Awng Dang Lam A Ban Dung ( Youth Program )

Awng Dang Lam A Ban Dung

Masha shagu awng dang rawt jat mayu ai myit marai nga nga ga ai re, raitimung nlu nmai ra kadawn nga ai byin mayu ai lam nrai nga ga ai majaw, nbung kata kaw sha Wutdek nta gap taw nga ai zawn myit shingran ni hte sha sak prat ni hpe jahtum kau nga ma ai ni law law rai nga ai

Kaja nga yang, rawt jat kalu kaba awng dang na matu nga yang ahpa atang yu maya bungle galaw nga ai magam bungle nrai nga ai hpe gaw nang ngai yawng mung chye da chyalu rai nga ai re dai majaw awng dang ai lam gaw, kaba la ai mang hkang langai ngu na mung mai tsun ai, Awng dang ai lam hta, masha langai a sak prat mabyin masa rawt jat na lam gaw, madung law nna, sak prat hpe mai kaja dik ai hku jai lang chye na mung ahkyak ai kaw lawm nga ai.

Myit sawn ai lam ni hpe galai shai dat ai lam, mi kaw nan ga ai akyang lailen ni hpe galai shai dat ai lam, sak prat a ntsa mu mada sawn ai lam ni hpe galai shai dat ai lam ni sha n ga, masha langai a hkum gawng shingyan ting hpe galai kau dat ai lam ni gaw awng dang ai lam a magam lam ni hta shang lawm nga ai mung rai nga ai.

Jawm Pawng Galaw Ai Lam..Rawt jat awng dang lam magam bungle hta, madu hkum madu sha kam shamyet nna galaw sa ai gaw ahkyak nga ai zawn, jawm pawng galaw sa ai lam ni a ahkyak ai lam ni hpe mung myit sawn mai nga ai, dai zawn jawm pawng galaw sa chye ai wa hpe masha shagu ra kadawn nga ga ai jawm pawng galaw chye ai wag aw, tinang jawm pawng galaw ai wuhpung rawt jat wa ai hte, tinang mung rat jat galu kaba wan ga ai hpe chye ai wa mung rai nga ai laga  wa hpe garum na matu, laga wa gun hpai ai lit hpe mung garan hpai na nhkrit nga ai wa, dai zawn jawm pawng galaw  chye ai wag aw, tinang dan dawng na matu sha n ga, tianang a myit sawn lam ndan dawn na lam ni hpe hkrit tsang ai lam nnga ai wa rai nga ai dai majaw masha langai gaw laga wa hte bungpre hkra galaw s alu ai lam, tinang hte rau galaw nga ai mash ani, tinang na lahta na masha kaba ni, lawu na magam gun ma ni hte htuk manu hkra myit nchyan shaw galaw sa ai lam nnga ai wag aw, ningbaw kaja byin na nloi nga ai hpe mung shadum mayu nngai law

Madu hkum madu kam ai lam hta mung, tinang a atsam marai ni hpe madu hkum madu chye n alu nna, tinang yaw shada da ai ban dung de hkrat tup du lu na re ngu hpe kam da ai wa mung rai nga ai  bai nna, shadawn sharam jai lang chye ai wa gaw, tinang a machye machyang ngyan hte shingdaw nna, jai lang ai lam, mahkawng ai lam ni hpe tsun ai rai nga ai, tianang a atsam ningja ni rawt jat tsaw wa lu na matu hta njai lang ai sha, shadawn sharam nga taw yang gaw nkaja ai ngu  ndai shara kaw tsun mayu ai, htawm hpang sak prat hta, hkrat re ai shinglum lam lu na matu, ya tatut hta jai lang shadawn ai lam gaw, jaw ai lam yan langai rai nga ai dai zawn mahkawng ai lam hta  yaw shada lam ni gaw nga ra na re, tianang a yaw shada lam awng dang lam a matu, jai lang ai gumhpraw gaw, arang bang da ai gumhpraw rai nga ai hpe mung ndai shara kaw chye da ra nga ai.

Tsawra ai ramma ni prat madang he ahkaw ahkang ni ngu ai shara hta anhte shinggyim sak prat ngu ai gaw, ten tup prinem ai lam gaw nnga nga ai masha ngu ai gaw ru yak jam jau lam ni hkrum sha wa ai zawn, mun masa lam amyu myu a majaw hkrat sum hkrum sha nga ai sut masa lam ni, hkam kaja lam ni, hpaji lam ni hta, amyak amyu my hkrum nga ga ai re, sut masa lam hkrat sum wa ai a majaw, dut lu dut sha lam ni hkring mat ai zawn, bungle masha ni yawm wa ai hte bungle kata ramma ni law wa nga ai ndai zawn re masa kata hta, mahsa langai dinghkrai hku mi rai rai, sut masa lam ni hta mi rai rai, tatut byin pru nga ai masa lam ntsa hkan nna, shamu shamawt galaw sa ra nga ga ai dai zawn sut masa lam galai shai nga ai hta, masa hta hkan nna, galoi ma dinglik yu let, gin shalat myit sawn ai lam ni galaw ra nga ga ai, lamana tinang kung kyang nna galaw nga ai magam bungli ni tatut masa lam hte nhtuk sai nga yang, tinang a galaw lu ai atsam marai ni hte tam bram nna jai lang ra nga saga ai ngai hpa lu galaw ai re hpe myit sumru let, tinang a bungle kungkyang lam hku nna mung, hka ja dinglik yu ai lam ni hku na mi rai rai, tinang a kanawn mazum lam hku na mi rai rai, tinang myit lawm ai hku na mi rai rai, ngai hpa hpe lu galaw ai rai ngu hpe myit sawn ra nga saga ai

Ya na anhte a mung masa lam hta hkan nna, sut masa lam ni hpe aput angun nga taw yang gaw aten sha htum mat na rai nga ai, ndai zawn sut masa lam yak hkak nga ai ten ladaw hta, myit n chyan kaja chye shaw ai ni a matu gaw, ahkaw ahkang ni paw pru wa chyalu rai nga ai, tinang a atsam ningja ni hpe 100 shadang hpring jai lang chye ai ni a matu, rawt jat awng dang lam ngu gaw ta lahkam mi laman sha rai nga ai hpe shadum n gun jaw mayu ai

Hpa Majaw N Awng Dang ai ngu hpe bai yu yu yang, ndai gaw asan sha rai nga ai, n awng dang hkra galaw ai lam gaw laga masha wa nrai nga ai, tinang hkum tinang sha rai nga ai, tinang a yaw shada lam bandung de ndu lu ai lam gaw laga wa ni a majaw, masa lam galai shai ai ni a majaw mung rai nga ai zawn madu hkum nan galaw shakut ai lam hta gawng kya ai lam ni mung lawm nga ai n awng dang ai lam a madung lam gawm hkrit tsang ai lam rai nga ai, hkrit tsang ai lam ngu ai shara hta, machye machyang hte shingdaw nna, jaw lam lam yan hpe, galaw ra na matu hkrit tsang nga ai lam hpe ndai shara kaw ngai a mu mada lam hpe tsun mayu nngai,

Anhte shinggyim mash ani a sak prat ting hta, hpa byin wa na lam hpe nchye ai lam hpe hkrit nga ai lam, laga wa ni a mu mada ai lam ni hpe hkrit nga ai myit ni a majaw rai nga ai dai myit hte hpa mung n gwi galaw ai sha aten jahtum taw ai ni mung law law rai nga ga ai, dai hkrit tsang ai lam ngu ai gaw, shinggan hkrang nsam nnga ai sha, myit sawn lam san san sha rai nga ai majaw, dai hkrit tsang ai lam hpe tinang a myit kraw lawang kata kaw na gawk shapraw nlu nga dingsa gaw awng dang ai lam hte tsan nga taw na she rai nga ai hpe shadum n gun jaw dat let