Nawku Hpung Shiga - Pope to young people: 'Take the risk and love!' (Aug 17, 2018)

Akyu hpyi bu hkawm lamang hte, Roma mare hta du nga ai, mun 7 jan daram law ai Italian Ramama ni hpe lai wa sai bat, bat kru ya shana maga daw hta, wa sarabyin hkap la hkrum shaga nna, Ramma ni san ai ga san 4 hpe mung htai ya ai lam Wa sarabyin Francis galaw lai wa ai.

Ya du wa na October shata Vatican hta galaw na lajang nga ai Ramma ni hte seng ai saradaw ni a synod hkrum ra hpawng a matu mung, bai 2019 ning Jan shata hta galaw na rai nga ai Mungkan Ramma nhtoi kaba a matu mung yaw shada nna, ya na zawn Italy mungdan saradaw uhpung kaw nna Italian Ramma ni hpe woi gahkyin shamu shamawt lam ni galaw woi ai lam re, nga ai.

Ramma ni a ga san ni hpe htai ya let, wa sarabyin tsun ai hta, “Ramma ni gaw myit let myit sam dik ai ni rai ma ai majaw, nanhte a myit mang shingran ai lam ni gaw grai nan ahkyak nga ai, tsawra ai lam hte seng nna myit ai lam ni galaw ai hta myit tsang ai myit ni hkum rawng nga mi, ap nang nna madun shapraw ra ai tsawra lam, sadi dung ai tsawra lam, tinang hte manaw manang ni hpe n gun tai, pawn ba lam byin shangun ai tsawra lam ni hpe madun shapraw na matu lit li ai lam ni hkum nga mi” nga nna wa sarabyin Ramma ni hpe tsun n gun jaw lai wa ai lam, Vatican shaiga dap kaw nna shana dat nga ai.   

Source: Vatican News