Karai Kasang A Hpung Shingkang A Matu Mungkan Hpe Hpan Da Ai

google photo

Karai Kasang gaw mungkan ga hte anhte shinggyim masha ni hpe hpan da ai shaloi Shi a masing hte maren galaw ai. 

Karai Kasang gaw mungkan ting hpe hpan da ai shaloi Shi a myit hte masing hte maren hpan da ai. Shinggyim masha ni"gaw ahkyak ai ginsup hpan langai ngai hpe, galaw na re shaloi, ginsup na tara masing hte hkrak galaw ai zawn, Karai Kasang mung mungkan hte masha hpe hpan da ai shaloi dai hte maren galaw ai.

Karai Kasang a hpan da ai masing yawng a ahkyak ai lam kaba gaw tsaw ra myit re. Dai majaw, Karai Kasang a hpan da ai masing gaw Karai Kasang hpe shinggyim masha ni tsaw ra na hte Shi a tsaw ra ai hpe bai htang na matu, tsaw ra ai hpe myit ra ai, shaga ra ai, galaw ra ai. (Cf. Ehp. 3:9) hpan ai sha ngai hpe hpan da ai; Karai Kasang a hpaji byeng nya hta, Karai Kasang a mungkan hta kadai mung n lu ai shara ngai hpe jaw da ai, ngai lu su tim, matsan Lama ma mi byin tai wa na matu, kadai hpe mung nra tim, masha ni ngai hpe n ra tim, nhkungga tim, Karai Kasang ngai hpe chye nna ngai hpe mying hte gra shaga ai. (BL. John Henry Newman (1801-1890), English cardinal and philosopher)

Dai rai yang Karai Kasang gaw kadai re ai kun? Nga yawng nga pra yawng hpe hpan da ai wa re. Hpan da hkrum ai yawng a npawt nhpang gaw Karai Kasang re. Shi gaw nga yawng nga pra yawng a mahtai rai nna, yawng sak hkrung nga pra na matu shabyin ya ai Wa rai nga ai.

Ya prat na hpungtang hpaji ga hku tsun ga nga jang: Shi gaw hpa mung garai n nga ai kaw nna, nga chyalu rai sai hte shingra tara a npawt nhpang rai nga ai. Karai Kasang n lawm yang, nga manga pra mapra gaw run hkrat wa na re. Karai Kasang gaw nga manga pra mapra a jahtum mung rai nga ai.

Anhte gaw kanu kawa kaw nna sa wa nhtawm shanhte a kashu kasha re ai gaw teng nga ai, raitim, anhte gaw Karai Kasang kaw nna sa wa nhtawm, Shi a hkrang sumla hte anhte hpe hpan da nna Shi a kashu kasha tai na matu anhte hpe shaga la sai. Shinggyim masha shagu a npawt nhpang hta shi hkrai hkrup mara byin wa ai n rai nga ai, Karai Kasang a tsaw ra ai masing hta hpan da hkrum nna asak hkrung nga ai rai nga ai. Pope Benediet XVI, July 9, 2006

Karai Kasang gaw nga manga pra mapra a npawt nhpang re majaw, Shi gaw yawng a shadawn jitna mung re. Bungli mahkra hpe Shi a masing hte shadan nna galaw ai. Ndai lam hku nna gara gaw kaja ai bungli re ngu ai hpe anhte chye lu ai. Anhie a prat hta Karai Kasang gaw (DNA) ka bang da ai; anhte hta rawng nga ai matsun ai lam ni hpe ndut ndang hkan sa ai gaw Karai Kasang jaw ai atsam marai ni hpe anhte hkan shatup ai rai nga ai.

Karai Kasang gaw anhte a matu mai kaja ai lam hpe ra sharawng ai. Dai gaw kaja ai, hkum tsup ai prat a shadawn shadang ai rai nga ai. Hkristan ni gaw hpa galaw tim myit hkrum ai, hpa majaw nga yang Karai Kasang shawng shanhte hpe tsaw ra ai lam madun ai majaw re. Anhte a sak hkrung ten hta shani shagu na mabyin masa ni hku nna, Karai Kasang hpe hkrum katut nga ga ai. Nang hkrai nang sumru yu dat yang, na a hkum a matu nang n galaw lu ai lam law law nga ai hpe dum chye na re. Nang kaja wa asak hkrung nga pra mayu ai, shing n rai n pra mayu ai, nang hpe kadai n san na re.

Nang asak hkrung nga pra mayu nna, nang hkrai nang akajawng sha pra wa ai re. Dai hta n-ga, nang dum chye ra ai gaw, nang gaw htani htana n re, nang hta shadawn shadang ngu ai nga ai re. Dai ni, hpawt ni, shing n rai, hpawt din ni na a Prat gaw ngut mat na re. Lani mi na nhtoi hta na a makau na ni n nga mat na re. Ratim htani htana ngu ai hpe gaw nang mai myit ai: dai gaw nga nan nga ai rai nna mat mat na n re.

Dai majaw, na a makau grup-yin e lai mat chye ai ni nga tim, htani htana rai nga ai, n lai mat ai hpe nang marit sharawng nga na ndai. Na a hkum hta na lama ma hpe nang ra sharawng nga ndai. Mungkan hta grai tsawm htap nma nga pra ai ni, chyahkring mi sha re ai shi a prat hpe lachyum n pru ai hku Pra nna, lachyum n pru ai prat de bai shang wa ai gaw yawn hpa rai nga ai. Karai Kasang teng sha nga ai majaw nang Shi hta shim lum na re. Bai hpan da hkrum ai ni yawng mung shim lam lu na re. Karai Kasang a lam chye nna Shi hpe ra marit, ra sharang ai gaw shinggy im masha a adaw achyen rai nga ai.

Yawng hta grau dik ai htani htana grin ai hpe ra marit ai gaw shinggyim masha htunghking yawng hta mu lu nga ai Hpan da hkrum ai arai ni yawng gaw Karai Kasang a mai kaja ai hte tsaw ra myit kaba ai hpe madun dan ya nga ai, jan gaw nhtoi jaw ai, wan gaw kahtet shangun ai, hpun shagu lakung ni lagra nga ai, dai hpun kaw nna asi ni jaw ai, hka hte nbung mung shinggyim masha hpe akyu jaw ya ai, hpan da hkrum ai shingra maka yawng gaw Hpan Madu a gam jaw gam ya mayu ai myit hpe madun ya ai.

­Madu Karai Kasang a hkrang sumla hte bung ai anhte shinggyim masha ni gaw, marin lawhpa myit, madu tingkyeng myit rawng nna, n-gup ga hte Karai Kasang hpe hkap la tim, tatut bungli hta gaw Shi hpe nyet kau ai. St. Philip Neri (1515- 1595)

Ngai a masing hta n lawm ai gaw Karai Kasang a masing hta lawm ai. Ngai hta dai hku byin magang, ngai grau kam sham magang re ai. Karai Kasang a ningmu hku rai jang hkrup mara byin ai ngu ai hpa n nga ai.

St. Edith Stein (1891-1942), German-Jewish philosopher, concentration camp Victim, inite and Eternal Being (1935/1936)

Anhte a Madu Karai Kasang e, nga yawng nga pra hpe, nang hpan tawn da nna, dai hte gaw na a myit ra ai hku jaw e tai ma ai. Shingran 4:11 Karai Kasang (Yehowa) e, Na a amu gade law la nga a hka! Nang mahkra hte hpe, hpaji hte galaw nu ai Sh.K. 104:24

 Hkye hkrang la na matu masha hta lam masum ahkyak ai: hpa hpe kam sham ra na hpe shi chye ra ai, hpa hpe ra sharawng na hpe shi chye ra ai, hpa galaw ra na hpe shi chye ra ai. nga nna St. Thomas Aquinas tsun shana lai wa sai... (1225-1274), a great Christian thinker of the Middle A Commandments (Prologue). On the

 

By:Mama kaba Sylvia Lahpai Seng Tawng

 

Add new comment

1 + 3 =