Namti Lambraw Yang hte Myo Oo hta nga ai Hpyen Yen ni hpang de Wa saradaw sa du gawan lai wa sai shiga! 28 August 2018

Namti, Lambraw Yang

Namti Lambraw Yang hte Myo Oo hta nga ai Hpyen Yen ni hpang de Wa saradaw sa du gawan lai wa sai shiga!

Lai wa sai August (18) ya shani Myitkyina Sasana Sagurem wa Wasaradaw Francis Daw Tang,Wajau Naw lawt hte Mama Rose Angeline Maran Nang Doi hte magam gun ni gaw Namti Lambraw yang hta nga ai Hpyen yen ni hpang de sa du gawan hkrum shaga lai wa sai. Aug 19 ya shani (10;00)ten hta Wasaradaw Francis Daw Tang kaw na nawku hpung masha ni hte Hpyen yen hpung masha ni rau  Missa hkungga nawng jau ya lai wa sai.Missa hkungga ngut ai hpang Namti Lambraw yang kaw hpaw tawn da ai W.p shanan Chyum laika sharain dabang de mung Wa saradaw matut sa gawan let n gun jaw akyu hpyi shaman ya ai lam hpe galaw lai wa sai..

August (18)ya shana hta Wasaradaw hte Kasung , Zupmai yang buga na hpyen yen dabang  hta lit la woi awn nga ai Sara ni,Salang ni hte hkrum shaga ai hta hpyen yen dabang lit hkam ni kaw nna hpyen yen dabang hta ra nga ai ,hkam sha ai lam mabyin hpe tang shawn lai wa sai.Ya ten hpyen yen ni yak hkak ai lam hta nhtoi shata galu wa sai re majaw wuhpung wuhpawng shagu na garum madi shadaw ya ai lam ni yawm mat wa ai lam bai na ja gumhpraw ra rawng wa ai lam ni grai nga ai hpe Wa saradaw hpe tang shawn sang lang dan ai lam galaw lai wa sai.Bai Jawng lung nga ai ma kaji ni hpe shana hkan lit la let laika sharin, woi hti na matu sara/ saranum ni ra kadawn nga ai lam hpe mung tang madun lai wa sai.

Hpyen yen ni dum nta buga de wa mayu sai raitim tara shang wa lu na,n wa lu na atsawm hkrak n chye lu shi majaw naw’nga taw ai re lam chye lu ai...Kasung sara kaw na tang madun ai lam hta nga shara hte seng nna buga de bai lu wa na lam tam ya na,kaga shara de htawt sit na matu rai jang mung matsun madun lam tam ya na matu hte ya nga ai shara makau grup yin hkan raitrim tam lajang ya na matu hpyi shawn ai.. Wa saradaw kaw na hpyen yen hta nga ai raitim myit n daw n hten ga,Tinang a dum nta mare buga hpe mung n shahten n shamat kau na matu makawp maga ra ai lam, akyu hpyi shaja let nga na matu n gun jaw mungga tsun lai wa sai.

Namti Lambraw yang hte Myo Oo Hpyen yen dabang hta shanu nga ai Kasung mare hte Zupmai mare buga na hpyen yen masha marai (1000) jan gaw lai wa sai April shata hta Dung (11) kaw na KIA hpyen La ni hte myen hpyen dap majan byin wa ai majaw ya ten du hkra Hpyen yen dabang hta shanu nga ra ai re.

Add new comment

7 + 1 =