Hpan da hkrum ai shinggyim masha hte hkrung mahkrung ni hku nna Karai Kasang a hkum zup dik ai lam ni hpe yawng hkyawm madu da ai ni nrai ma ai

Shingra masa gaw Karai Kasang a lam hpe shaleng ya nga ai zawn,dai shingra masa hta Karai Kasang nga nga ai ngu ai hpe mung shadum ya nga ai,asak jaw ai Karai Kasang a Wenyi gaw asak hkrung mahkrung mahkra hta shanu nga ai.Dai Madu hte matut gahkyin jawm pawng nga na matu saw shaga nga ai.Shingra tara masa hta Karai Kasang hpe mu tam la ai lam gaw shingra masa e jaw ya ai mai kaja ai lam nan rai nga ai.

Hpan da hkrum ai shinggyim masha hte hkrung mahkrung ni hku nna Karai Kasang a hkum zup dik ai lam ni hpe yawng hkyawm  madu da ai ni nrai ma ai ngu ai lam hpe malap mali di da nmai nga ga ai zawn Karai Kasang a tsawm htap hkrik hkam dik ai lam ngu ai hte hpan da hkrum ai arung arai ni ngu ai lapran  tsun shadawn nmai hkra tsan gang ai lam ni nga nga ai ngu ai masa hpe mung malap mali di kau nmai nga ai.

Ndai masa hpe nchye na ga ai rai yang hkrung mahkrung ni hpe shanhte nga ra ang ai masa hta nga nga ra nga ai ngu ai masa hpe ningdang kau ya ai masa tai mat lu nga ai hte shanhte a kaji kadun ntai nmai nhkum nzup re ai prat kaw nna shanhte njaw ya lu ai lam ni hpe anhte lu la hkra Kaman lila e lu la hkra shakut taw nga ai masa de yawng mat wa shangun na sha rai nga ai.