PMS-Online Tara laika sharin lamang Pranwan Ladaw 32 ( 06.11.2022)

Online Catechism

November 6, 2022

Hello Tsaw ra ai Sasana ma ni e, hkam kaja nga u ga…nanhte anhte ni hta na makin jinghku ni mung lai wa sai bat ni hte ya ten hta yawn nga ai ni mung lawm na ma ai..yawng a matu myit dum kyu hpyi ya ga…nanhte anhte a kraw lawang na madai ai a kyu hpyi nsen gaw sumsing hpungtang kadu u ga…shani shagu akyu ja ja hpyi nga ga yaw….ya mung dai myit masin hte hpyi ga.

kyu hpyi ai:
Rai sa tsaw ra ai ma ni hte nu wa ni e, dai hpawt gaw Kabu gara Shiga hta ninggun la ga…
Kabu Gara Shiga: Luka 20:27-38

Ma ni e, Madu Yesu nawku htingnu hta mung masha ni hpe sharin shaga ai nhtoi ni hta kalang mi“Bai hkrung rawt wa na lam n nga ai” nga ndang ai Saduke nkau mi gaw Madu Yesu hpang sa ai. Dai hpang shanhte gaw Madu Yesu hpe ndai ga shadawn hte san ai da. Dai gaw: Madu e, num lu ai kahpu wa, kashu kasha n kap ai si mat yang gaw, kahpu a gaida hpe kanau wa hta nna, kahhpu a matu mara shachyaw u ga…(tsun mayu ai gaw- amyu ru sai matut na matu) nga Moshe tsun da ai…ya kahpu a gaida hpe bai la ai shan nau ni sanit gaw dai kahpu a kajan hpe bai la nna, si mat yang, dai bai hkrung rawt ai shani dai num wa gaw kadai mahtang a num rai na ta? nga san ai da…Shaloi Madu Yesu bai sharin ya ai gaw: Kansan prat hte si ai kaw na bai hkrung rawt ai de du ai ni gaw numla numya n nga ai; si hkrung si htan hpe mung htawm hpang e n hkrum ma sai..hte Lamu kasa ni zawn rai wa ai hte Karai Kasang a kashu kasha ni rai ma ai. Garai Kasang gaw Hkrung nga ai Karai re nna, yawng mayawng hte gaw Shi a man e hkrung nga ai.” ngu htan dat ai ..

Rai sa Tsaw ra ni e, Kabu Gara Shiga na hpa hpe sharin la na ta?

• Bai hkrung rawt ai hta yawng gaw lamu kasha ni rai sai..ngu ai lam
• Karai Kasang gaw Ahkrung nga ai Karai kasang re…yawng gaw shi a man e hkrung nga na lam ndai lam lahkawng hpe matsing da ga yaw.

Rai yang, lai wa sai Nov 1 ya shani hta hpa poi hpe anhte galaw sai kun?

Nanhte yawng gaw Nov 2 ya si ai ni a poi hpe gaw dum na ga ai.

De a shawng e, Nov 1 ya shani grai ahkyak ai poi nga ai. Dai gaw “All Saints Day” ngu ai San pra ai ni yawng a poi” re.

Ndai San pra ai ni a poi shani anhte yawng Missa Hkungga sa lawm akyu hpyi ra ai poi re. Dai shani e grau nna Chyoi pra hkum shaman shagu na lu ai akyu hpyi ga hta “San pra ai ni hte ..” nga ai ten San pra ai ni hte pawng nga lu ai, akyu hpyi nga lu ai re.

• San pra ai ni kaw akyu hpyi ai Litany akyu hpyi ga hpe Deacon shatai poi, jau Saradaw shatai poi , prat tup mama hte brother prat hkam la ai poi ni hta hpyi ga ai.
• Karai Kasang hpe kam sham nna Madu Yesu hpang hkan nang let mungkan ga hta makam masham sakse hkam sai ni gaw Chyoi pra ai ni re. Shanhte si mat ai hpang lamik kumla ni, makam masham hta shamai shasai hakrum ai ni nga nga ma ai..Dai hta nawku hpung gaw kam sham nna, dinghta ga hta shagrau masat ya ai. Lama n shagrau tim, san pra ai ni rai nga re. Dai ni masat da ai san pra ai ni kaw anhte akyu hpyi ga ai. shaloi sumsing lamu e shanhte anhte a matu lamu kasa ni hku akyu hpyi ya, bau maga ya ai re.

Dai hte maren anhte shani shagu akyu hpyi yang San pra ai ni a mying tsun akyu hpyi yang:

1.  San pra ai ni hte grau ni htep wa lu ai chyeju hte shanhte a chyeju atsam ni hpe grau chye wa lu ai…

Yu…mama tsun dan na..shanhte a chyeju hpe grau chye wa lu ai ngu ai lachyum gaw…ga shadawn Mother teresa hpe chye ai i..shi gaw matsan ai ni, lam hkan dum nta n lu machyi ai ni hpe woi wa lakawn ai..e..dai hpe anhte chye wa yang, anhte /nanhte ni mung shakut nna shi zawn matsan lam hta shakut ai…le. dai hpe tsun mayu ai. nta na gwi kasha , nyau kasha ni hpe lakawn ai, machyi ai anu awa, adwi ni hpe garum ai… E..dai hpe tsun ai..yaw.

2. shanhte a htinglu ya ai akyuhpyi nsen hta Karai Kasang a makawp maga ai shaman chyeju lu ai re…

shanhte a mying shaga akyu hpyi ai kaw Karai a simsa ai chyeju lu ai…Myit tsang lam yawm wa ai…

DAi majaw, shani shagu hpyi ai kaw shalawm ga…

Yawng a mying n chye tim, ka da nna hpyi ga yaw tsaw ra ai ma ni..

Rai yang, Machyi ai ni hpe shama ya lu ai san pra ai ni, myit mada lam n nga ai ten akyu hpyi ai san pra ai ni , sassana a matu hpyi ai, ..ndai zawn laksan hpyi mai ai.

-    San Abel..myi n mu ai ni hte htaw hten ai ni
-    San Agatha- chyu mawn ana
-    San Blaise- du machyi ai ni
-    San Luka - machyi ai ni
-    Agustine of hippo- myi ana
-    lamu kasa kaba Rahpael- Machyi ai ni
-    san Florian - hka wan hyphen
-    san Yawseph- myit ung-ang ai hte daw dan chye na hte chyoi pra ai hku si wa lu na
-    San Maria Madalena- makam masham hta myit malai na matu, mara nga ai ni, n kaja lam hkan sa ai ni
-    San Maria Goretti- roirip hkrum na kaw na
-    San Jude of Thaddeus - myit htum ten, myit mada lam lu na

Rai sa…WA Sarabyin Francis tsun shadum ai ga:

To be saints is not a privilege for the few, but a vocation for everyone.

Masha nkau/ marai loi mi sha San pra ai masha tai mai ai n re..ndai gaw marai shagu hpe shaga la ai lam re”

okay..tsaw ra ni matsing da ga…hpang na bat lahkawng ngu ai laban hta bai madat hkaja la ga yaw…