American Mungdan Kata Ra Lata Poi Ngut Ai Hpang Galung Kahkying Gumding Lam A Matu Atsam Dat Na Ra Taw Nga Ai

American Mungdan Kata Ra Lata Poi Ngut Ai Hpang Galung Kahkying Gumding Lam A Matu Atsam Dat Na Ra Taw Nga Ai

United States hta lai wa sai laban bat lapran gaw labau hta myit mala myit garan hkat shangun ai Asuya ra lata poi ngut ai hpang htingrai htingrat hkat nna, pri nem lam la na matu ahkyak nga ai hpe dum hprang nga ma ai.

Wa Sarabyin Francis gaw “shinggyim wuhpung wuhpawng rawt jat galu kaba wa na matu hte yawng a akyu ara kaba hpe gaw de na matu gaw n bung pre ai ni kahkyin gumding  na ahkyak ai re ngu tsun shadum da ai.

“Nta dinghku langai mi mung, dinghku kata hta daw hka bra ayai nna shada da gasat hkat ai rai yang dai dinghku n grin nga lu ai.”  Abraham Lincoln Senatorial candidate kaw lawm ai aten 1858, June 16 ya hta, Marku 3: 25 kaw na mungga hpe lakap nna tsun shadum da ai ga rai nga ai.

Dai aten hta mungdan kata hta mung masha chyan mi daram gaw mayam prat hku nga ra ma ai. Dai zawn mayam prat hku nga ra ai mung shawa masha law malawn gaw mungdaw ni hta nga ai myusha kaji ni rai ma ai. American democracy hpang wa ai aten re ai majaw mung shawa masha ni hta daw hka ai lam law law nga nga ai aten mung rai nga ai.

Kahtawlik Nawku Hpung a “Evangelii Gaudium” “kabu gara shiga” hta tsun da ai hte maren galung kahkyin gumding lam gaw n hkrum n ra ai lam hta n gun grau kaba ai rai nga ai.

Lai wa sai Laban bat hta galaw ai American Gum San Magam lata poi gaw labau hta garan ginhka, n hkrum n ra ai hte wuhpung garan jahka ai lam grau kaba ai labau shang rai mat ai lam chye lu ai.

“Ndai masa hpe galung kahkyin gumding myit jasat hpe jaw bang ya na gaw ya na mungdan ningbaw ningla ni a lit rai nga ai,” ngu US Saradaw Hpawng hpa-awn rai nga ai Los Angeles na Jose H. Gomez Ya na American Gum San Magam Joe Biden hte ningtau Gum San Magam Kamala Harris yan hpe congratulations ngu shakawn shagrau laika ka ai hta lakap nna tsun shadum dat ai.

Wa Sarabyin Francis mung lai wa sai June 30 ya shani dingdung America hte seng ai Kahtawlik Shiga Matut Mahkai Dap, “Catholic Press Association de “n bung pre ai ni a myit hkrum galung kahkyin gumding lam hpe madung da n-gun jaw lai wa sai rai nga ai. Ndai n bung pre ai ni a galung kahkyin gumding lam gaw American mungdan a ga lakchyoi (ga manoi) rai nga ai hpe shadum ya nga ai ngu mung Wa Sarabyin Francis matut tsun da lai wa ai.

Wa Sarabyin tsun ai “unity” galung kahkyin gumding lam gaw “uniformity” bung pre ai lam hpe tsun ai n rai nga ai. “Unity” galung kahkyin gumding ai lam gaw n bung pre ai ni myit hkrum hkap la hkak nna dai n bung pre ai ni rau pawng hpawm ai lam rai nga ai.

Myusha hkum sum hpa, htunghking hkum sum hpa, makam masham hpung amyu myu, yawng myit hkrum let mungdan kalu kaba wa hkra rau jawm galaw lu na matu gaw de da ai gaw n bung pre ai ni shada makawp maga da na matu rai nga ai. Dai gaw grau nna ngang kang ai hkrang masa rai nga ai.

Ndai gaw sai bung, chyu rum nau na shada tsaw ra na matu, rau magam gun na amtu, shada makawp maga na matu Wa Sarabyin Francis a sharin shaga laika (encyclical letter) “Fratelli tutti” a matsun nan mung rai nga ai.

“Mung masa lam galaw ai ni shinggyim masha hpe madung da nna sha daw jau ai rai yang, sut masa lam hte gumhpraw a mayam tai na n re.” Mung masa lam galaw ai ni gaw masha langai mi zawn sha myit la hkam la nna myit hkrum mang rum ai hte yawng a akyu ara matu kaja dik htum ai hku gaw de sa wa lu hkra sak hkrung nga ra ai.

Tara rap ra lam, simsa lam, yawng a matu mai kaja lam, yawng myit ra ai lam, wuhpung wuhpawng prat hta sak hkrung ai ni rai nga ra ai.

Wa Sarabyin Francis gaw United States na mung shawa masha ni hte mungdan Asuya ni hpe shadum ga tsun dat ai hta “ndai mayak mahkak lam ni hte sadi maja let n gun bang let, zai ladat shaw nna shakut mu ngu n gun jaw ai; Dai ni na American United States a labau hta grai yak hkak nga ai aten, n gun n rawng ai aten hta yak hta yak n-tai na matu shadum sadi jaw ai lam rai nga ai.

Ndai shiga hpe Vatican Shiga Dap kaw nna November 9 ya shani ndau da ma ai.

Translated by Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/world/news/2020-11/united-states-election-challenges-unity-pope-lincoln-biden.html