Makam Masham Hte Seng Ai Wanglu Wanglang Ahkaw Ahkang

Makam masham  hte seng nna wanglu wanglang ahkaw ahkang ngu ai hta, tinang a makam masham hpe kaga masha ni hpe gam garan ya lu na ahkaw ahkang ngu ai lam ni mung lawm nga ai.

Masha ni ra sharawng ai lam nga ai rai yang, tinang a makam masham hte bung ai masa hte sak hkrung nga sa ai prat masa lam dai masha hpe gam garan jaw ya na ahkaw ahkang, tinang hta ting gyeng langai hpra hku nna mung, wuhpung wuhpwng hku nna mung, ahkaw ahkang nga nga ai.

Ndai lam hpe hkristan ni hku nna,” Avangilization” Madu Yesu a Kabu Gara Ai Shiga Hpe Masha Ni Chye  Wa Hkra Shachyam Shabra Ai Sasana Magam Bungli’ ngu nna tsun ai rai nga ai.Madu Yesu a lam hte seng nna hkaw tsun ai, masha kaga ni Kabu Gara Ai Shiga hpe hkap la wa lu hkra, ahkaw ahkang jaw ya ai lam rai nga ai.Ndai hkam la mayu ai ni a matu madat hkam la na ahkaw hkang mung shan hte hta nga ai rai nga ai.

Hkristan ni a matu gaw, Kabu gara ai shiga hpe shachyam shabra ya lu na, ahkaw ahkang chyu sha nrai, shachyam shabra ya na lit mung nga nga mali ai.Dai re majaw Hkristan ni a ahkaw ahkang hpe pat shingdang kau ya ai lam ni (shnr) Makam masham  Hpung langai ngai  kaw na hpung masha ni shan hte a makam masham kaga ni hpe wanglu wanglang tang madun gam garan na ahkaw ahkang ni hpe pat shingdang kau ai lam ni gaw hkap la mai ai masa n rai nga ai.

Dai zawn rai pat shingdang kau mayu ai ni a myit masa gaw, Makam masham hte seng nna, shajan shalai re ai myit masa rawng ai masha ni re majaw, dai myit masa hpe nhkap la mai nga ai.Dai zawn re ai myit masa gaw, Makam Masham hte seng ai wanglu wanglang ahkaw ahkang ngu ai hte shinggyim ahkaw ahkang hpe tawt lai ai lam mung rai nga ai.

Makam masham  Hpung langai ngai  kaw na hpung masha ni shan hte a makam masham kaga ni hpe wanglu wanglang tang madun gam garan na ahkaw ahkang ni hpe pat shingdang kau ya ai lam ni nmai galaw ai ngu ai hta kahtap nna bai myit dum mai ai lam gaw, tinang a makam masham hte seng nna, kaga masha ni hpe tsun dan, gam garan tang madun ai lam ni galaw ai hta, ladat masa gaw, tengman ai hte tara rap ra ai masa hte hkrak rai ra na rai nga ai.

Kaga masha ni a wanglu wanglang ahkaw ahkang hte shan hte a shinggyim sari sadang hpe hkungga manu shadan ya ra na mung rai nga ai. Ndai lam hte seng nna, lahkawng ngu na Vatican Zuphpawng hta matsun da ai ya ai lam mung nga nga ai.

“ Makam Masham hpe shachyam shabra ai gam garan ai lam ni galaw sa wa ai hta, shagyeng shama ai lam zawn re ai ni (shr) n chye n chyang matsan mayan re ai masha ni hpe n kaw n law re ai masa hte lau la ai lam ni hpe galoi mung koi yen kau ra ai. Dai zawn re ai sat lawat ni gaw, masha kaga a ahkaw ahkang hpe lale tawt lai ai n-gawn n-sawn di ya ai lam ni re ngu nna masat la ra ai “

nga nna matsun da ya nga ai.

Kaja wa mung dai zawn re masu magaw n san n seng ai ladat hte lau la ai lam galaw ai gaw makam masham ngu ai hte mung, tengman ai lam ngu ai hte mung n htan shai ai lam ni rai nga ai.Tengman ai ngu ai lam hpe atik anang kanawng bang ya n ra nga ai.Tengman ai lam a atsam gaw, masha ni dai hpe hkap la na matu hpaw ya ai lam chyinghka shi hkrai tai wa na rai nga ai.

Masha langai mi a sari sadang hpe nyet kau ya nna, shi a yak hkak jam jau ai lam ni hpe mu mada ahkaw ahkang la nna makam masham langai ngai hpe hkap la wa hkra, lau la na matu shakut galaw ai lam ni ma hkra gaw Hpung langai kaw nna kaga langai de Hpung gale , Hpung tat shangun ai masa rai nga ai.

Ga shadawn tsun ga nga yang, Lata du ai hku nna, Myit masa, Sut masa, Mung masa hku nna (shnr) kaga masa langai ngai hku nna masha langai ngai hpe dip kamyet ai lam galaw nna makam masham hkap la wa hkra galaw ai masa gaw, Hpung htawt shangun ai lam rai nga ai. Hpung htawt shangun ai masa ngu ai hpe grau chye na hkra tsun ga nga yang, masham hkap la wa na matu shalen la ai hku nna dai masha wa hpe jawng lung shabri shabrai zawn re ai ni lajang jaw ya ai, bungli jaw ya ai, bungli hta aya sharawt ya ai, malu masha jaw ai (shnr) ja gumhpraw madi shadaw jaw ai lam ni rai nga ai.

Ndai gaw shut ai lam kaba nan rai nga ai. Hpa majaw nga yang, dai zawn re ai masa hta, Karai Kasang jaw ya ai shinggyim sari sadang hpe hkungga manu shadan ai lam ni nnga ai zawn shinggyim masha a wanglu wanglang ahkaw ahkang hpe mung hkungga ai lam nnga ai majaw rai nga ai.

Jet ai makam masham ngu ai gaw, Tinang a Hpan Madu Karai Kasang hpe shinggyim masha myit masin kaw nna, sharawng awng ai myit hte hkan tam hkap la ai masa she rai nga ai. Dai majaw a-tik anang hpung htawt shangun ai lam gaw shinggyim masha sari shadang hpe n hkung ga ya ai lam sha n-ga, masha wa a wanglu wanglang ahkaw ahkang hpe n hkungga ya ai lam mung rai nga ai majaw simsa ai hte rau hpawng rau nga lu na ngu ai masa hpe n shabyin ya lu nga ai.

Bai maga mi de gaw, shinggyim masha a ahkaw ahkang hpe hkungga manu shadan ya ai masa hta tinang a makam masham hpe masha ni mu chye hkap la wa hkra, tsun dan tang madun ai lam ni galaw ai lam gaw, simsa ai lam hpe n htan shai ai lam n re ai sha n-ga, wang lu wang lang masa, shapri shanem ai lata la mai na masa ni mung shabyin ya lu nga ai. Ndai lam ni gaw sari rawng ai hte ngang grin ai simsa ai lam hpe shabyin ya shangun ai lam ni mung rai nga ai.

Raitim myit yu ra na lam langai gaw, masha shagu hta wanglu wanglang ahkaw ahkangnga ai ngu ai hpe yawng myithkrum hkap la da ai hte sha mung nngut n ram nga ai. Dai ahkaw ahkang nga wa hkra, shangang shagrin da ya ai lam ni mung nga ra nga ai.Ndai ahkaw ahkang nga wa hkra, shangang shagring da ya ai lam ni nga ra ai ngu nna tsun yang, wuhpung wuhpawng hpe uphkang ai Mung up du ni hta lit nga ai.Mung up du ni hku nna, Mung masha ni a ahkaw ahkang makam masham hte seng ai wanglu wang lang ahkaw ahkang ni, wuhpung wuhpawng hta lu la nga hkra ladat shaw nna hkam daga da ya ra na rai nga ai.

Ndai Mung up du ni hku nna mung, Mungchying sha ni hpe makawp maga la ra ai .Makam Masham amyu myu hkap la kam sham nga ai ni rawng hte rau ta gindun magam bungli galaw ai ladat hpe n-gun jaw la ai masa hte Mungdan hpe gaw gap ra na rai nga ai.Tara rapra ai lam, myiman n lata ai lam, simsa ai lam ni rawt jat wa hkra, Mung up ai du ni galaw ai a marang e shada dingkren ai lam ni, lachyen ginhka ai lam ni nhkam sharang lu shangun ai lam ni hte makam masham hte seng nna Makam masham hte seng nna zingri zingrat ai lam ni hpe shayawm kau lu na mung rai nga ai.

By: Fr.Dr.Bernard Dashi Tang Ji

 

Makam Masham Hte Seng Ai Wanglu Wanglang Ahkaw Ahkang

 

Makam masham  hte seng nna wanglu wanglang ahkaw ahkang ngu ai hta, tinang a makam masham hpe kaga masha ni hpe gam garan ya lu na ahkaw ahkang ngu ai lam ni mung lawm nga ai.

Masha ni ra sharawng ai lam nga ai rai yang, tinang a makam masham hte bung ai masa hte sak hkrung nga sa ai prat masa lam dai masha hpe gam garan jaw ya na ahkaw ahkang, tinang hta ting gyeng langai hpra hku nna mung, wuhpung wuhpwng hku nna mung, ahkaw ahkang nga nga ai.

Ndai lam hpe hkristan ni hku nna,” Avangilization” Madu Yesu a Kabu Gara Ai Shiga Hpe Masha Ni Chye  Wa Hkra Shachyam Shabra Ai Sasana Magam Bungli’ ngu nna tsun ai rai nga ai.Madu Yesu a lam hte seng nna hkaw tsun ai, masha kaga ni Kabu Gara Ai Shiga hpe hkap la wa lu hkra, ahkaw ahkang jaw ya ai lam rai nga ai.Ndai hkam la mayu ai ni a matu madat hkam la na ahkaw hkang mung shan hte hta nga ai rai nga ai.

Hkristan ni a matu gaw, Kabu gara ai shiga hpe shachyam shabra ya lu na, ahkaw ahkang chyu sha nrai, shachyam shabra ya na lit mung nga nga mali ai.Dai re majaw Hkristan ni a ahkaw ahkang hpe pat shingdang kau ya ai lam ni (shnr) Makam masham  Hpung langai ngai  kaw na hpung masha ni shan hte a makam masham kaga ni hpe wanglu wanglang tang madun gam garan na ahkaw ahkang ni hpe pat shingdang kau ai lam ni gaw hkap la mai ai masa n rai nga ai.

Dai zawn rai pat shingdang kau mayu ai ni a myit masa gaw, Makam masham hte seng nna, shajan shalai re ai myit masa rawng ai masha ni re majaw, dai myit masa hpe nhkap la mai nga ai.Dai zawn re ai myit masa gaw, Makam Masham hte seng ai wanglu wanglang ahkaw ahkang ngu ai hte shinggyim ahkaw ahkang hpe tawt lai ai lam mung rai nga ai.

Makam masham  Hpung langai ngai  kaw na hpung masha ni shan hte a makam masham kaga ni hpe wanglu wanglang tang madun gam garan na ahkaw ahkang ni hpe pat shingdang kau ya ai lam ni nmai galaw ai ngu ai hta kahtap nna bai myit dum mai ai lam gaw, tinang a makam masham hte seng nna, kaga masha ni hpe tsun dan, gam garan tang madun ai lam ni galaw ai hta, ladat masa gaw, tengman ai hte tara rap ra ai masa hte hkrak rai ra na rai nga ai.

Kaga masha ni a wanglu wanglang ahkaw ahkang hte shan hte a shinggyim sari sadang hpe hkungga manu shadan ya ra na mung rai nga ai. Ndai lam hte seng nna, lahkawng ngu na Vatican Zuphpawng hta matsun da ai ya ai lam mung nga nga ai.“ Makam Masham hpe shachyam shabra ai gam garan ai lam ni galaw sa wa ai hta, shagyeng shama ai lam zawn re ai ni (shr) n chye n chyang matsan mayan re ai masha ni hpe n kaw n law re ai masa hte lau la ai lam ni hpe galoi mung koi yen kau ra ai. Dai zawn re ai sat lawat ni gaw, masha kaga a ahkaw ahkang hpe lale tawt lai ai n-gawn n-sawn di ya ai lam ni re ngu nna masat la ra ai “ nga nna matsun da ya nga ai.

Kaja wa mung dai zawn re masu magaw n san n seng ai ladat hte lau la ai lam galaw ai gaw makam masham ngu ai hte mung, tengman ai lam ngu ai hte mung n htan shai ai lam ni rai nga ai.Tengman ai ngu ai lam hpe atik anang kanawng bang ya n ra nga ai.Tengman ai lam a atsam gaw, masha ni dai hpe hkap la na matu hpaw ya ai lam chyinghka shi hkrai tai wa na rai nga ai.

Masha langai mi a sari sadang hpe nyet kau ya nna, shi a yak hkak jam jau ai lam ni hpe mu mada ahkaw ahkang la nna makam masham langai ngai hpe hkap la wa hkra, lau la na matu shakut galaw ai lam ni ma hkra gaw Hpung langai kaw nna kaga langai de Hpung gale , Hpung tat shangun ai masa rai nga ai.

Ga shadawn tsun ga nga yang, Lata du ai hku nna, Myit masa, Sut masa, Mung masa hku nna (shnr) kaga masa langai ngai hku nna masha langai ngai hpe dip kamyet ai lam galaw nna makam masham hkap la wa hkra galaw ai masa gaw, Hpunt htak shangun ai lam rai nga ai. Hpung htak shangun ai masa ngu ai hpe grau chye na hkra tsun ga nga yang, masham hkap la wa na matu shalen la ai hku nna dai masha wa hpe jawng lung shabri shabrai zawn re ai ni lajang jaw ya ai, bungli jaw ya ai, bungli hta aya sharawt ya ai, malu masha jaw ai (shnr) ja gumhpraw madi shadaw jaw ai lam ni rai nga ai.

Ndai gaw shut ai lam kaba nan rai nga ai. Hpa majaw nga yang, dai zawn re ai masa hta, Karai Kasang jaw ya ai shinggyim sari sadang hpe hkungga manu shadan ai lam ni nnga ai zawn shinggyim masha a wanglu wanglang ahkaw ahkang hpe mung hkungga ai lam nnga ai majaw rai nga ai.

Jet ai makam masham ngu ai gaw, Tinang a Hpan Madu Karai Kasang hpe shinggyim masha myit masin kaw nna, sharawng awng ai myit hte hkan tam hkap la ai masa she rai nga ai. Dai majaw a-tik anang hpung htawt shangun ai lam gaw shinggyim masha sari shadang hpe n hkung ga ya ai lam sha n-ga, masha wa a wanglu wanglang ahkaw ahkang hpe n hkungga ya ai lam mung rai nga ai majaw simsa ai hte rau hpawng rau nga lu na ngu ai masa hpe n shabyin ya lu nga ai.

Bai maga mi de gaw, shinggyim masha a ahkaw ahkang hpe hkungga manu shadan ya ai masa hta tinang a makam masham hpe masha ni mu chye hkap la wa hkra, tsun dan tang madun ai lam ni galaw ai lam gaw, simsa ai lam hpe n htan shai ai lam n re ai sha n-ga, wang lu wang lang masa, shapri shanem ai lata la mai na masa ni mung shabyin ya lu nga ai. Ndai lam ni gaw sari rawng ai hte ngang grin ai simsa ai lam hpe shabyin ya shangun ai lam ni mung rai nga ai.

Raitim myit yu ra na lam langai gaw, masha shagu hta wanglu wanglang ahkaw ahkangnga ai ngu ai hpe yawng myithkrum hkap la da ai hte sha mung nngut n ram nga ai. Dai ahkaw ahkang nga wa hkra, shangang shagrin da ya ai lam ni mung nga ra nga ai.Ndai ahkaw ahkang nga wa hkra, shangang shagring da ya ai lam ni nga ra ai ngu nna tsun yang, wuhpung wuhpawng hpe uphkang ai Mung up du ni hta lit nga ai.Mung up du ni hku nna, Mung masha ni a ahkaw ahkang makam masham hte seng ai wanglu wang lang ahkaw ahkang ni, wuhpung wuhpawng hta lu la nga hkra ladat shaw nna hkam daga da ya ra na rai nga ai.

Ndai Mung up du ni hku nna mung, Mungchying sha ni hpe makawp maga la ra ai .Makam Masham amyu myu hkap la kam sham nga ai ni rawng hte rau ta gindun magam bungli galaw ai ladat hpe n-gun jaw la ai masa hte Mungdan hpe gaw gap ra na rai nga ai.Tara rapra ai lam, myiman n lata ai lam, simsa ai lam ni rawt jat wa hkra, Mung up ai du ni galaw ai a marang e shada dingkren ai lam ni, lachyen ginhka ai lam ni nhkam sharang lu shangun ai lam ni hte makam masham hte seng nna Makam masham hte seng nna zingri zingrat ai lam ni hpe shayawm kau lu na mung rai nga ai.

By: Fr.Dr.Bernard Dashi Tang Ji

Add new comment

8 + 2 =