Nawku Hpung Shiga - Caritas, parishes reaches out to flood victims (Aug 17, 2018)

Nuns distribute relief goods to families displaced by flooding in Quezon City, August 13, 2018. PHOTO FROM FR. BERTO KARMELO Nuns distribute relief goods to families displaced by flooding in Quezon City,

Philippines mungdan hta marang kaba matut manoi htu bun nga ai hte mungdan a mare daju Manila shara law law ni hta hka kaba hka lim lam ni byin nga ai majaw masha law law hka tsin yam hkrum nga ai. Ndai tsin yam hkrum masha ni hpe Philippines Caritas uhpung kaw nna mung, bai Jau ginwang shagu na uhpung uhpawng ni kaw nna mung hka tsin yam hkrum masha ni hpe garum ning tum lam ni galaw ya nga ma ai rai nga ai.

“Aug shata 11 ya shani kaw nna htu ai marang kaba a majaw Matro Manila hte grup yin ginwang ni hta saradaw ginwang yawng ngu na daram hta hka tsin yam hkrum nga ma ai, Manila, Antipolo hte Pasig Caritas uhpung ni kaw nna hka lim tsin yam hkrum masha thing gaw nlaw htum 1,500 jan hpe htawt sit shara jahkrat ya ai, malu masha ni lajang jaw ya ai lam ni galaw garum ya nga ai” ng anna Caritas Philippines a amu madu Jau kaba Edwin Gariguez tsun dat nga ai.

“Hka tsin yam hkrum ai masha ni hpe shara jaw garum ya lu na matu jau ginwang nawku jawng chying hka ni hpe hpaw ya ga” nga nna Manila saradaw kaba, Cardainal Luis Antonio Tagle kaw nna tsun ndau ai lam mung galaw da nga ai.

Cardinal Tagle tsun ai hta, “hka tsin yam hkrum masha ni hku nna nawku jawng wang ni hkan shanu shingbyin shara tam wa ra na ma ai, garum la ga, tsin yam hkrum masha ni hpe garum mayu ai ni hku nna mung jau ginwang garum ningtum uhpung uhpawng ni the matut mahkai ga, tsin yam hkrum ja jau nga ai hpu nau ni a matu akyu hpyi garum ya nga ga” nga nna Caridinal Tagle tsun ndau da ai lam galaw da nga ai.

Aug 11 ya shani kaw nna marang kaba matut manoi htu bun ai lam ni a majaw mungdan mare daju Manila shara law law hta hka lim hka kaba lam ni byin nga ai hte hkying lam the ru ai masha ni hprawng yen hkawm ra nga ma ai. Nku shara ni hkan hka bai hkrat wa sai majaw tsin yam hkrum masha nkau ni tinang nang a dum nta ni de bai wa nga masai rai ma ai raitim mung, nkau mi gaw lamu marang naw htu jat na masa nga ai majaw tsim yam dabang ni hkan naw matut shingbyin nga ma ai, nga nna CBCP Philippines saradaw uhpung shiga dap kaw nna shana dat nga ma ai. 

Source: CBCP News

 

Add new comment

3 + 8 =