Karai Kasang Nga Ai Lam Hpe Shinggyim Masha Ni Hpe Shadan Dan Ai

google photo

Karai Kasang nga ai lam hpe shinggyim masha ni myit yu nna chye na lam n nga ai 1sraela makam masham labau hta Shi a kata lam hpe tsun shadan dan nna Abraham Isak,Yaku ni hte ga shaga ai. Egutu mung kaw mayam tai nga ai shi a amyu masha ni hpe hkye shaw la na matu Mawshe hpe shangun dat ai.

Myihtoi ni Shi a mying hte shaga nna bungli galaw ma ai. Karai Kasang a kasha hpe kam sham ai ni nlang htc gaw, hten bya n hkrum ai sha, htani htana asak u la mu ga nga, Karai Kasang gaw shi a Kasha shingtai hpe jaw kau ai kaw du hkra. mungkan ga hpe tsaw ra wu ai.Yh. 3:16

Karai Kasang gaw Shi hkum shadan dan ai lam hpe Israela masha ni mu chye nna bai htang ai lam ni nga nga ail Karai Kasang gaw Shi hkum hpe shadan dan ai shaloi, masha ni gaw Karai Kasang hte matut mahkai ai lam hta, dingbai dingna jaw ail lam yawng ma yawng hpe kau da nna, sak hkrung ai Karai Kasang a man e shi a prat gara hku galai shai ai hpe myit yu ra ai.

Ndai lam hpe Israela amyu masha ni shanhte hte Karai Kasang ga shaka da ai shaloi asan sha bai htang ma ai Karai Kasang gaw Mawshe hpe Sinai Bum kaw Tara Kanu Lam Shi jaw ai (Pru. 19-24)

Anhte gaw dai Tara Lam ni hpe hkan shatup nna teng man ai hku hkan sa ai rai jang. Karai Kasang a tsaw ra ai kumhpa hpe bai htang ai rai sai. Ndai lam hku nna mungkan ga hte labau a matu Karai Kasang a masing kanu hta anhte shang lawm na ahkaw ahkang lu ai rai nga ai. Dai majaw Anhte yawng a prat a matu Tara Kanu Lam Shi gaw grai ahkyak a nga ai.

Tara Kanu Lam Shi hta kaja ai hku sak hkrung na matu Karai Kasang gaw anhte hpe htani htana tara ni jaw da ya ai. Ndai tara ni hpe anhte a lam matsun hku nna kam mai ai. Ndai gaw mungkan hpe Karai Kasang yaw sing da ai hku shabyin na re. Dai tara ni hta anhte hkan sa ra ai tara ni hpe chye la lu ai, ga shadawn anhte kadai kaw na mung n mai lagu ai dai hte maren anhte a ahkaw ahkang mung asan sha ra wa ai kadai mung anhte kaw na mai la ai.

Tara Kanu Lam Shi malawm gaw shingra tara hte bung nga ai,tsun mayu a gaw, kaja ai bungli ngu ai hpa re ai hpe shinggyim masha shagu a masin salum hta ka da ya ai. Dai tara ni hpc mungkan ting na shinggyim masha yawng hte htunghking yawng gaw jawm hkan nang nga ma ai Dai majaw tara Kanu Lam Shi gaw shingyim masha hpawng a npawt nhpang tara mung rai nga ai. Htunghking ni yawng hta kyang lailen tara ni ginchyum ai nga ai.Tara nkau gaw shi hkrai shi nga ai.Nkau gaw shada da matut mahkai nga ai, dai gaw shinggyim masha a shingra tara hpe madun dan ai re.

Hpan Madu ra sharawng ai hku rai nga ai; kyang lailen hpaji ningli a matsun maroi gaw dai hpe shingra tara hku nna chye na ai. Pope Benedict XVI, from the Encyclical Caritas in Veritate (CiV 59)

Mungkan shara shagu e Tara Kanu Lam Shi hpe shagrin shangang ai tara ni wan sumshi jan nga ai. Ndai lam hpe ngai ya sha, ya sha mau nga nngai nga nna, simsa lam shagrau kumhpa lu ai Albert Schweitzer (1875-1965),ngu ai wa tsun shana lai wa sai. Missionary doctor and Nobel Peace Prize winner Karai Kasang gaw Shi hkum hpe Nazaret mare na Yesu hku nna mung shadan dan ya sai.

Yesu Hkristu hta Karai Kasang Shi hkum shi shadan dan ai gaw hkum tsup dik ai hku rai sai. Yesu Hkristu a hkum hta masha ajet, Karai Kasang ajet hku nna Karai Kasang a tsaw ra ai hpe dik hkra madun sai rai nga ai. Shi hta e Karai Kasang a Mungga gaw masha a hkum shan tai wa ai, nga nna Yawhan a Kabu Gara Chyum Laika npawt hta rawng nga ai.

Karai Kasang kadai re ai, masha hte gara hku hkrum zup ai hpe Yesu Hkristu hta myi hte chyaw mu lu ai, Madu Yesu a hkumhkrang hpe mung jum hkra lu ai. Dai majaw Shi tsun lu ai gaw, Ngai hpe mu yu ai wa gaw, Wa hpe mu yu nu ai YhH. 14:9).

Shut hpyit mara hta lai nna lam shagu hta, shinggyim masha hte maren sha re: shing rai, Yesu gaw shinggyim masha kasi nan re, Karai Kasang a masing hte maren hkrak re ai shinggyim masha re. Karai Kasang myit ra ai hte maren Yesu nga sa wa ai: tsaw ra ai. Hkristan masha tai ai ngu ai gaw dang lu ai daram Yesu zawn nga sa ai lam re. Sakramentu ni hku nna anhte gaw Yesu hpang de shang sa wa ai anhte Hkristu a Hkum tai wa a "Nye a matu Yesu gaw Karai Kasang re, Yesu gaw ngai na prat re, Yesu gaw ngai na langai sha re ai tsaw ra ai wa re.

Yesu gaw ngai na yawng mayawng re. Yesu nye a masin salum mahkra, ngai hta, nga manga nlang hte hte, ngai nang hpe tsaw ra nngai. Nga nna Calcutta mare na St. Teresa ofCalcutta tsun shana lai wa sai. (1910-1997), Nobel Peace Prize winner

Shinggyim masha a n-gun kya ai gaw, n-gun a npawt re. Yesu gaw n mai byin ai lam ni yawng a Madu re. nga nna BL. Charles de Foucauld (1858-1916) tsun shana lai wa sai. Madu Yesu a prat Ga Shaka Ningnan prat hta tsaw ra ai tara nnan hpe masat da ya sai.

Ja T'ara ("Masha ni nang hpe galaw shangun mayu hte maren, nang mung masha ni hpe galaw u) ngu a hpe htunghking law law hta kaja ai sak hkrung lam hku nna masat da ma ai. Ga Shaka Dingsa hta tsaw ra ai tara grau pyi ja ai. Na a htingbu Wa hpe na a Hkum hte maren nang tsaw rau a ndai Jaw Jau 19:18)

Shada saw ra ai tara hpe Yesu grau shaja nna Shi hkum hpe mung, Shi a asak nawng ai hpe mung madi madun ya ai: Ngai nanhte hpe tsaw ra ma de ai zawn, nanhte shada da mung tsaw ra nga mu, dai gaw Nye a ga matsun rai li ai" (Yh. 1S:12). Ndai tsaw ra ai hpe masha wuhpung de mung, masha hkum shagu hpe mung maren sha madun ai: masha hkum shagu hpe ahkyak ai, laklai ai hte, galai nlu ai hku Karai Kasang tsaw ra ai- bai nna, tsaw ra ai hte shada da shamyet shanat nga at. Karai Kasang a tsaw ra ai gaw "tsaw ra ai htunghking" ningnan hpe hpang sai (Wa Sarabyin Paul VI hte John Paul I1).

Dai hta shinggyim masha yawng shang lawm lu ai. Shingsyim masha gaw tsaw ra na matu rai nga ai. Shinggyim masha a mabyin hte maren nga jang, shi tsaw ra hkam ra ai, tsaw ra ai hpe jaw ra ai. Ndai lam hta Karai Kasang hkum nan anhte a kasi rai sai. Karai Kasang a mabyin gaw tsaw ra ai re ngu nna Yesu anhte hpe madun dan ai.

Kawa, Kasha, Chyoi Pra ai Wenyi ni a lapran c htani htana tsaw ra ai hta jaw ya hkap la galai hkat nga ma ai. Tsaw ra chye ai shinggyim masha gaw, tsaw ra ai wuhpung wuhpawng hta shang lawm nga ai. Karai Kasang a tsaw ra ai myit anhte kaw lwi shang ai hpe n pat da ai sha, anhte a masin salum hpaw da ai shaloi, anhte awng dang na re.

Tsaw ra ai gaw anhte a htingbu wa ra kadawn ai lam ni a matu lam jahpaw da ya ai majaw, anhte galaw lu ai hta pyi jan hkra re ai atsam jaw ai. Yesu Hkristu gaw shinggyim masha hpe tsaw ra ai majaw Udang hta Shi a hkum hpe nawng ya ai, ndai lam hku nna Shi a shinggyim asak hta lai hkra, Shi a tsaw ra ai bungli hpe galaw awng dang sai. Tsaw ra ai gaw dai ni hpang sai.

Dai ni masha langai ngai gaw shoi hpa hkrum nga ai, dai ni masha langai ngai gaw lam ntsa e dam hkawm nga ai, dai ni masha langai ngai gaw kawsi hkrum nga ai. Anhte a bungli gaw dai ni a matu re, mani na aten gaw lai mat sai, hpawt ni gaw garai n du ai. Yesu hpe shachyen na matu, tsaw ra na matu, daw jau na matu, jahpun na matu, shingbyi shara jaw na matu dai ni sha nga ai. Hpawt ni hpe hkum la u.

Dai ni shanhte hpe sha hpa n jaw jang, hpawt ni shanhte nga na n re. nga nna Calcutta na Mama kaba Sanpra ai St Teresa of Calcutta tsun shana lai wa sai...... VIRTUE (Latin ga, virtus, atsam, power) lu da ai, rawng nga ai, kyang lailen ra nna kaja ai bungli hpe aloi sha galaw lu na myit jasat re. Ndai ngai nau ni hta na kaji htum ai wa hpe nanhte galaw ai gaw, ngai hpe gala ma nit dai Mt. 25:40

 

By: Mama kaba Sylvia Lahpai Seng Tawng

 

 

Add new comment

19 + 0 =