Wa Sarabyin: Ramma Ni E Hkristu Madu Sak Hkrung Nga Let Up Hkang Nga Ai Hpe Nanhte A Prat Hte Jahtau Let Sakse Hkam Mu

November 22, Hkristu Hkawmhkam Poi laban shani, Misa hkungga nawng ngut ai hpang, Wa Sarabyin Francis gaw du na ra ai World Youth Day (WYD) hpe galaw sa wa na Mungkan ramma nhtoi a matu tau nau n gun jaw mungga shaga lai wa ai.

2021 shaning na World Youth Day “Mungkan Ramma Nhtoi” hpe dai shaning na “Hkristu Hkawhkam Poi Lanan” shani hta tinang a Saradaw Ginwang hta galaw na matu Wa Sarabyin Francis kaw nna n gun jaw da ai.

World Youth Day “Mungkan Ramma Nhtoi” hpe San Pra ai Yawhan Pawlu II kaw nna masat da ai rai nna, shi hpe hkum nan Mungkan Ramma Nhtoi a matu kamhpa shara San Pra masha htu bai masat da sai rai nga ai.

Shaning shagu, “Mungkan Ramma Nhtoi” hpe lahkawng ya, hte masum ya lapran kaw galaw ai rai nna shara hpe gaw Wa Sarabyin kaw na lata masat ya ai rai nga ai.

2019 shaning hta gaw mungkan madang hku nna Panama mare kaba hta galaw lai wa sai rai nga ai.

2022 shaning hta mungkan madan hku, Lisbon kaw galaw na matu daw dan masat da sai raitim chyam bra ana Covid-19 tsin-yam a majaw 2023 shaning de htawt sit da sai rai nga ai.

Tsaw ra ai Ramma Ni E Hkristu Madu Sak Hkrung Nga Let Up Hkang Nga Ai Hpe Nanhte A Prat Hte Nsen Shapru Jahtau Let Sakse Hkam Mu ngu Wa Sarabyin Francis, Hkristu Hkawhkam poi laban shani, du na shaning 2021 na Hkristu Hkawhkam Poi laban nhtoi hta tinang Saradaw Ginwang hta Mungkan Ramma Nhtoi masat dingsat poi galaw na matu lit shatsam dat let n gun jaw dai ai hpe Vatican Shiga Dap kaw nna ndau da ma ai.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2020-11/pope-announces-change-to-diocesan-wyd-celebrations.html