Mali Nmai Walawng Shagawng Bumga Kaw Galaw Ai Labau Shang Jau Shatai Poi

Wajau Paul Zinghtung Htoi Naw a Jau shatai Poi hpe kaji  ten shi nga kaba wa nna hpaji sharin lai wa yu sai shi a dai daw shara Mali Nmai Wa Lawng, Kachyi Htu Mare, San Joseph Nawku Jawng wang hta e ngwi pyaw awng dang ai hte galaw la lu sai rai nga ai. rai nga ai.

Jau Shatai Poi de Myitkyina Sasana Sagurem wa, Wa Saradaw Francis Daw Tang sa du nna Deacon Paul Zinghtung Htoi Naw hpe jau aya hkam ya sai rai nna, Myitkyina Man Maw Saradaw Ginwang na Jau marai 26 , Mama ni hte Tara hkaw Sara/Sarama ni, Hpunau Makam Masham Hpung Sara ni, Wunpawng Mungdan Shanglawt Hpung, Dap Ba Langai kaw na Uphkang Du Kaba ni hte  hpung masha kaji kaba marai 1800 ram sa du shang lawm lai wa ma ai.Myitkyina, Manmaw, Hpakant hte Mogaung, Sumpra Bum Jau Ginwang kata na hpung masha nkau ni mung sa du lawm nna, DYC Ginjaw ramma ni mung campaign hkawm ai hte hpawn rai sa du ap nawng

Wajau Paul Zinghtung Htoi Naw gaw Mali Nmai Walawng, Uma Shagawng Bumga, Wunpawng Mungdang Shanglawt Uphkang ginra de labau shang nambat langai lang hku nna galaw ai Jau Shatai Poi hta Jau aya hpe hkam la ai nambat langai Jau mung byin tai wa sai rai nga ai.

Wa Jau Nnan Paul Zinghtung Htoi Naw kaw nna “ ndai jau shatai poi galaw ai a marang e mare buga masha ni shada da zinlum hkat ai lam,kachyihtu jau ginwang hta shawng nnan lang jau shatai poi galaw ai re majaw labau shang langai mi rai sai lam,poi sa shawa masha ni mung tinang a dum nta de bai du wa ai shaloi jahta chyai hpa langai ngai ngam nga na sai “

nga nna tsun dan lai wa ai.

Myitkyina Sasana Sagurem wa Wa Saradaw Francis Daw Tang matsun madun galaw na ahkang jaw ya ai hte maren, Kachyi Htu Ginwang up Wa Jau hte seng ang ai Poi Shabyin Shatai Komiti ni, Mung up Du Salang ni, Hpung masha ni atsam dat shakut shaja ai lam ni a majaw  ya na zawn Jau shatai Poi hpe awng dang ai hte galaw la lu ai lam rai nga ai.

Wa Jau Nnan Paul Zinghtung Htoi Naw kaw nna “ ndai jau shatai poi galaw ai a marang e mare buga masha ni shada da zinlum hkat ai lam,kachyihtu jau ginwang hta shawng nnan lang jau shatai poi galaw ai re majaw labau shang langai mi rai sai lam,poi sa shawa masha ni mung tinang a dum nta de bai du wa ai shaloi jahta chyai hpa langai ngai ngam nga na sai “ nga nna tsun dan lai wa ai.

Myo Mare kaba hte tsan gang nna hkawm wa hkawm sa yak ai hte kaga mayak lam amyu myu a lapran Wajau Paul Zinghtung Htoi Naw a Jau Shatai Poi hpe grai hkik hkam awngdang ai hku galaw lu ai lam gaw Karai Kasang a chyeju san san rai nna, Myitkyina Sasana Sagurem wa Wa Saradaw Francis Daw Tang matsun madun galaw na ahkang jaw ya ai hte maren, Kachyi Htu Ginwang up Wa Jau hte seng ang ai Poi Shabyin Shatai Komiti ni, Mung up Du Salang ni, Hpung masha ni atsam dat shakut shaja ai lam ni a majaw  rai nga ai.

Ginwang up Wa Jau John Nhpawt Seng Lat kaw nna mung “ Poi sa shawa masha grai law ai majaw grai kabu myit pyaw ai, Jau shatai poi hpe shi ginwang up jau galaw ai ten hta hpung masha ni hpe madun dan lu ai gaw Karai Kasang a chyeju rai nga ai hte  hpung masha ni hpe makam masham ningja jat ya ai lam re” nga nna tsun dan lai wa sai.

Wa Jau nnan  Paul Zinghtung Htoi Naw gaw Kachyi Htu Jau Ginwang, Layen Mare hta shanu nga ai Slg.Zinghtung La Doi hte Jan.Sangan Kaw Tawng yan a Kasha marai 5 hta na kasha hpungdim rai nga ai.Layen makau, Hka Ra Yang ngu ai Mare hta 1987 ning Frebruary 27 ya shani shangai wa wa nna, kaji ten Layen Shanglawt Asuya Lawu Tsang Jawng, Kachyi Htu San Josph Sasana Lapran Tsang Jawng, PLN hte Myitkyina San Columban Jau Tai  Boarder ni kaw nga let hpaji sharin lai  nna 2012 April 22 ya shani, Kachyi Htu Layen Bum Run Mare hta Wa Jau Peter Lazum Naw Bawk kawn Borther Shanggan shaman shahpun ya nna Brother tai wa sai.

Dai hpang Jau langai byin tai lu na matu sharin hkam la ra ai Philosophy ngu ai Myit sawn hpaji, Spirituality ngu ai Wenyi, Makam Masham lam yan hte seng ai hpaji, Theology Karai Hpaji ni hpe sharin la nna 2019 June 29 ya shani Wa Saradaw Francis Daw Tang a lata hta Deacon Aya hpe hkam la ai. Italy Mungdan, Urbaniana Dakkasu hpaji hpe mung sharin shangut shakre la nna, ya dai ni htani htana Jau Aya hpe hkam la sai rai nga ai.

Thomas/Julia