Vatican Hta Coronavirus Ana Zinli Chyam  Bra Lam Nbyin Pru Hkra Vatican Hte Italy Mungdan Asuya Ta Gindun Magam Bungli Galaw Nga Ai Shiga

Vatican hta Coronavirus ana zinli chyam bra lam nbyin pru hkra Vatican hte Italy mungda asuya jawm bawng ban jahkrup let ta gingun magam bungli galaw nga ai, nga nna March shat praw 8 ya laban shani Vatican tsun dat nga ai.

Vatican hta Coronavirus ana zinli chyam bra lam nbyin pru hkra tau hkrau lajang ai magam lam ni hte seng nna Vatican kaw nna ndau shapraw dat ai laika hta, Vatican madun htingnu hpe pat da na lam, San Petru a lup shara sa du gawn lam lajang ya ai magam dap rung hpe mung pat da na lam, San Peter nawku htingnu kaba hte yep rai nga ai madun gawk hpe mung pat da na lam, ndai shar ani hpe nlaw htum April shata praw 3 ya shani du hkra gan pat da na re, nga ai.

Shawa nawku hpawng ai lam ni hte, poi shingra ni gaolaw nna masha hpawng de ai lam ni n galaw na matu nga nna Italy mungdan asuya kaw nna ndau matsun da ai lam ni hpe hkan sa shatup na matu mung Italy mungdan Kahtawlik saradaw uhpung rap daw kaw nna matsun dat nga ai. Dai re majaw Roma mare na nawku htingnu lkaba ni hta shawa hpawng hte nawku ai lam ni hpe April shata praw 3 ya shani du hkkra gan jahkring da na re, raitim mung tinang hkrai ting kyeng sa du akyu hpyi mayu ai ni shang pru lu hkra nawku jawng kaba chying hka ni hpe gaw hpaw da ya na re, nga ai.

Roma mare hpe Karai kasang makawp maga ya u ga matu March shata 11, bat masum ya shani hpe laksan lu sha gam akyu hpyi ai nhtoi masast galaw na matu mung  Roma saradaw ginwang lit hkam saradaw kaba Cardinal Angelo De Donatis kaw nna Roma saradaw ginwang na hpung masha ni yawng hpe tsun lajin dat ai lam mung galaw dat nga ai lam, Vatican shiga dap kaw nna shana dat nga ai.     

Source : Vatican News

#churchnews

#rvakachinservice