Covid -19 Chyam Bra Ten Wanwu Chya Nawku Daw Jau Lamang Hte Seng Nna Vatican A Matsun Pru Sai

January 12, bat lahkawng (2) ya shani Vatican Shiga Dap kaw nna ndau ai hta daining 2021 shaning na Lu Sha Gam Ladaw shang ai Wanwu chya nhtoi hta wanwu hpe gara hku chya ra ai lam hpe “The Congregation for Divine Worship” kaw nna matsun da ya ai.

Ndai matsun hte maren Mungkan ting magam gun nga ai Jau ni yawng hkan shatup sa wa na matu mung n gun jaw shadum da ai.Du na ra ai February 17, bat masum (3) ya shani gaw Lu Sha Gam Ladaw shang hpang ai nhtoi rai nga ai.

Matsun Da Ai Lam

Jau gaw shi a n gup hte ladi hpe myiman magap (Mask) hte atsawm sha magap da na.Wanwu hpe akyu hpyi shaman ga tsun ai shaloi n sen n shapru ai sha, myit kaw nna sha akyu hpyi ga tsun na.Dai hpang shaman da ai shaman n-tsin hte wanwu hpe lapri bun na.

Jau gaw Roman Missal kaw na akyu hpyi ga hkrang hte maren “Repent, and believe in the Gospel,” shing n rai, “Remember that you are dust, and to dust you shall return”, “Nang ga yun bai tai na rin dai hpe myit dum nga mu” ngu ai akyu hpyi shadum ga hpe galang sha tsun nna.Dai hpang, Jau gaw Covid-19 makawp matsun hte maren shi a lata hpe atsawm sha kashin la na.

Ndai lam ni yawng galaw jahkum da nna dai nawku daw jau hpawng hta sa lawm ai ni hpe akyu hpyi shadum ga kaga mi bai n tsun ai sha wanwu hpe baw ntsa kaw ru bun ya na.

Htuk manu ai rai yang Nawku Jawng kata hpung masha ni nga ai shara de sa nna wanwu hpe baw ntsa ru bun ya na.Hpung masha ni wanwu hpe tsap let hkam la na.Jau wanwu hpe hpung masha ni a baw ntsa ru bun ya ai shaloi ga tsun ai lam n galaw na.

https://www.vaticannews.va/en/vatican-city/news/2021-01/ash-wednesday-coronavirus-note-distribution-ashes.html