Karai Kasang gaw Hpa Majaw Masha Hte Mungkan Hpe Hpan Da Ai Kun?

Karai Kasang gaw Shi a tsaw ra myit hpring kabrat ai kaw na mungkan hpe hpan da ai. Shi anhte hpe tsaw ra ai zawn anhte mung Shi hpe tsaw ra na matu Shi ra sharawng ai. Shi a Nawku Hpung htinggaw kata de anhte hpe kahkyin la mayu ai.

 Nang hpe ngai tsaw ra ai ngu tsun ai gaw, "Nang n si na re ngu tsun ai hte bung nga ai.nga nna Fransik myu sha myit mang hpaji sara wa tsun shana lai wa sai.GABRIEL MARCEL (1889-1973) French philosophier.

Nang hpan da ai nga manga mahkra hpe Nang tsaw ra ndai, Nang shabyin da ai langai mi mung Nang n ra ai n nga ai, kaning rai nme law, Nang nra jang Nang hpan da na n rai.nga nna Hpaji Byengya Laika 11:24.

Bai Karai Kasang gaw, Egutu mung e nye a amyu hkrum ai ru tsang lam hpe ngai azin ayang mu se ai rai nna, shanhte a hpareng ni a majaw hkrap sharung ai nsen hpe ngai na ya ma se ai: shanhte hkrum ai nni nkri hpe ngai chye nga nngai. Pru. 3:7-8

Karai Kasang gaw mungkan hpe tsaw ra nna hpan da ai rai nga ai, raitim, n tara ai, diplu dipsha ai hte ru tsang tsin-yam tsimdam ni byin pru wa nga ai. Ndai zawn byin ai lam gaw Karai Kasang mungkan hpe hpan da ai shaloi yawng mayang gaw kaja nga ai. Raitim, masha gaw Karai Kasang kaw na hka mat ai Karai Kasang hte n htan shai na matu dawdan ai hte mungkan de nkaja ai hpe woi bang dat ai.

 Ndai lam hpe Chyum Laika hta Adam yan Ewa hkrat sum ai lam hpe shawng na shut hpyit mara ngu ka da ai. Shinggyim masha ni gaw Babela Wa hpang langchyi mau mwi hta lawm ai hte maren Karai K.asang hte bung ai. Dai kaw nna mungkan hta shut shai wa ai lam nga wa ai. dai gaw jahten sharun ai tara re.

Dai aten kaw nna hpa mung Karai Kasang masing jahkrat da ai hte maren n rai mat ai. Dai ni anhte dawdan ai lam ni mung, mungkan hta n tara ai, diplu dipsha ai, ruyak shoi hpa lam ni mung byin wa nga ai. Shut ai dawdan lam ni gaw, n kaja ai hte mara de rai mat wa ai. Dai rai nna masha langai gaw n kaja ai., jntara ai masing kata e nga ra a majaw dai masing kaw nna tsan gang ai hku nga na n lio nga a. ga Shadawn,ntara a majan hta shang lawm ra ai hpyenla ni zawn rai nga ai.

" Anhte gaw mara htawng hta shangai ai ni hkrai rai ga ai.nga nna Loyola mare na Sanpra ai Ignatius tsun shana lai wa sai. St. Ignatius of Loyola (1491-1556), Founder of the Jesuits

Ngai shachyen ai bungli hpe ngai n chye nngai; ngai n galaw mayu ai lam galaw nga nngai, ngai n dawng n yawt ai bungli sha a galaw nga nngai.nga nna San Pawlu hkum nan tsun lai wa sai. Rom. 7:15

Dai rai yang Karai Kasang gaw masha ni hpe n kaja ai lam galaw na matu ahkang jaw ai kun? N jaw da ai. Karai Kasang gaw shinggyim masha ni hpe tsawra na matu hpan da ai rai nga ai. Raitim, tsaw ra na matu kadai hpe mung n shagwi ai; tsaw ra ai gaw galoi mung madu ra sharawng nna galaw ai re.

Shinggyim masha gaw tsaw ra lu na matu, shi a shanglawt ahkaw ahkang hpe, ndut ndang jai lang lu nga ai. Jet ai shanglawt ngu tim, n jaw ai hku mung dawdan wa chye ai. Anhte shinggyim masha ni gaw shanglawt ahkaw ahkang hpe nan jahten shaza lu ai ni rai nga ga ai.

Shanglawt ahkaw ahkang lu ai ngu ai gaw, mara galaw na matu ahkaw ahkang lu ai ngu mayu ai n re. Tinang ra ai lam hpe ndut ndang galaw ai gaw hpan da hkrum ai wa a shanglawt ahkaw ahkang n rai nga ai.

Karai Kasang hpe kup tsup ai hte shamyet shanat nna, tinang a hkum1 hpe tinang dum chye ai lam gaw teng man ai shanglawt ahkaw ahkang rai nga ai.nga nna Siena mare na Sanpra ai Catherine tsun shana lai wa sai. St. Catherine of Siena (1786-1859), Third Order Dominican, mystic, and theologian

Singgyinm masha gaw Karai Kasang kaw nna tsan gang wa ai tim shi hpe Karai Kasang nkau da ai. Karai Kasang a tsaw ra ai gaw galoi mung n htum ait ( Kor 13:8). Karai Kasang gaw anhte shinggyinm masha ni makoi hkawm nga ai lungpu hkan, shara hkan tam hkawm ai, anhte hpang de sa nna hkrum zup mayu ai. Shi kadai re lam, anhte hpe chye shangun mayu ai.

Ngai mara grai galaw kau sai, Kaja ai Madu gaw ngai na mara n dat ya lu sai. Nga nna masha nkau mi tsun chye ma ai. Dai gaw Karai Kasang hpe roi dik ai re. Karai Kasang a matsan dum ai hpe jarit da ai hte bung wa ai. Karai Kasang a matsan dum ai hta jarit ngu ai nnga ai dai gaw nhtum nwai htani htana ai nga ai. Kaja ai Madu hpe roi ai gaw Shi a matsan dum ai hpe n kam ai nan rai nga sai St. John Vianney (1786-1859). the Cure ofArs

Tsawra matsan dum ai hta jarit ngu ai n nga ai: nhtum nwai htani htana rai nga ai tsawra matsan dum chye ai Karai Kasang hpe anhte aten shagu mu tam lu nga ai.

Karai Kasang Shi hkum anhte hpe madun dan jang (shing n rai) shadan dan jang anhte Shi hpe mu tam ai. Anhte hkum shagu a kraw kata e Karai Kasang nga ai hpe chye chyalu rai nna dai hpe anhte myit yu dat jang chye ai. Karai Kasang gaw kaning re ai wa, Shi a myit hte masing ni hpa re hpe, anhte a myit hte n dang chye lu ai. Shing rai, Karai Kasang gaw kaning re ai lam hpe mung Shi hkum nan anhte hpe tsun dan na ra ai.

Shi a lam chye na matu anhte hpe myit nyan n jaw ai, laika buk, shing n rai, mung masa n jahkrat ya ai Shi hkum nan masha sa tai ai. Yesu Hkristu hta e Karai Kasang gaw Shi hkum hpe tsep kawp madun dan sai: Karai Kasang kadai re hpe masha ni chye na matu Karai Kasang gaw masha sa tai ai.  

Yesu gaw Karai Kasang a Mungga rai nga ai. Kaning rai nme law, ngai myit mang ai hku, nanhte myit mang ai hku n rai; nanhte a lam ni, nye a lam ni zawn n rai, nga nna Karai Kasang tsun ai. Sumsing lamu gaw ginding aga hta tsaw nga ai hte maren, nye a lam ni nanhte a lam ni hta, ngai myit mang ai hku, nanhte myit mang ai hta, grau tsaw nga ai. Es. 55:8-9