Chyoi Pra Ai Mali Ya Shani Na Nawku Daw Jau Lamang Hta Madu Yesu Kasa Ni A Lagaw Kashin Ya Ai Hpe Myitdum Galaw Ai

Jau kaba a lagaw hpe kashin nna, apup manam ya ai

 

Wa Jau Joseph Gawlu Yung Wa gaw Chyoi Pra Ai Mali Ya shani na nawku daw jau lamang hta Wa Jau kaba lahkawng hpe mung lagaw kashin ya ai lam galaw lai wa ai hte dai jau kaba yan hpe shakawn shagrau ga mung tsun ai.

Wa Jau Francis Zukdaw Lum Dau hpe tsun shakawn ai hta jau ni shada da mayak mahkak lam ni hpe tsun jahta hkat ai shaloi Wa Jau Francis Lum Dau gaw nye prat hta Kahtawlik jau langai tai ai majaw galoi mung myit malai n lu ai nga nna tsun ai.

Kaja wa mung ndai asak aprat ten du hkra, kangka sadi dung ai hte jau prat hpe sakse hkam ai nga nna tsun shakawn ai.

Wa Jau Patrick Ulaw Naw Awng mung Rosary hti akyu hpyi ai hta laklai ai hku shakut ai jau re.

Ndai zawn re ai jau lu na matu grai yak ai.

Ndai zawn re ai jau ni gaw nawku hpung a matu, anhte a matu Karai Kasang shaman jaw ya ai lak lai ai shaman chyeju re nga nna shakawn ga tsun ai.

Masha kasha wa pyi shangun ma hpe yam sha na nga du sa ai n rai, shangun ma a mu hpe galaw daw na nga nna du sa ai. ( Mk 10: 45 )

 

Shiga tang madun ai - Julia Ja Ing

Add new comment

1 + 14 =