Htingbu Wa Hpe Tsaw Ra Daw Jau Lu Na Matu Madu Hkum Nan Shaman Shakyang Sharin La Lu Ai

google photo

Tsaw ra ai ngu ai gaw majoi mi hkam sha nga na matu sha n re. Tsaw ra ai gaw kaja ai kyang lailen, atsam marai mung rai nna dai hpe shaman shakyang sharin la lu nga ai. Tsawra ai myit a majaw marai rawng wa ai, gwi wa ai. Tara ai hte tsawra ai gaw Hkristan shagu a matu dahkat ai lam rai nga ai.

Mungkan hpe anhte gaw kaga masha a ningmu hku nna mada chye ra ai. Anhte a myit masin kaja hte masha ni hpe ganawn mazum ai shaloi masha ni gaw shanhte hpe kaja wa ahkyak shatai nga ai ngu hkam sha nna shanhte hkam sha ai hpe ndut ndang tsun wa lu ai.

Tsaw ra ai magam hpe loi ai bungli kaw nna shaman la lu nga ai, anhte tsawra daw jau ya ai majaw anhte hpe bai nhtang n tsaw ra tim," Karai Kasang a chyeju hte rai jang kade machyi hkrum tim anhte tsaw ra wa lu na re. Ndai lam hpe matsan ai ni hta na matsan dik ai ni hpe yu lajang ai shaloi mu lu ai, grau nna anhte hte hpyen tai ai ni hpe matai dawp na, nhtang gasat na, du daw sai hkaw adip arip di na ngu ai myit hpe tawn kau da ai.

Yesu Hkristu anhte hpe jaw ya ai jet ai hkum tsup ai hkye hkrang la ai chyeju, ngwi pyaw simsa ai chyeju gaw, masha nkau mi sha lu la ai baw n re. Masha marai shagu a matu rai nga ai. Hkyc hkrang la ai ngu ai shaloi, masha hkum ting: hkumhkrang hte wenyi, lahkawng yan a matu, marai langai hku nna mung. shawa hku nna mung lawm nga ai.

Ndai mungkan ga hta mung sumsing lamu, hte htani htana hpe mung tsun mayu nga ai. Ya anhte sak hkrung nga ai labau hta e ndai hkye hkrang la ai lam gaw hpang sai; dai gaw, htani htana sumsing lamu kaw e hkum tsup wa na re. Ndai mungkan ga ntsa e hkye hkrang la hkrum sai ngu nna ga sadi jaw ai mung masa myit ni hpe anhte ninghkap ra ai.

 Sumsing lamu hta chyu sha anhte ngwi pyaw ai paradisu lu ai rai nga ai. Dai gaw majoi mi myit shapyaw ya ai sha n rai nga ai, mungkan hpe nju ai lam mung n re. Htani htana asak hpe anhte myit mada ai majaw, ya ndai mungkan ga ntsa e tara rapra ai hte tsaw ra ai hpe hkrang shachyaw la lu nga ai.

Anhte galaw bungli kaja ni gaw. kaman lila n rai mat na re; dai hpe htani htana asak hkrung ai prat de bai hkum tsup wa na matu gun wa na rai nga ai. Anhte shinggyim masha ni gaw htani htana hkum tsup ai prat de hkawm sa ai lam hta, aten shagu myit masin kaja ai de galai shai wia nga ai.

Dai zawn galai shai na matu Chyum Laika a Kabu Gara Shiga hku nna, Karai Kasang Shi Hkum hpe hpaw madun dan ai majaw anhte hpe lam shagu hta galai shai wa shangun nga ai. Dai shaloi anhte gaw, mungkan hte masha hpe ningmu nnan hte yu wa ai. Galai  shai ai lam shagu gaw masin salum kaw nna hpang wa ai: shawng nnan, masha hkum nan shi kraw kata e galai shai nna Karai Kasang a tara hte maren myit yu mang yu nna nga sa wa ra ai; dai hpang, shinggan de galaw hpang wa lu ai.

Masin salum galai shai ai hte ningnan hpang wa ra ai re, dai gaw mungkan hpe kaja wa ningnan galai hpang wa ai rai sai. Dai hku galai shai jang sha wuhpung wuhpawng ni, shachyaw da ai hkrang ni hpe galai shai nna grau kaja ai hkrang gram la lu na rai nga ai. Galoi mung n tsaw ra yu ai masha, shinggyim masha langai hpe pyi ntsaw ra yu ai masha gaw, Karai Kasang hpe myit n shapyaw ya lu ai.

Masha yawng hpe Yesu tsaw ra ai zawn tsaw ra ga, shanhte ra sharawng ai lam hpe Yesu ra sharawng ai zawn anhte ra sharawng ga. Anhte dang lu ai daram shanhte a matu kaja ai bungli galaw ga, anhte marai hkum shagu hkye hkrang la hkrum na matu anhte hkum shagu a matu apnawng ga, sai jahkaw kau a du hkra jin jin rai nna sharawng ga. Nga nna san pra ai B Charles de Foucauld tsun shana lai wa sai.

Shinggyim masha ni a tingkyeng myit gaw mara a npawt n hpang rai nga ai. Masha gaw shi hkum hpe shi tinggyeng hku nna sha myit jang shi a prat gaw gaman sha rai mat ai. Anhte hpe hpan da ai gaw anhte a matu sha n re. Anhte sak hkrung nga ai lachyum hte anhte a npawt Karai Kasang hpang de bai gayin wa na matu shinggyim wuhpung Wuhpawng hte rau Karai Kasang hpang de bai wa na matu hpan da ya sai.

Anhte gaw anhte a kata kaw nna shinggan de pru ra ai, hpa majaw nga yang, anhte gaw tsaw ra na matu hpan da hkrum ai majaw re. Anhte tsaw ra ai rai yang, anhte kata kaw nna shinggan de pru nhtawm kaga masha hpang de sa wa nna, hpang jahtum Karai Kasang hpang de bai wa ra ai.

Tinang hkum sha tinang machyu ai gaw mara lu ai hte maren sha re. Kadai raitim, n tsaw ra ai, n tsaw ra lu ai wa gaw tinang hkum tinang jahka kau ai re. Shinggyim wuhpung wuhpawng mung dai hte maren sha re. Galaw shapraw ai hpe sha madung da ai, tinang ra ai hpe jai sha nna asak galu jat na hpe sha madung da ai ral jang, kahkyin gumdin ai hte shinggyim masha jet ai gaw hpa lachyum n nga mat ma rai nga ai.

Nang mu nga ai na a man na kahpu kanau hpe nang n tsaw ra ai rai jang, nang n mu lu ai Karai Kasang hpe nang gara hku tsawra lu ai nga nna San pra ai S. Augustine (354-430), tsun shana lai wa sai. Doctor of the Cburch, the greatest thinker in the early Church

 Karai Kasang hpe tsaw ra ai ni a matu gaw Karai Kasang arai mahkra hpe kaja ai hku shabyin ya ai shinggyim masha ni a wam wam dam dam re ai  lam ni hte shut shai ai lam ni hpe pvi shinggyim masha ni a matu kaja na lam shabyin ya ai St. Augustine (354-430

Karai Kasang masing jahkrat ai hta Nawku Hpung hku nna hkrang shapraw ya ai. Karai Kasang a tsaw ra ai masing kanu gaw Shi a Kasha Yesu Hkristu a marang e masha yawng hkye hkrang la hkrum na matu re. Nawku Hpung hkrung asak hkrung ngang grin nga ai gaw, hkye hkrang la ai magam hta Yesu hte rau sung sung matut mahkai nga na matu rai nga ai.

Ndai matut mahkai ai lachyum gaw "Hkristu a Hkumhkrang" ngu ai Nawku Hpung hte bung ai lam tsun da nga ai. Kashin Kamun hte kaga Sakramentu ni a marang e anhte gaw Hkristu hte seng nna, Shi hta e htani htana asak ningnan lu la ai. Karai Kasang a Mungga hpe madat la nna  shi ra sharawng ai hpe anhte hkan shatup ga ai.

Karai Kasang a tsaw ra ai hta anhte rawt jat wa ai shara gaw Nawku Hpung rai nga ai. Nawku Hpung gaw shi a matu sha sak hkrung nga ai n rai. Shinggyim masha hte shinggyim wuhpung wuhpawng ni a matu shi asak hkrung nga ai. Shinggyim masha ni a matu Nawku hpung lit la ya nga ai rai nna shinggyim htinggaw shagu ngwi pyaw simsa rawt jat wa na matu Nawku Hpung bungli galaw ya nga ai,Makam masham n lawm ai labau ngu ai gaw chye na yak ai G.K. Chesterton (I874-1936), English author and joumalist

Ya sha ya sha myit htum na zawn re ai ten hta Hkristan ni gaw myit mada ai masha ni tai nga ai. AL Kresta, broadcaster, journalist, and author Anhte tinang a matu sha myit taw nga jang, anhte hpa mung galaw awng dang lu na n re. St. Therese of Lisieux (1873-1897), Carmelite and Doctor of the Church *** * **

 

 

 

Add new comment

14 + 6 =