Madu Hkum Madu Arang Bang Na Hkum Lahpawt U ( Youth )

Madu Hkum Madu Arang Bang Na Hkum Lahpawt U

 

Madu hkum madu arang bang ai ngu ai gaw, yak hkak ai yaw shada lam bandung, Action ni kaw nna, madu hkum madu grau rawt jat wa hkra galaw ai lam rai nga ai, ndai shara hta, nnan ni hpe kahtap hka ja ai lam, laika law law hti ai lam, laga ga hpan nnan sharin hkam la ai lam ni lawm nga ai, madu hkum madu hta, arang bang ai lam gaw, tinang shakut yang shakut ai daram, htawm hpang hta, mai kaja dik rawt jat ai shadang hte bai lu la lu ai zawn, tatut hta mung rawt jat lam a mahtai hpe ya jang jang mu madu hkam sha lu ai lam re majaw, shawng lam de hkawm sa na lam hta, ganawng n gun langai hku hkam sha lu ai lam rai nga ai

 

Awng dang nga ai ni law malawng gaw, ten shagu hka ja nga ai ni hkrai sha re, shanhte ni yawng hta, kaba la ai bandung yup mang ni nga nga ai, dai yup mang ni gaw, shanhte a shingwang hta, tsaw ai ninggam de du wa lu na matu,dawn jan ai lam ni hpe gaw sharawt ai shara hta, arang bang  na matu, ganawng ya nga ai, sharin hkam la ai lam, gin shalat ai lam, rawt jawt lam nig aw, tsaw ai shara mi hta, dang lu na formula rai nga ai, madu hkum madu arang bang mayu ai ni, shawng na lahkam nnan hpang htawt sit ai shara hta, ahkyak shang lawm ai lam yan ni mung nga nga ai  dai gaw hpa ni rai nga yang, galaw sa ai magam lam ni hta, nmai hprai ai, myit lawm lawm n lawm lawm, tinang galaw ra ai magam lam ni hpe galaw nga raw na ahkyak la nga ai, dai hta hprai wa ai nga yang, tinang hkawm sa nga ai lam hta, byin na kun, nbyin nak un ngu ai tak sawn nga ra ai lam ni law wa chye nga ga ai, shani shagu tinang dang ai daram mai kaja hkra nhprai ai sha galaw sa nga taw yang she, matut hkawm sa na lam hpe asan ja mu mad alu wa na rai nna, hpang de bai nhtang yu yang myit malai lu hpa ni yawm nga na rai nga ai

 

Bai Tatut Gin Shalat, Jai Lang u ngu tsun mayu ai, tinang sharin hkam la da sai lam ni kaw na, langai ngai gaw, gin shalat jai lang na ra nga ai, tinang tatut njai lang  lu ai hpaji lam hpe hka ja sharin hkam la ai lam hta, nzet let nga ai daram baw nu matsing lam hta mung ngam nga na nrai nga ai, dai majaw tinang a shing wang hta, tinang hpe ntsa lahta de du wa shangun chye ai hpaji lam ni hpe atsawm sha lata chye na mung ra nga ga ai, ndai hpaji lam gaw, tinang a matu ya jang nan nrai tim, ten ladaw langai mi du wa ai shaloi gaw akyu rawng na re ngu ai hkrak re ai mahtai gaw rai ra nga ai

 

Bai nna, jawngma langai zawn hkam la u, ndai shara hta ahkyak ai lam langai gaw, tinang a hpaji lam gaw jawng ngut ai hte, nhkring mat ai ngu ai hpe mu mada chye na matu rai nga ai, ngai ndai Mungkan ntsa na nnga mat wa ai ten du hkra, tinang a hpaji lam gaw, matut hkawm sa nga ra ai ngu ai hpe masin salum bawnu ni hta dawk bang da ra ai shani shagu nlaw htum hkying hkum mi hka ja ai akyang lailen langai hpe shalat ra ai, madu hkum madu sak prat dakkasu jawngma langai re ngu ai hku hkam la ai lam gaw, lam yan shagu hpe hka ja mayu ai myit hpe shangai ya na rai nga ai. Dai majaw tsawra ai ramma ni sak hkrung nga ai ten ladaw jahkring mi hta, gumhpraw hpe n ahkyak ai shara ni hta jai lang nga na malai, tinang a matu arang bang ai lam gaw lachyum nga ai sak prat langai hpe lu madu wa lu na teng sha rai nga ai, dai majaw praw dik ai sak prat hpe lu madu mayu ai nga yang, hkrak re ai lam yang aw lam shagu hta tinang a rawt jat lam mgam hpe madung da hkawm sa galaw shakut nga na ra nga ai

 

Bai ndai shara hta ahkyak ai langai bai tsun mayu ai hta, madu hkum madu hpe shangun na lam hta, hkum hkrit u ngu tsun mayu ai hpa majaw nga yang, sak prat hta kade a myi man hpe yu na nkam nga yang, tinang myit malai lu na zawn re lam ni hpe hkum galaw, ngai dai ni lu galaw ai magam bungli hpe, hpang shani a matu hkum ngam kau da, galaw lu ai atsam nga ai daram madu hkum madu htum ai atsam du hkra galaw shakut u, hkring ra na aten ni hta, gang dun gang jen byin  na zawn re hkra hkum galaw  bai bungli galai n galaw shi yang, hkring sa la mayu ai myit ni hpe mung shamat kau ra nga ai bai ahkyak ai gaw, tinang nhkung ga ai galaw sa ai lam hpe tinang mung hkum galaw tinang a n ngut kre ai ai lam, hprai mat wa ai lam ni hpe, masha wa wa shangun yang she hta galaw dat yang  yak wa nga ai, dai majaw tinang a sak prat hpe lawa wa sa gau ai lam hpe nkam hkam ai rai yang, aten nga ai hta, madu hkum madu shangun ai lam hta hkum hkrit nga u ngu nna mung shadum n gun jaw mayu ai

 

Bai nna, madu hkum madu hpe n gun jaw na mung nmai malap da ai shara kaw lawm nga ai, tsawra ai ramma ni, htawm hpang sak prat ngu ai gaw, tak sawn da na yak ai lam langai mung rai nga ai, myit mada da ai hku nbyin wa ai ten ni hta, myit htum  hpa lam ni a lapran, matut hkawm sa ra ai lam ni mung nga nga chye ga ai re.ndai kalang hkrat kataw mat wa tim, htawm hpang hta mung kataw galau mat wa na ngu n tsun mayu ai, loi loi hte asum jaw kau na matu anhte shakut hkaja hkawm sa nga ga ai ni nre majaw, rang da ai ahkying aten, sekan shagu gaw lani mi tsaw ai shara de du na matu re ngu hpe nmai malap kau nga ai sak jaw kau ra ai lam ni ma hkra gaw, gin dan nga ai kun ngu ai myit sawn shalai kau ai lam ni nmai galaw kau nga ai.

 

Ya aten hta jamna kaw mu taw nga ai madu hkum hpe n gun lu yang she lu nga na, raitimung kaja dik byin wa na matu shakut nga taw ai shi matu, tsa shadang hpring kam da ai ngu ai n gunjaw ga gaw madu hkum madu tsun byin hkra tsun let ngam nga ai yi ngam magam hta karai hte rau hkawm sa nga ai rai yang awng dang ai sak prat hpe teng sha lu madu wa lu na re ngu

 

#youth

#rvakachinservice   

Add new comment

4 + 10 =