“Tara Malang Ai Lam hte Ngwi Pyaw Lam Lwi Nga U Ga:

Tara Malang Ai Lam hte Ngwi Pyaw Lam Lwi Nga U Ga:

Makau Grupyin Shingra Masa Gram Lai Lam A Matu Yawn Madai

nga ai Mungkan Ga A Saw Shaga Lam

 

‘Laudato Si’ hte seng nna shamu shamawt nga ai Myanmar mungdan na tsawra ai manaw manang ni,

Madu Yesu a ngwi pyaw ai, tara malang ai lam, nanhte hte rau nga nga u ga!

Karai Kasang a hpan da ai lam ni hpe tsawra makawp maga akyu hpyi ai nhtoi, Laudato Si Nhtoi ngu nna masat galaw nga ai ndai laklai ai nhtoi shani kaba hta, nanhte yawng hpe akyu hpyi ya let shakram dat nngai.

Nammak lawhpa ai shinggyim masha ni a jahten shaza ai lam ni a majaw, mungkan ga gaw nji nmu hkrum let, yawn madai nga ai. Mungkan ga kahtet shadang rawt tsaw: nga ai lam gaw kaja wa nan byin nga sai masa rai nga sai. Hawaii hte Canada hkan hkru: hkat’ lai wa sai hkrit hpa sharaw! wan hkru: hkat lam ni, mungdan shara law law hkan byin nga ai hkrit hpa hka kaba, hka lim” ai lam ni, ndai mabyin ni hku nna mungkan masha ni hpe jahtau” marawn” shadum” nga ai lam gaw: anhte a kanu mungkan ga hpe jahten shaza ai lam ni hpe jahkring kau mu! Ngu ai jahtau nsen rai nga ai.

Mungkan ga gaw, tsawra ai Karai Kasang anhte hpe jaw ya ai langai sha re ai kanu rai nga ai. Mungkan ga hpe jahten shaza ai, sat ai lam gaw tinang a kanu hpe sat ai lam rai nga ai, dai zawn re ai hkrit hpa tara tawt lai ai masha ni gaw, tinang hkum hpe tinang sat si ai angawk dik ai hkrit hpa mara galaw ai ni rai nga ai majaw, dai zawn re ai masha ni a matu myit malai na aten ahkying pyi lu na ma ai nrai.

Mungkan mungdan shara law law ni hta, masha mayu shamyit sat sharu ai mabyin ni byin hpang nga sai. Sut su ai mungdan ni hku nna, mungkan nhprang sut rai ni hpe shaw sha jahtum nna pyaw pyaw asak hkrung nga ma ai majaw, kaga mungdan ni hkan jan kri nna marang nhtu ai, hku hku wa ai, kaw si hpang gara hkrum wa ai, shaning wan lam hte ru nna nga lai wa ai hpun maling, hka shi hka nu ni hte du sat du myeng ni yawng hten za si htum mat wa nga ai, ngu ai lam ni hpe dai masha ni hpa n nawn nga ma ai.

Sut su ai mungdan ni hku nna ndai zawn galaw ai lam ni gaw, matsan ai mungdan ni hkan shanu nga ai wan lam hte ru ai matsan masha ni a shat ban kaw nna sha hpa kashun la kau ya ai, hpang gara nga ai dai masha ni lu maw nga ai hka hpe shanhte a n gup kaw nna kashun la kau ya ai lam nan rai nga ai. Sun hkau na galaw sha ai ni a lata hta hkai nli tum ni nlu mat masai, nam maling ni hta lamu ga sau nkap mat sai.

Mungkan ga kahtet shadang rawt tsaw jat wa hkra shabyin ai lam ni hta nlawm ai matsan mungdan ni hkan na matsan mayan masha ni, asak hkrung nga pra na matu nbyin mai ai masa ni hpe mara kata hkrum nga masai.

Ndai gaw ntara dik ai lam nan rai nga ai. Tara malang ai lam hte ngwi pyaw lam ni, hka nu zawn lwi nga ai mungkan ga shabyin shatai nga ga, nga nna myi htoi Amos tsun shadum lai wa ai. Dai ni na prat a myi htoi Amos, Wa Sarabyin Francis kaw nna Laudato Si ngu ai matsun laika shapraw nna, mungkan masha ni su hprang wa hkra shadum ai lam galaw lai wa ai.

Wa Sarabyin shadum ai lam ni hpe hkan galaw hkrang shapraw na gaw dai ni nan rai sai, hpawt ni ngu ai hpe la nga nmai sai, hpun kawa nam maling ni shaza kau hkrum sai matsan ai mungdan ni hkan na ma kaji ni law law kaw si hpang gara hkrum nga masai.

Wa Sarabyin Francis shi a matsun laika hta tsun shadum sadi jaw da ai lam gaw: anhte hkrum nga ai mayak mang hkang lam gaw makau grupyin shingra tara masa hten za mang hkang lam ngu ai hte, shinggyim nga sat nga sa lam hte seng ai mayak mang hkang ngu ai hpan lahkawng hpe hkrum nga ai lam nrai, makau grupyin shingra tara masa hten za lam hte shinggyim nga sat nga sa htenza lam lahkawng kapyawn nna byin nga ai grai shuk shanut ai mayak mang hkang lam hpe hkrum kadup nga ga ai.

Asak jaw ai nam maling hpun kawa, hka shi hka nu ni hpe jahtyen shaza ai hku nna, matsan masha ni a sha ban kaw nna sha hpa kashun gare la nga ai ni hpe kasat shamyit kau na matu nam bat masum mungkan majan kasat na ra nga ai. Nam mak law hpa ai lachyawk mi re ai masha nkau mi sut su nga mai na matu, masha wan law law jam jau hkrum ra ai ndai zawn re ai mabyin, shinggyim masha labau hta shawng de galoi nnga lai wa yu ai.

Nanhte shakut galaw nga ai magam bungli ni a marang e, ramma ni law law myit su hprang wa nna, Karai hpan da ai mungkan ga hpe jahten shazanga ai Karai a hpyen ni hpe rawt malan kasat mayu ai myit ni ramma ni hta rawng wa shangun lu nga ai. Dai zawn galaw na, mungdan nkau mi a matu hpang hkrak wa magang nga sai. Matsan ai mungdan ni hta, mungkan ga hpe makawp maga lam galaw let asak ap nawng lai wa sai tara sakse ni a ap nawng lam ni gaw, anhte a myit masin hpe jasu ya ai lam ni tai nga u ga, myi htoi Amos zawn jahtau lu na atsam ni tai wa u ga.

 “Tara malang ai lam hte, ngwi pyaw ai lam gaw hka nu zawn lwi nga u ga.” Karai hpan da ai du hkra ladaw, hpa da ai lam ni yawng hpe tsawra ai San pra ai Francis Assisi nanhte galaw nga ai magam bungli hpe shaman ya nga u ga.

 

Cardinal Charles Maung Bo., SDB

Add new comment

2 + 1 =