Anhte a mungkan simsa lam a matu sasana ma ni akyu hpyi ai hta sak ram sai ni yawng mung shang lawm akyu hpyi lawm ga nga nna mung Wa Sarabyin saw shaga da ai.
Shaning tup Karai Kasang kaw na lu la ai chyeju hta na, chyeju dum alu sumbu hpaw ai lam rai nga ai.
PLN jau ginwang kanu num hpung ni a No ( 1 ) lang na chyeju dum alu sumbu hpaw poi hpe jau ginwang ginjaw num hpung ni woi awn nna ( 13.10.2022 ) ya shani PLN St. Joseph nawku jawng wang hta galaw la lu sai.
Sara kaba Yawhan Nlam Gam Li a makoi mayang hpe 17.10.2022 ya jahpawt 9:00AM ten dum nta kaw akyu hpyi nna 10:00AM ten Edin jau ginwang,San Luka Hkawlik jawng wang,San Luka Nawku jawng hta Misa hkungga akyu hpyi nna Rada Kawng Kahtawlik Lup ding Lupwa de makoi mayang sai.
Sara kaba Yawhan Nlam Gamli gaw asak (80) ning hta nhtoi 15.10.2022 bat Kru ya jahpawt 9:56AM ten hta madu kaw yup pyaw mat sai rai nga ai,
Myitkyina jau ginwang,Sasana ma hpung lit hkam Wa Jau John Dashi Naw Lawn woi awn hpaw sharin ya ai Kahtawlik nawku hpung makam masham tara laika sharin Sara/Saranum a ningja ja jat wunkat sharin hpawng hpe 11-13/10/2022 ya shani du hkra Myitkyina jau ginwang,Dap Kawng (Tatkone ) St.Gabriel's Church Compound hta galaw nga ai rai nga ai.
Wa Sarabyin Francis, Indonesia mungdan, gawdin ginsup pa hta kasu kabrawng byin nna chyat dang si mat ai ni a matu akyu hpyi ya ai lam chye lu ai.
Wa Saradaw Raymond Sumlut Gam a mungga hta “Kabu gara shiga ngu ai gaw , Wenyi hpe sha hkye na matu nre, masha a prat hkum hkrang myit masin ni yawng hpe hkye na matu,mungga sha hkaw na matu nre,makau grup yin hkan na ru yak jam jau matsan mayan re ai ni hpe mung jaw lu jaw sha ra ai lam” mung tsun da nga ai.
September 29, bat mali ya shani, International Day of Awareness of Food Loss and Waste, malu masha hpe kaman lila shatai kau ai hte seng nna dum chye, sadi shahka na matu masat da ai nhtoi hta, Wa Sarabyin Francis, Mr. Qu Dongyu, the Director General of the Food and Agriculture Organization (FAO) hpang de hkringdat madi let shagun laika ka dat nga ai hpe September 30 ya shani Vatican Shiga Dap kaw nna ndau da ma ai.
Du Hkra ladaw laban masat du sat hte hpun bawng ni hpe shaman ai lamang Edin St. Luke nawku jawng hta galaw ai.
Wa Sarabyin Francis, Dingda Italy, Matera mare kaba hta Laban Missa nawng jau ai hta, Nawku Hpung masha ni, htawt sit nga hkawm ai ni hpe hkap tap hkalum, manang tai, garum shingtau let rau rai nga mu, nga nna matsun da ai.
Myanmar mung shawa masha ni hta hpyen gumshen ai lam ni matut nga dingyang re ai majaw mara kata Myanmar mung shawa masha ni si hkrum ra ai, shara htawt si nga hkawm ra taw ma ai hpe mungkan mungdan shagu hkum malap da ya ga, n mu jahpai hpai hkum galaw mu, nga nna Wa Sarabyin Francis mungkan de ndau da ya ai.
Sign up to our newsletter and get latest news and updates straight to your inbox!
