ni a hkam kaja lam grau hkra mat wa sai.Asak naw kaji ai ma ni law law machyi nna asak sum ma ai.
2. Jak rung na wan hkut, mawdaw wan hkut, Yenan sau shapraw ai wan hkaut ni gaw n bung hta mawng mat wa ai.

Nsa sa ai masha hte dusat ni hpe ana zinli byin shangun ai, shaning shagu jak rung kaw na hka panglai de ru kabai bang ai sau baza ni gaw tan wan kaba rai nga ai.  Dai sau baza ni hpe ga ntsa e ru jaw dat ai mung tan kaba rai nga ai., hka kata de jaw bang dat ai majaw ga sau ni hten za ma ai, ga namhpun kaja hkra makawp maga ya ai latung ni si mat ma ai. Baza ai Jak Sau dingsa ru bang dat ai hka hpe lu hkrup ai, hka kata na du sat ni si mat ma ai. baza ai hka ja lu ai masha ni mung hkam kaja lam ningra ma ai.  Panglai lamuk dara e nga ai nga kaba n kau mi si htum mat ma masai.

1. Shaning shagu jak rung dingsa ni, nta dingsa ni, tsi rung dingsa ni run kau nna sa

kabai da ai, rai dingsa ni mung bum zawn gawng taw nga sai. Anhte a mungkan ga gaw na wa magang baza bum she rai mat wa sai. Shani shagu lang ai palastic rung rai ni bum zawn gawng nga masai. Ndai baza ni a majaw masha ni hkam kaja lam hkra ma sai. Ndai gaw bagawn bara gabai  chye ai lai kyang a majaw rai nga ai. kabai kau ai rai ni hpe bai jai lang lu na hku gyin la ai ladat galaw ra ga ai.

1. Kabai kau ai rai pe bai akyu jashawn ai lam hpe shingra tara dusat ni sak hkrung

lam hpe kasi yu la mai ga ai. Tsingdu tsingman ni gaw du sat ni a malu masha rai nga ai. Dai du sat ni gaw kaga du sat kaba ni a malu masha bai rai wa ma ai. Dai du sat ni a kan sa hka sa da ai gaw, ga namhpun bai tai wa ai. Dai namhpun ni a majaw tsingdu tsingman n nan ni bai prut tu wa ai. Ndai byin yan gaw, gaman kabai kau ai hpa n nga nga ai. Anhte shinggyim masha ni mung anhte kabai kau ai baza ni hpe akyu rawng sung lang lu ai arai byin tai hkra bai galaw la na ladat ra nga ai. Ga shadawn hpri dingsa, palastic rai dingsa ni hpe shabyaw nna, rung rai bai galaw lang ai ladat ni galaw jat ra ga ai.

1. Du hkra ladaw ni gaw, shinggyim masha sak hkrung hkam kaja na matu karai

kasang hpan da ya ai rai nna Mungkan ting hpe matut mahkai rap shara da ai masing langai rai nga ai. Moi lamu ga hpe hpan da ai ten kaw nna, ginhtawng ta, lanam ta, nshung ta nlum ta nga nna du hkra ladaw rapra let nga sa wa airaitim, shaning shi hkun ning a laman e mana maka galai shai mat wa sai. Mungkan ga gaw ladu lai hkra gahtet mat wa ai. Lamuk dara panglai hka ni grau tung kaba wa nna, nbung laru kaba wa ai, hka tung kaba wa ai, sharut gyi ai lam matut manoi byin taw nga ai. Mungdan nkau mi hta wan bum kapaw ai lam ya sha ya sha byin nga ai. Mungkan ga gaw shi hkum shi gayin nna, Jan hpe mung shinggrup nga ai. Dai shinggrup hkawm ai lam loi li shai wa jang du hkra ladaw manghkang kaba ni byin pru wa ai rai nga ai. Ndai manghkang ni hpe makawp maga na matu masha ni a nga sa ladat hpe galai shai ra ga ai.

1. Hpungtang hpaji sara ni tang madun ai gaw, shinggyim masha ni jak rung,

mawdaw,cycle ni kaw na wan hkut nau shapraw ai majaw, Carbundine oxcite , Nitrogen oxcit ni nau htat wa ai majaw jan a shing kang hpe ninghkap jat ya ai majaw grau gahtet mat wa ai rai nga ai. Grau sawng ai lam langai gaw, Nam maling hpun kawa ni hpe kran shama kau ai majaw, Carbondine oxcite grau law mat nna n bung baza mat ai, marang htu ai shaloi ecit ntsin ni panglai de yawng bang wa nna, pang lai na du sat ni hte shanhte sha ai  lu sha ni hpe jahten shaza ya ai. Mungkan masha htam 4 kaw na htam mi gaw panglai hkingau hkan nga shajang nga ai. hkyik hkam ai mare kaba law law gaw panglai hkyin gau e gaw de da nga ai. Panglai hka a kajawng sha tung wa jang, shanhte a matu tsang shara rai nga ai. Dai majaw du hkra ladaw n rap ra jang mungkan ting manghkang kaba hkrum wa na rai nga ai. Makau grup yin, shinggyim hpawng, sut lu nga mai lam, mung masa lam, nhprang sut rai jawm garan lang ai lam ni yawng hpe hkra machyi shangun nga ai.

1. Ya yang nnan rawt galu kaba wa ai mungdan ni hte naw matsan nga ai mungdan

ni gaw, duhkra ladaw hpe machyu nna, hkai rem amu hpe madung da let kan bau ai ni law ma ai. Hka shi hka nu, panglai ni hta nga hkwi sha nna kan bau ai ni mung grai law ma ai. Hka kata na du sat hkarang kawng na du sat ni gaw shanhte a matu shim lam nga ai, malu masha nga ai shara de htawt mat chye ma ai. Du sat ni hpe machyu nna kan bau bungli galaw nga ai ni gaw kaga bungli n chye galaw sha ai majaw matsan jam jau hkrum ma ai. Shanhte kashu kasha ni hpe bau kaba na yak mat ma wa ai. Dai shaloi masha law law wa mung ti nang a buga hpe kau da nna tam lu tam sha mai ai, bungli lu mai ai shara de htawt hkawm wa ma ai. Ndai zawn bu htawt hkawm mat wa ai masha ni hpe, garum shingtau la ai lam n nga ai sha ti nang hte hpa n seng ai nga nna yu shalai kau ai gaw grau myit yawn hpa rai nga ai. Dai gaw shada lit la ya chye ai myit kaja hpe tsep kawp shamat kau sai lam madun nga ai.

Hpunau ni lahta de tang madun dat ai lam ni gaw, anhte shinggyim masha ni mungkan ga shingra tara n tsa e lit la makawp maga chye ai myit masa ning ra ai majaw byin ai lam rai nga ai. Anhte a myit masa, nga sa ladat hpe jahtuk shajaw la chye yang manghkang ni hpe makawp maga lu na rai nga ai.