PMS Online Tara Ga Sharin Lamang (13 .08. 2023 ) Pranwan Ladaw 19

Online Catechism
August 13 , 2023

Chyoi pra ai Nu Maria Hpe Lamu De Woi Shalun La ai Poi
Lk 1: 39- 56

Makawp maga ya ra na ahkaw ahkang

Tsaw ra ai ma ni e, August shata 15 ya shani gaw Chyoi pra ai Nu Maria hpe Lamu de woi shalun la ai poi hpe galaw ai.
Rai yang, nanhte ma ni Rosary hti shagu Chyoi pra ai Nu Maria a htinglu htinglai akyu hpyi garum ya ai hpe kam hpa nna Karai wa kaw akyuhpyi ap nawng ga ai. Dai ni myit dum la ga…Kadai hpe myit dum na ta…Nu Maria a akyuhpyi ya ai lam hpe myit dum nna chyeju dum nga ga.
Dai ni gaw shi a lam hpe n sharin ya sai. Matut nna, Ma kaji ni hte seng ai ahkaw ahkang hpe matut tsun dan na.

Tsaw ra ni..Lai wa sai bat lahkawng hta Galu kaba na ahkaw ahkang hte Nanhte a lit hpe mung tsun dan sai i..
ya dai hpawt gaw Masum ngu ai ahkaw ahkang re ai - “Maga “ hte seng ai hpe tsun dan na.
Nanhte ma ni gaw makawp maga hkam na ahkaw ahkang nag ai.
gara kaw na makawp maga na ta: 1. roirip lam amyu myu kaw na: Dai roirip lam ni hpe mama tsun dan sai. ya bai kadun ai hku dum la ga: Roirip lam ni gaw- hkum hpe machyi hkra gayat anu ai, Ga hte myit ana lu hkra ; yawn hkra galaw ai; dang sha ai; num sha hpe roi ai; E dai lam ni n byin hkra makawp maga hkrum na ahkaw ahkang nga ai.
Dai ahkaw ahkang n lu ai zawn ai re yang, mu ai ni tsun dan ra ai. Shim ai de du hkra lajang ya ra ai.
Okay..2 hta, tinang kadai re ngu ai hpe hkungga hkam la na ahkaw ahkang re. ( Ndai “Ngai Kadai” ngu ai hpe Kaba law ka na)
Dai hta
1. Kanu Kawa ni hte rau nga lu ai ahkaw ahkang- Nanhte asak 18 ning npu na ma ni yawng a kaja dik htum kaba ai lam gaw tinang a kanu kawa ni hte rau nga lu ai hte shanhte a tsaw ra maga ai shingnyip hta kaba wa ra ai.
( ndai hta mama tsun dan na : lam amyu my a majaw tinang a kasha hpe madu na, hkap la bau na n byin tim, shamying ya na, Kasha hpe tsun dan na lit nga ai re…)
2. Tinang a kanu kawa ni hte hkrum tsup lu na ahkaw ahkang - (sum tsan law nga tim, hka bra ai mabyin nga tim,)
3. Mung masha langai hku shamying na ahkaw ahkang hte amyu bawsang hta shang lawm lu na ahkaw ahkang

Dai majaw ndai lam ni kaw ahkyak ai lai kyang myit jasat langai mi kung hpan ra ai. Dai gaw shinggyim masha ngu ai sari re. shinggyim masha prat hpe manu shadan hkungga ai lam re. Shaloi shada ginhka lam n nga ai:

- nang gaw shadang sha n re,,nga nna mung n mai ginhka ai. Nye amyu n re, Nang matsan ai, hpung n bung ai, e..dai zawn masha shada ginhka hkrum ai kaw na maga ya ra ai. n byin hkra matsun sharin ya ra ai.

4. Shang lawm ai ahkaw ahkang

- Tinang a ningmu hpe tsun hpaw dan lu ai ahkaw ahkang; lu ging ai shiga machye machyang hkam la lu na ahkaw ahkang; wanglu wanglang uhpung hpaw ninghtan lu ai ahkaw ahkang re.
- Kaba sai , slang ni a lit magam gaw -Ma ni a ningmu hpe madat , manu shadan ya, hkungga nna shara jaw ra ai. Dai hpang kaja, n kaja, hpe mu chye hkra sang lang ya ai hte shanhte hkum nan mu chye hkra madun ra ai.