Wa Sarabyin: Lusha Hpe Kabai Kau Ai Gaw Masha Hpe Kabai Kau Ai Hte Maren Sha Re

September 29, bat mali ya shani, International Day of Awareness of Food Loss and Waste, malu masha hpe kaman lila shatai kau ai hte seng nna dum chye, sadi shahka na matu masat da ai nhtoi hta, Wa Sarabyin Francis, Mr. Qu Dongyu, the Director General of the Food and Agriculture Organization (FAO) hpang de hkringdat madi let shagun laika ka dat nga ai hpe September 30 ya shani Vatican Shiga Dap kaw nna ndau da ma ai.

Malu masha ni kaman lila byin ai lam hpe shayawm lu ai made shayawm na matu The Food and Agriculture Organization (FAO) kaw nna woi awn galaw ai "international day of Awareness of the Food and Agriculture Organization (FAO) hpawng hpe 2022 shaning a matu September 29 ya shani masat galaw lai wa sai rai nga ai.

Kadai hpe mung n shangam da ai sha, malu masha hpe gugu rara hkam la lu na matu gam karan kachyan na ngu Wa Sarabyin Francis, masha hkum shagu hpe saw shaga da nga ai.

Malu masha hpe kaman lila di kau ai, jasum kau ai lam lahkawng yan gaw myit htum hpa, myit n pyaw hpa kaba nan rai nga ai.

Hpa majaw nga yang malu masha jan grau hkra lu su ai ni hte malu masha taw ai ni a lapran grai nan gang hkat ai lam nga nga ai. Dai gaw rapra lam n nga byin shangun ai n tara ai lam hpe shabyin ai tai nga ai. Matsan mayan re ai ni sari rawng ai hku nga pra lu na hta ra ahkyak ai lam ni hpe n mu jahpai ma ai majaw, ninghkap ma ai majaw rai nga ai, nga nna Wa Sarabyin Francis shang lang da nga ai.

Kaw si hpang gara ai ni a hkrap nsen gaw ngoi gadu nga ai. Kabai kau chye ai hkyak lailen hpe hkum galaw mu, nga nna mung shadum da ai.

Malu masha hte seng nna, 2022 shaning ya ndai aten, hta shinggyim da ai jahpan hte maren nga yang, 2021 shaning, hta shinggyim dai ai, kaw si hpang gra ai masha jahpan hta grau rawt taw nga ai, nga nna Wa Sarabyin tsun shana da nga ai.

Masha law law a matu n re ai malu masha hpe htuk shapraw ai, n law masha ni a matu sha yaw shada nna, arang law law shaw let htuk shapraw ai lam hpe jahkring da matu mung Wa Sarabyin Francis shadum shadut hpaji jaw da ai.

Yawng hte seng ai mungkan dum nta hpe makaw maga na matu yawng shakut shang lawm ga nga nna mung Wa Sarabyin Francis saw shaga da nga ai.

Anhte a hpaga yunga lam, sut masa lam ni gaw anhte tsaw ra ai kashu kasha prat bang ningnan ni a matu rai nga ra ai.

By Fr. Patrick Gawmaw Hkawng Yae