Wa Sarabyin gaw shi a lusha gam ladaw myit sumru kyu hpyi ai wut sawk laman hta myi htoi zawn hkrum matut let karai kasang a nsen hpe madat na matu madung sa ai lam Vatican kaw na tsun dat ai shiga

Online Photo

Wa Sarabyin the Roman Curia magam gun ni a Lusha gam Ladaw myit sumru kyu hpyi hpawng hpe, Roma mungdan a ding dung maga, Alban bum kaw nga ai Ariccia na Divine Master House ngu ai shara hta, lai wa sai ndai March shata praw (1) kaw na, du wa na march shata (6) ya shani du hkra galaw sa wa na rai nga ai. Ndai wut sawk hpe gaw, Jesuit Jau Wuhpung na, asak (80) ning de rai wa sai, Wajau Peter Bonvati kaw nna, woi awn galaw taw nga ai rai nga ai.

Myit sumru hpawng a gabaw gaw “Sumwum wan chyi nga ai” (Pru mat ai laika 3:2), Karai Kasang the shinggyim masha lapran matut mahkai ai lam hte Karai Kasang Mawshe Hpe Shaga Ai lam, Kabu gara shiga Mahte a laika 1:18-25, Yesu Hkristu Shangai Wa Ai Lam, Shakawn kungdawn 139: Karai Kasang A Hkum Tsup Ai Machye Machyang Hte Lanu Lahku Ai Lam, ndai ga baw ni hpe madung da nna, myit sumru wut sawk hpe woi galaw nga ai rai nga ai.

 Rai timung, daining na wutsawk hta gaw, Wa sarabyin hkam ja lam n nga ai majaw, shi hkum nnan nlu sa shang lawm sai the Wut sawk woi awn nga ai, Wa Jau hpang de laika hte matut mahkai dat nga ai. Wa Sarabyin a laika hta, Ga shaka dingsa prat na, Moshe gaw, Karai Kasang wa a ga madat let hkawmsa lai wa sai lam ni hpe myit sumru kyu hpyi taw nga n ngai. Vatican kaw ngam nga ai magam rum ni hte rau wutsawk hpe galaw nga n ngai. Wa Jau a wut sawk mungga ni hpe nye a gawk kaw na madat let, myit sumru kyu hpyi taw nga ai. Wa Jau a matu ngai kyu hpyi ya nga ai zawn, Wa Jau mung, ngai a matu kyu hpyi garum ya rit, nga nna, ka shana dat nga ai lam, Vatican Shiga dap kaw na shana dat ma ai.

Add new comment

5 + 5 =