Kungdawn Shingnoi Hte Mayu Dama Shada Hkungga Hkat Ai Lam

Num wawn num la ai kaw lang ai kungdawn shingnoi a lam

KUNGDAWN SHINGNOI

Wunpawng Htunghking Laika : Page 2013

 

Kungdawn Shingnoi hta, kungdawn shingnoi kaba, shingnoi kaji ngu nna myu lahkawng nga ai. Shingnoi kaba hta gaw ja hpaga ni manu dan nna shagup nna bang da nga ai. Shingnoi kaji hta bang ai ja hpaga yawng atai hkrai rai nga ai. Shingnoi kaba baw ai ni gaw, kanu kawa ni hte kaji kawoi ni rai nga ma ai.

 

Kungdawn shingnoi hta bang ai ja hpaga ni gaw;- Shingnoi kaba hta rai yang, Nri lahkawng, nhtu n-ga lahkawng, makyit nba langai, Labu hpakang langai, lahkawn man mi, gali langai hte laraw man mi, Latsun man mi, Singkung ru (shaman ru- kahtan ru] yan mi hte hkai lu hkai sha mai ai baw hkai n mai nli tumni amyu hkum hkra, jahkum bang da nga ma ai. Kung- daw shingnoi kaji hta rai yang, ka da ai ja hpaga ni langai hpra sha bang da ma ai. Singkung ru [shaman ru] hpe gaw nri the rau shajup da nga ma ai.

 

 Num hkungran ngut ai hpang, dai kungdawn shingnoi kaba hpe dama maga de na lata loi mi lum ai salang wa, shing n rai salang jan langai ngai hpe alai shangun nga ma ai. Shingrai shingnoi alai yu nna kungdawn ja hpaga kade rawng ai hpe jahpan galaw matsing la ngut jang, arung arai ni hpe hparan lajang ai myitsu salang ni hpang de bai ap ya dat nga ma ai. Shingnoi alai yu ai wa hte jahpan jep yu ai wa gaw, dai shi alai yu ai shingnoi hta na shi yu ra sharawng grau ai manu dan al ja hpaga hpe shaw la kau nga ma ai.

 

Dai zawn lata la lu ai lam gaw, shingnoi kaba alai yu ai wa gaw hpu ja hpaga n law wa ai shaloi, manu dan ai hpu ja hpaga langai ngai shaw jaw let karum ra nga ai ni, rai nga ai. Dai majaw shingnoi kaba alai shangun ai lam rai nga ai. Shing rai hpu ja hpaga dat karum ai ni hta na manu grau rawng ai Yanghpau lawng zawn re ai hpu ja hpaga sa karum ai myitsu salang ni hpe mung, alai shangun chye nga ma ai

 

Bai, mayu ni a mayu wa [kaji dwi, mayu j] hpe nga langai mi jaw ma ai. Shing rai jaw ai hpe "Mun ja' nga ma ai. Kaji dwi mayu ji wa gaw kungdawn shingnoi baw ai rai tim, dai "Mun ja" gaw sha na sha rai nga ai. Rai tim, lit baw ni sha shaloi gaw, nga kanu, nga kawa hpe sha lu na rai nga ai. Litn baw ai shaloi gaw nga kasha [ngga kaji] sha, lu na raii nga ai. Lit gun ya ai nga ni hpe lu yang lu ai hku, n lu yang n lu ai hku, lit gun kumhpa jaw nga ma ai. Lit n gun ai sha, num sa ni, mayu ni, ngu nna hkan sa ai masha ni yawng hpe mung, ma kaji ni kaw du hkra, gumhpraw lap akyap, mu hti, rai nna karan jaw nga ma ai.

 

Hkau jaw hkau ya kaji kajaw ang ai masha ni hpe, num hkungran ai shani, dai shani jang lam e hkap nna hkap karan jaw nga ma ai. Hpu ja hpaga kaba sha ang al. lu ang ai myitsu salang ni hpe gaw, num n hkungran ngut ai hpang shani she karan jaw shajang nga ma ai. Ja hpaga kaba sha ang ai ni hpe rai tim, dai shani jang jaw na n nga mat, n lun lawnm mat rai yang gaw, gara shara  hta, gara shing ra hta, gara aten jaw na, shing n rai lu lawm ai ten galoi rai tim jaw na, ngu nna nga la ang ai wa hpe "Nga jaw sumri" ngu nna gumhpraw lap mi, bau la htung ang ai wa hpe "Bau ka' ngu nna gumhpraw chyai lap mi, rai nna ndat kumhpa jaw nga ma ai. Kadai wa hpa baw la ang, sha ang ai wa hpe rai tim, gumhpraw lap mi hte ndat nna shabawn nga ma ai.

 

MAYU HTE DAMA Nl HPE HKUNGGA AI LAM

Wunpawng Htunghking Laika : Page 228

Makoi mayang poi zawn re ai poi shingra shani dama ni gaw, sanat kumhpai kapaw let sa wa nhtawm, mare numshang e sa hkring sa nga ma ai. Dai shaloi mayu ni gaw, tsa chyaru hte ntsin nhtung ni lang let, sa tau pang la ma ai. Shing rai sa tau pang la ngut jang mayu ni gaw, ndaw kahkrang ai shara npan e mung bai ning-daw nna hkap pang la na matu lajang da ma ai.

 

Mayu ni gaw, dama ni npan de kahkrang shang wa nga yang, hkap tau pang lana matu, nta madu mahkawn ma ni gaw, hkuwawn hta chyagyi hkauya the latsan re ai hkai nmai ni hpe bang let, salang ningbaw langai mi mung lawm, rai nna hkap pang la nga ma ai. Dai hpe hkap kungdaw ai nga ma ai. Dai hkai nmai nli nirawng ai hkuwawn hta hkachyi, gaili the lahkawn ni mung naw rawng nga ai. Dai hkap kungdaw ai mahkawn mani hte rau n-gang kaling gun ai salang langai mi mung, kahkrang lawm nga ai. Shing rai kahkrang nga let, hkai nmai nli tum ni hpe gaw dama ni kahkrang nga ai maga de kabai agat dat rai ma al.

 

N kaja ai hkai nmai nsen ni hpe gaW shinggan maga de shaw agat kau dat lat rai nga ma ai. Dai nsen rawng ai hkai tum ni hpe shaw agat dat ai shaloi, "Ndai gaw si ai wa a matu re: si ai wa tsu ga de wa hkai sha na matu re" ngu tsun lets shaw agat dat ai rai ma ai.Dama la ni gaw hkra lata de nhtu lang, pai lata the tinang a labu matu jum let ja let, rai nna kahkrang nga ma ai. Hkahku wga ginra shara nkau mi hta rai yang, labu n bu ai sha, palawng galu hpun let kahkrang shang wa ma ai. Bai ginra nkau mi hta gaw labu htinglun kau, rai nna kahkrang shang wa ma ai.

 

Shing rai kahkrang shang wa yang, dama ni labu matu n jum, labu n htinglun, labu n raw rai yang gaw, "Ndai dama ni gaw hpang de dai mayu nta kaw na shayi sha gawm n la jat sana," ngu ai kumla rai ai ngu tak la chye nga ma ai. Shing rai hkap tau pang la, rai nna mayu dama shada matai malai rai hkap tau pang la hkungga hkat shajang nga ma ai.

 

Shing rai mayu ni kahkrang shang wa ai shaloi, mayu ni gaw nhtu lang ai shaloi, nhtu nshan hpe tinang hpang maga de shayawn nna, nhtu n-gung hpe dama ni hpang de shayawn let lang nga ma ai.

Dai gaw mayu ni lang ai nhtu gaw asa rawng nga ai hte kaba nga ai majaw, dama n hkam lu na re, ngu myit la let,  grai sadi let nhtu hpe lang nga ai. Ndai zawn hkap tau pang la ai lam the buga langai the langai loi loi naw shai shajang nga ma ai. Hkap tau pang la ai lam madung gaw maren sha rai nga ma ai.

 

Thomas

Add new comment

12 + 7 =