PMS - Online Tara Laika Sharin Lamang ( 11.6.2023) Yesu A Hkum Hte Sai Poi

Akyu hpyi ai:  “Mungdan majan a majaw ruyak jamjau hkrum nga ai grau nna, hpyen majan pa de nga ai ni, dum nth nat hkrum ai, sat hkrum ai kasha kasha kahpu kanau, kanu kawa, kaji kadwi ni wenyi bai hkrungrawt hkrum na hte yawnhkyen nga ai ngam nga ai nia masha ni yawng gaw anhte a daw shan ni re ai majaw shanhte hpe hkyela lu hkra Karai wa ninggun atsam jaw, tsaw ra dawjau ai ni law wa na matu hpyi ai. Anhte ma ni mung tinang hkan sa ra ai tara ni a lachyum hpe chye let hkan sa sak hkrung ai hku kaja ai Hkristan tai na matu chyeju jaw ya rit.

Sharin ai Lam:

Tsawra ai ni e, lai wa sai bat ni hta laikyang tsawmhtap lam ni hpe sharin ya sai. Ya dai hpawt Chyoipra hkum gaw Madu Yesu a hkum rai nga ai nga nna Madu Yesu hkum nan sharin ai chyum daw hpe matsing la ga. Dai hpang sak hkrung ai tsawmhtap lam hpe hkaja ga…

chyum daw: Yawhan 6:51

“ Ngai gaw sumsing lamu de na du yu wa ai hkrung ai muk rai nga nngai: muk ndai sha ai wa kadai mung htani htana a hkrung nga na ra ai.”

 Yawhan 6; 54

“Nye a ashan sha nna, nye a asai lu ai wa gaw, htani htana asak lu la nu ai. Dai wa hpe mung hpang jahtum na nhtoi hta ngai sharawt la na we ai”

Hkaja lam: Tsaw ra ai ni e, dai hpawt gaw Madu Yesu a Hkum hte Sai poi rai nga ai. Dai ni alak mi Chyoipra hkum sin nawku dawjau ga. 

Ma ni e,  Chyoipra hkum gaw Madu Yesu jaw ya ai wenyi asak re ai, htani htana asak re ai majaw dai hpawt nanhte tatut hkan sa na pyaw lu na akyang langai hpe sharai la ga…

            Dai gaw Laban shagu Missa Hkungga sa lawm ai hte Missa lawm yang, pru pru shang shang akyang gaw Nawku dawjau ai hpe chyena ai lam n re..sharai ga…Chyoipra hkum shaman ten ahkyak da ga..Akyu hpyi ai re.. lamang n re..phone yu let, shaga let lawm yang, Madu Yesu hte pawng nga ai lam n rai,,,Karai hpe hkungga ai myit masin dan dwang nna, tinang a wenyi ngun hkam la na re. Sung sung myit ai lam n nga nna, tara maigan zawn hpung ai lam hpe chye ai ngu n mai tsun ai… Missa ngut shaman ya ai du hkra lawm ra ai…

myit maju jung nna, Madu Yesu a hkum hte pawng lu ai chyeju nshat hpe hkam la lu u ga..

            Rai sa, tsaw ra ai ni e, tinang a htauli htaula myit nyan gaw kanu kawa ni myit pyaw myit dik lam hkam la lu ai hte, shanhte sak galu ai chyeju hpe tinang jaw ya ai lam re. okay..ya nanhte ma ni kaji ten kaw na htauli htaula myitdum lam hpe shaman da ra sai. ahkyak da ga…Karai Kasang gaw sak galu ugut gu ai du hkra nga na chyeju jaw ya tim, tinang hkum nan, kaga masha ni a myit n su ai lam, tingkyeng lam ni a majaw asak htum sum mat ra ai re..

Shawng ningnan mama mabyin langai hpe tsun dan na.. Dinghku langai hta madu jan hte kasha ni langai hpang langai si mat ai  majaw kawa ngu ai wa myit n grin na zawn rai mat ai mabyin hpe tsun dan na.

Madu jan gaw cycle adawk hkrum ai majaw si mat ai, kasha langai gaw mawdaw break n kaja ai majaw galau mat ai majaw si mat ai, Kasha langai gaw, bawm hkra nna si mat ai, kasha langai sha nga mat ai.. Dai majaw shi prat gaw myit pyaw ai lam hpe n lu hkam sha mat ai hte mau mau rai mat ai,,,Tsi la ngut ai hpang loi bai kaja wa ai. Ndai mabyin zawn law law byin ma ai…Tsaw ra ai ni, tinang a majaw mung manang kaga ni machyi ai, hkam sha yawn myiprwi n pu u ga..sadi ra ai daram hkan sa ga..

Rai sa. ndai mabyin hte anhte a tsawmhtap arawn alai hpe myit yu hkaja ga.

1.    cycle mawdaw adawt ai lam law law byin ai gaw hpa majaw ta? - Anhte n hkan sa ai majaw re..

2.    matut nna gara hku mai kaja lam galaw na ta? - ndai hpe ahkyak da ga.

1.    mawdaw cycle gawt ai shim lum tara hpe tatut n hkan sa ai majaw anhte hkra machyi ai. gara hku galaw mai ai hpe tsun dan na.

            - Jak hpe leaver (liber) “gade lawan ra ai” ngu ai tara hta lai na n mai gawt ai; Shalai mayu ai, shachyut ai myit masa hte gumrawng myit n mai nga ai. cycle re yang, gupchyawk gup na,

            - tinang sa ra ai lam hta lai nna, lam kashun ai hte kaga maga na mawdaw lam hta n gawt na.

            - Lam braw kaw du yang pai, hka atsawm yu na gawt lai na

            - Mawdaw hpe lam makau de da yang, man ai kaw da nna, mawdaw kahtap da n mai ai. kahtap ai ngu gaw…mawdaw langai sha da ra ai kaw…makau kaw bai da yang shawa lai lam kaji na hkawm sa hkawm wa ni hpe dinguai dingua jaw ai. 

            - Lam magaw  kaw mawdaw n mai da ai, pru wa ai shang wa ai lam kaw n mu lu ai majaw adawt na re…tinang a majaw manang wa shut wa chyoi ai lam hkam ai hte bung ai.  

            Tsaw ra ai ni, Madu Yesu gaw masha yawng htani htana asak hkrung na matu, sumsing lamu de yawng du na matu mai kaja ai tengman lam kaw ap nawng ya sai. ya nanhte ma ni kanu kawa sak galu na matu myit pyaw na matu…tsawmhtap hkra nga ga…yaw. Nang dai hku hkan sa galaw yang Madu Yesu a shaman chyeju hte yawng a matu ap nawng chye wa na re…Rai yang, nang gaw mung tinang hkum hpe ap nawng jaw lu na…