“Kabu Gara Shiga Hta Sak Hkrung Nga Ai Hkristan Ni Mungkan Hpe Galai Shai Lu Ai” ngu ai gabaw ginlam hte Vatican Laika Dip Shapraw Dap Kaw Nna Htuk Shapraw Dat Sai

Vatican laika dip shapraw dap kaw nna hpang jahtum shapraw da ai laika buk gaw “Exchange of Gifts” “chyeju kumhpa galai hkat ai” ngu ai laika buk rai nga ai. “Mungkan ga hpe shatsawm lai na matu tsawra myit hte daw jau ai gaw mungkan ga na sumsing mungdan hpe gaw de ai lam rai nga ai,” ngu ai Wa Sarabyin Francis a myit sawn sumru ga lawm ai laika buk rai nga ai.

Dai laika buk a ga ningshawng (ga nhpaw) hta “Anhte ni hkaw tsun ai hte mungkan ga hpe rau jawm daw jau ai gaw Karai kasang a matsan dum lama ai lam hpe sakse hkam ai lam rai nga ai ngu,” Martin Junge (the Secretary General of Luther World Federation) tsun da ai.

“Hkristan ni Kabu Gara Shiga (Chyum laika) hta ru jung nga ai rai yang shinggyim wuhpung wuhpawng a nga sat nga sa htung lailen hpe kaja dik htum byin shangun lu ai,” ngu Wa Sarabyin a laika buk hpe “Il cielo sulla tserra: Amare e servire per transformare il mondo” ngu a gabaw ginlam jaw da ai.

De a lachyum gaw “Kabu Gara Shiga (Chyum Laika)  Hta Sak Hkrung Nga Ai Hkristan Ni Mungkan Hpe Galai Shai Lu Ai” ngu ai rai nga ai.

Dai laika buk hpe November 24, bat 2 ya shani, “Libreria Editrice Vaticana” kaw nna “Exhcange of Gifts” ngu ai the ecumenical series a npu e, htuk shapra dat sai lam chye lu ai.

Hkristan Ni a Galai Shai Shatsawm lu ai Atsam

Masha hkum shagu a sari manu hpe sumru nna Wa Sarabyin hkum nan “Hkristan ni a galai shai shatsawm lu ai atsam hpe madung da sumru nna tsun da ai.

Makam masham lam hta myit malang ai hte lawt lu ai myit nga ai yu maya prat hku nga ai gaw ningnan re ai, tara nga ai hte nau na majing hku tsaw ra lu ai mungkan masha ni zawn shangai la lu na rai ga ai,” ngu nna mung matut tsun da ai.

Hkristan ni gaw mungkan hte seng ai laisa ladat hte garum gumhpraw hta shamyat machyu ai mungkan prat labau dingsa na lailen ni nga lai wa ai n re ai. Hkrungrawt sai Yesu Madu a Wenyi a hpung dagu hta sha machyu nga ai re ngu Wa Sarabyin sawk sagawn da ai.

Hkristan labau hta matsan mayan ai ni, machyi makaw hkrum ai ni hte mayam tai nga ai ni a ntsa tsaw ra matsan dum myit kaba hte garum shingtau let Hkristan tsawra myit hpe madun da lai wa sai re. N-tara ai lam ni hpe jahprak lai wa ai; dai zawn n tara ai lam hpe gasat lai wa nna tara lam hpe sakse hkam lai wa sai. Yak hkak jamjau hkrum nga ai ni hpe tsawra matsan dum myit kaba hte garan kachyan lai wa sai. Shinggyim masha hpe makawp maga bau sin ai ngu ai gaw shi a ahkaw ahkang hpe dip up sha ai ni kaw nna shalawt dat ya ai hte shi a prat hta ra ai lam ni hpe garum shingtau sharawt shatsaw ya ai lam rai nga ai.

“Chyeju hkam la lu ai ngu ai a madung gaw shamu shamawt lam n nga ai hpe tsun ai n rai nga ai; n-gun atsam hpe htam latsa n ga shatsaw ya ai she rai nga ai; n-tara ai lam hpe grau mu chye shangun nna dai n tara ai lam hpe ninghkap na matu atsawm grau kaba sa ai rai nga ai.

“Shada yu lakawn hkat ai gaw galung kahkying gumding lam nga ai a majaw rai nga ai; garan ginhka ai a majaw byin wa ai n re ai; hpa majaw nga yang garan ginhka lam hta kahkyin gumding lam gaw n-gun grau kaba ai majaw rai nga ai. Ndai zawn shada yu lakawn hkat ai gaw anhte hta na kaji htum ai ni hte jam jau hkrum nga ai ni hpe pawng hpawng ai shawa masha ni rau jawm daw jau ai lam rai nga ai,” ngu Martin Junge (the Secretary General of Luther World Federation) mung tsun da ai.

“Kabu Gara Shiga (Chyum Laika)  Hta Sak Hkrung Nga Ai Hkristan Ni Mungkan Hpe Galai Shai Lu Ai” ngu ai gabaw ginlam hte Wa Sarabyin a laika buk nnan hpe htuk shapraw dat sai lam Vatican Shiga Dap kaw nna ndau da ma ai.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2020-11/pope-christianity-can-change-the-world-if-the-gospel-is-lived.html