Hkristu Hkawhkam Poi Tara Laika Sharin Lamang

Hkristu Hkawhkam Poi

Hello Tsaw ra ai ma ni e, dai hpawt na laban, dai ni gaw Hkristu Hkawhkam poi laban re.

Lai wa sai bat hta mama nanhte hpe Madu Yesu hte seng ai ahkyak ai lachyum hpe tsun dan sai.

Dai ni gaw Nawku hpung a nawku dawjau ai laban shawng / shaning ningnan laban mung rai nga ai.  Moi sharin ya sai laning mi tup na nawku dawjau ai ladaw hpe bai yu ga.

Nnan hpang ai ladaw gaw hpa rai ta?

• Du sa Ladaw

Dai hpang e,

• Hkrismat ladaw - December 25 - Madu Yesu shangai wa ai

Matut manoi yu ga,

• Pranwan Ladaw
• Wangam lagaw - dai ladaw hpang ai ahkyak ai poi- wanwu chya poi

( ahkyak ai daw jau myit masa hte magam ni: lu sha gam ai; akyu hpyi shakut ai; matsan ni a matu alu bang shakut ai- nanhte anhte law malawng gaw  matsan ai ni re…raitim,

Matsan ai ni kaw na matsan dik ai ni hpe garan jaw ai hpe galaw lu na matu matsun ai ladaw mung rai nga ai.)

• Chyoi pra ai laban bat - Ndai bat laman hta mungdan nkau kaw magam lam, ga shadawn- seng, rung ni pat da na myit sumru akyu hpyi ai hpe galaw nna wenyi lam shakut ai.

• Paschal ladaw- Madu Yesu hkrung rawt ai poi hte hpang ai; chyoi pra ai poi na law law nga nga ai. Akyak dik ai, kaba dik re ai poi ni kaw na langai re.

• Ndai paschal ladaw hta poi kaba ni nga ai. Chyoi pra ai wenyi yu hkrat wa ai poi…

• Rai sa dai hpang gaw pranwan ladaw de bai du sai.  Pranwan ladaw hpang jahtum laban ngut yang, dai ni na nhtoi re ai Hkristu Hkawhkam poi bai rai wa ai.

Ma ni e, ndai anhte a nawku daw jau ai ladaw tup hta anhte Madu yesu hte rau shi hta hkawm sa ra ga ai.

Ya dai ni na la na kabu gara shiga hpe matut madat la ga. Yawhan a Kabu gara shiga 18: 33-37

Madu Yesu hpe jeyang na ahkaw ahkang nga ai Pilat gaw Madu Yesu hpe shaga la nna, “ Nang Yuda ni a hkawhkam rai nga nni? ngu san ai. Shaloi Yesu gaw:

“dai gaw na myit hte nang san nni/ shing nrai masha kage e nye a lam nang hpe tsun dan ma ni? ngu san ai. Pilat gaw: “ngai Yuda masha rai nga nni?

Na a amyu masha ni hte hkrinjawng agyi ni gaw nang hpe ngai kaw sa ap nga ma ai; nang hpa galaw shut nit ta? ngu nna htan wu ai…

Yesu gaw Nye a mungdan gaw ndai mungkan ga na nrai  li ai; nye a mungdan ndai mungkan ga re ai rai yang, ngai Yuda masha ni a lata de n shang hkra, nye a ali ama ni gasat na ma sai..

Shaloi Pilat gaw “ rai taw nang hkawhkam teng nga nni? ngu nna san ai. Yesu gaw: “nang tsun ai hte maren, ngai Hkawhkam teng nga nngai; dai ngu nna,

‘teng man ai a maga de sakse hkam na matu ngai shangai jinghkrai wa ni ai hte mungkan ga de du sa ring ngai: teng man ai hte seng ai ni nlang hte gaw nye a ga nsen madat ma ai, ngu nna htan wu ai.

18:33 - “Teng man ai hte seng ai ni nlang hte gaw nye a ga nsen madat ma ai”

Tsaw ra ai ma ni e, anhte Madu Yesu hpe manoi manat na dai ni na ten hta anhte grai yak hkak tim, shakut shaja atsam dat na hkawm sa ga…ya mama nanhte hpe moimwi kadun langai tsun dan na.  Kagin langai a maumwi re.

Moi…kagyin uhpung ni gaw buga langai hta shanhte a nta ni gap rai mare kaba de nga ma ai da..Shanhte shada garum hkat nna pyaw pyaw rai nga let galu kaba wa nna tsa lam law htam wa ai e..lani mi n myit mada ai sha nbung laru bung ai majaw shanhte a nta ni hka ing wa ai…Dai yang e, kagyin langai gaw shi manang hpe shara htawt hprawng na tsun ai, Manang gaw dai kaw sha nga na gara hku mung n lawt na nga tsun yang, shi gaw ngai dai hku sha aloi sha hte atsam dat ai hpe n kam ai…shakut na ngu ai da..Manang n hkraw na shi chyu shakut ai…Hpun ntsa lung na hpun lap langai kaw tsawt let, shi asak hkrung lu sai..

Ma ni e, anhte dai ning tup hta pyaw tim, yak tim Madu Kaw manoi nna, shakut shaja sak hkrung nga ga…