Mai Kaja Lam Ni Galaw Ai a, Akyu Ara ( Youth )

Mai Kaja Lam Ni Galaw Ai a, Akyu Ara

“ Shawang Myit gaw yawng hte n grin dan ai ” “ Nang kaja yang Ngai mung kaja na ” ngu ai ga ni tsun shaga ja ai hpe na ga yu ai ni law na re, dai hku sha ahpa atang myit yang gaw, jaw na zawn gaw nga nga ai raitim atsawm bai myit yu yang gaw, grai nan myit masa gyip nem ai ngu hpe mu mada lu ai

Kaja nga yang anhte shinggyim masha nang ngai yawng hte, grin dan nga ai ngu ai npawt myit masa hta madung da let, hpa galaw galaw, hp ani tsun tsun dai shawang myit hpe tawn da let, tsun shaga galaw sa ga ai rai yang, tianang a matu akyu ara ni nyawm wa nga ai ngu tsun n gun jaw mayu ai, ndai lam gaw, hkam la hkan sa ai hta sha hkan nna akyu ara ni mung hkam la ai lam shai na re hpe mu mada lu nga ai.

Ndai Mungkan ga ntsa hta anhte ni sa pra sai ngu ai hte rau, Mungkan ga mung anhte ni hpe seng ang ai  magam lit ni hpe jaw wa na sha rai nga ai, ndai hta, anhte ni gaw, tinang lu ai atsam ma hkra hte, mai kaja dik byin wa hkra, galaw sa na dai sha n ga, tinang a magam bungli hpe kung kyang ai hte, shawang tsawra myit hpe npawt da let galaw sa na nga yang tinang a atsam marai kaja ni hpe htawng madun ai hte mung bung nga sai lam mung rai nga ai dai aten mi shawoi na hta, kungkyang ai lam ni grau law jat wa na, atsam marai ni mung grau grau dai wa na rai nga ai, dai ten masha ni hte nbung ai grau htum ai masa lam de shi chyu shi du wa lu na sha rai nga ai, grau atsam rawng ai lam ni byin tai wa nna, mai kaja ai shiga ni sha na wa lu na rai nga ai, dai zawn re ai anhte shinggyim Mungkan masa hta, yu maya masa lam kaw na, tsaw ai magam bungli ni ap ya hkrum ai lam de du wa lu na sha rai nga ai.

Dai zawn re ai mahtai byin tai wa ai lam gaw, tinang hku nna, madu a magam bungli ntsa mai kaja dik byin wa lu hkra galaw shakut ai a marang e rai nga ai ngu mai tsun nga ga ai re. tinang galaw shakut ra na magam bungli langai ngai hpe mai byin ai daram mai kaja dik galaw lu na rai yang magam bungli a ntsa, myit shang sha ai  n gun kaja na ra kadawn nga ai, ngai gaw law, hpa magam bungli nnga na rau taw nga ai law kaja nga yang ndai ga gaw, kaja ai ga gaw nrai nga ai, ya hkrak hkrak e galaw na bungli nnga taw ai nga di pyi galaw hpa nnga nga hkra tam galaw chye na ran ga ga ai ngu nna mung n gun jaw shadum ya mayu nngai dai zawn galaw na nnga taw ai rai yang, magam bungli lam yan ni hte seng ai gara hku galaw hkawm sa yang, mai kaja lam ni byin wa lu ai ngu ai lam yan kaja ni hpe myit sawn taw grin nga ga ai, lam yan kaja ni tam bram taw nga mai nga ai hpe mung tsun shadum mayu ai law

Magam bungli dap langai hta tinang a kungkyang atsam marai dat ai lam, mai kaja dik byin hkra galaw shakut lu ai a ntsa e, ntsa na masha kaba ni mung, bungli madu ni mung, nmu nchye ai lam ni byin taw nga na nrai nga ai dai zawn mu mada wa sai nga yang, nang hte gin dan ai tsaw ai shara langai ngai hta shatsaw shara jaw wa na sha rai nga ai, dai zawn nre ai sha n mu masu hkrum ai rai yang mung laga bungli madu ni kaw na htawt sit galaw shaga la hkrum wa na sha rai nga ai , masha shagu a ntsa tawn da ai shawang myit, mai kaja ai myit masa, maikaja ai galaw sa ai lam ni gaw, galoi raitim gaman lila nbyin tai mat nga ai hpe myit dum dat u ngu nna mung tsun mayu ai mai kaja dik byin tai hkra shakut galaw sa ai ni a matu gaw, mai kaja dik lam yan nig aw nang hpe la taw nga na sha rai nga ai, dai zawn sha galoi mung nang shang wa na chyin hka hpaw da dingyang rai nga na sha re, yu maya usibawng langai lamu ntsa de pyen lung wa na matu yak nga ga tim, shawoi nan bung hta grau ai hitrogen dat lawm ai nbung htu bang dat ai rai yang, lamu ntsa de dai usibawng pyen lung wa ma na sha rai nga ai, dai majaw tsawra ai ramma ni mai kaja hkra galaw sa ai lam gaw, jahtum hta awng dang lam mahtai hpe byin pru wa shangun chye nga ga ai ngu shadum n gun jaw dat let.

#youth

#rvakachinservice