Nawku Daw Jau Ai Shaloi Hpa Majaw Tsap Ai, Hput Di Ai ?

Du Sa Ladaw Laban- II

Akyu hpyi ai:  Tsaw ra ai Madu Karai Kasang e,,,dai ni anhte ma ni tara laika sharin na ga ai..yawng a ntsa e shaman ya rit..dai ni anhte 2 ngu ai wan shadaw hpe shatu nna tsaw ra ai lam hpe na la ai laban re ai hte maren, anhte shinggyim masha yawng hpe tsaw ra myit law htam wa na chyeju jaw ya rit..htingbu na, tinang buga shada, tinang mung masha shada tsaw ra garum lu ai chyeju jaw ya rit akyu hpyi ga shaman ya rit..Amen.

Tsaw ra ai ma ni e,,lai wa sai ten hta mama nanhte hpe “dinghpring ai lam gaw kaja ai hkrang langai re” ngu tsun dan sai .

Ya matut na mama nanhte hpe dingman ai lam hpe galaw ai hte tsun dan ra ai..ngu ai maumwi langai hpe tsun dan na..

Mauwwi

Kalang mi da.. Gam Awng nga ai la sha ma gaw htingbu wang e, grai min hkyen ai lamung si mu nna, sha mayu la ai majaw, n tsun na di la wa ai. Dai hpe shi wa hpe tsun dan yang, Kawa gaw, “ma e, madu hpe ntsun na hkum di..dai gaw lagu ai re” ngu tsun sharin ai da. Shaloi Gam Awng gaw “ wa ngai dai di ai hpe kadai n mu ai gaw” ngu htan dat ai. Shi wa bai tsun sharin ai gaw..”ma e, langai ngai nang hpe yu nga ai..dai gaw Karai Kasang re. Karai Kasang gaw yawng hpe mu lu nga ai. ..ngu tsun ai da. Gam Awng gaw “ya ngai chye na sai. Dai ni kaw na hpang de galoi mung ngai n lagu sana wa” ngu tsun dat ai ..E..Lani mi, Gam Awng hpe shi kawa gaw hkauna langai de sa nna, “Nang ndai kaw na yu yu nga yaw..lama wa marai langai ngai sa yang ngai hpe nsen jaw rit’ ngu tsun na sagyi dan taw nga ai. Shaloi Gam Awng gaw “wa, wa .marai langai nang hpe yu nga ai” ngu marawn dat na Kawa shi hpang gat sa ai. Shaloi kadai mung n nga ai hpe chye yang, “kadai mung n nga nga le” ngu kasha hpe tsun ai shaloi, Gam Awng gaw kawa hpe “Wa nang tsun ai..kadai mung tinang hpe n mu tim, Karai Kasang gaw anhte a kaja ai , n kaja ai yawng mu ai nga ai le” ngu tsun ai majaw kawa gaw matut n lagu gwi ai hte kaya mat ai da…

Tsaw ra ai ma ni e, lai wa sai laban hta mama nanhte hpe Misa hpun palawng hpun na shang wa ai Jau gaw Yesu Hkristu a malai re, dai hpun palawng hpun ai gaw anhte hpe Yesu hpe myit dum shangun nga ai” ngu tsun dan sai. Ya dai hpawt dai misa hkungga nawng nna anhte nawku ai wa kadai ta? Nawku ai ten hta anhte a htap htuk ai myit masin hte hkum masa gara hku rai na ta? ngu ai hpe bai tsun sharin mayu ai..

Dai hpe hkam la chye la lu na matu ..

Nang nawku ai Karai Kasang gaw kadai ta? kaning re ai Karai Kasang rai ta? ngu ai hpe shawng myit ga…

Anhte a Kawa Karai Kasang gaw -CHYOI PRA THUM AI Karai wa re.  ( ndai lam ni ka ya na)

Hpa majaw nga yang, Karai Kasang gaw:

-    Mahkra dang chye nna yawng hpe hpan da ai.

-    Hpaji byeng-ya hkum tsup ai

-    Mai kaja dik ai

-    Tsaw ra matsan dum n jin ai..

re majaw  hkum hkum tsup tsup Chyoi pra ai Karai re yaw.. matsing da na..

Dai majaw chyoi pra ai hpe anhte hkungga chye na ahkyak ai. Dai hte maren, anhte nawku nga ai shara, chyoi pra hkum nga ai shara gaw Chyoi pra ai shara re…ngu hpe chye da ra ai..ya yu…Mawshe a mabyin langai hpe tsun dan na…

Prumat wa ai laika 3: 1-5

Moshe gaw shi a katsa Yethru a sagu bainam rem nga nga ai..dai sabu hpung ni hpe nam jahtum de shi gawt sa wa ai, Herob ngu ai Karai Kasang a bum de sa du ai. Shaloi Karai Kasang a lamu kasa gaw, singwum hta wan grung ai hte shi kaw dan pru ai..Shi yu yang wan grung nga tim singwum n hkru ai hpe mu nna mau ai hte, ngai sa yu yu na ngu sit sa ai..Shi sit sa ai hpe Karai Kasang mu yang, “Mawshe e, Mawshe e, nga nna singwum kata na shi hpe shaga ai nsen na ai. Shi gaw ngai rai nga nngai”..ngu hta ai ..shaloi Karai kasang gaw “nang de hkum sit, na a kyepdin raw kau u; dai nang kabye ai ga gaw chyoi pra ai shara rai nga ai …” ngu ai. shaloi jang kyepdin raw nna dingnyawm dagum dat ai. .

Ma ni e,,Karai Kasang gaw chyoi pra ai. Rai sa..Karai Kasang gara kaw nga nga a ta? Karai Kasang gaw shara shagu nga ai..Raitim, Karai Kasang a mungga na ai shara gaw chyoi pra ai..yawng kam sham let nawku ai shara gaw Chyoi pra ai…

Dai majaw ma ni e, chyoi pra ai nawku jawng kaw hput di nna baw gum hkungga jaw shang ai zawn, Chyoipra hkum htingnu man de re yang, dingnyawm dagup hkungga jaw ai re..

Anhte dingnyawm dagup hkungga ga yang, lamu kasa ni mung dum sumpyi ni hte hkungga jaw shakawn nga ai re… ( ndai ngam mat ai- lamu kasa ni a sumla mu yang bang ya rit …) Shawa nawku ai sumla; hput di ai sumla, chyoi pra hkum sin ai sum la ni bang ya rit

Bai  Kabu gara shiga hti yang, nanhte anhte gara hku na maju jung madat na ta?

-    Ta hpe ndai hku di nna nawku ai masat, hkungga ai masat galaw nna maju jung madat ai hkrang re. Anhte asim sha Myit hte Madu Yesu a prat hta shang lawm lu ai..shaloi anhte shi a tara hpe na nna, Kabu Gara lu ga ai re.

-    Anhte Kabu gara shiga hpe tsap na madat ai…Tsap ai a hkum masa gaw hkungga ai masa re ai hte anhte gaw “hkrung rawt Hkristu a myu sha ni re” ngu ai kumla  madun ai re..

-    Hput di ai gaw, myit malai ai hte shagrit shanem ai hkum masa re..dum ai ni…Karai Kasang gaw myit malai ai shagrit shanem ai kang hta ai wa a akyu hpyi ai hpe madat ya ai..i…

Gasan: Karai Kasang a chyoi pra htum ai lam hpe nang gara hku nawku nga a ta?

Hkungga lara ai myit hte nawku nga yang, Shi a Chyoi pra ai lam hpe hkungga nga ai re.