Awng Dang Ai Wa Byin Na Matu ( Youth )

Awng Dang Ai Wa Byin Na Matu

Shani shagu hta, magam bungli law nna, myit ru taw nga ai kun?..Anhte masha shagu lani mi hkying hkum ( 24 ) maren mara lu madu nga ga ai raitim, nkau ni hta, ndut ndang shanglawt lu ai aten ni law law nga nna, pyaw pyaw rai nga ma ai. Nkau ni gaw, yup ten, sha ten pyi nlu hkra magam bungli law nga nna aput angun rai nga ma ai, dai hta, madu a ahkyin aten ni hpe tang du hkra jai lang let, awng dang ai masha langai byin lu hkra, madi shadaw ya lu na lam yan nkau ni hpe tsun dan mayu nngai.

Shawng nnan e tsawra ai ramma ni ahkyak ai lam ni hpe shawng galaw u…jahpawt yup rawt ai  hte rau galaw ra na magam bungli ni law law nga nga ga ai , shani shagu hpa hpe shawng galaw ra na nchye let, myit shuk taw sai nga yang, min 10 daram aten la let ngai dai ni a matu, ahkyak dik rai  na galaw ra ai magam lam ni hpe atsawm hkrak myit sawn yu u, tinang a sak prat a matu, ahkyak la ai lam ni hpe sha, madung lata tawn let shawng galaw gun hpai sa u ngu tsun mayu nngai.

Bai Mabyin Masa Kaji  ni hpe mung sadi galaw sa ra nga ai. Ndum shami galaw dat ai lam yan nig aw, aten na wa ai hte rau, akyang byin tai wa chye nga ai, shani shanang galaw sa ai lam ni, myit sawn ai lam ni, htawm hpang du hkra lawm wa chye ai hpe dum ra ai ga shadawn, lani mi hta tsa gawm mi, salik langai lu ai mang hkang nnga ngu shadu nga tim, shi ning ladu hkum na wa ai ten hta, nnag hpe tsa gra ai wa tsa nlu yang nchye nga ai wa, Salik nlu yang nchye nga ai madang de du wa shangun nga ai lam rai nga ai hpe myit dum sawn ra nga ga ai

Dai zawn lani mi hkying hkum mi laika hti ai akyang hpe shangai shaprat wa yang, shaning na wa shaloi nang hpe machye machyang hpring tsup ai wa byin tai shangun wa lu na gaw teng sha rai nga ai, madu a bandung du na matu, dai ni jang lagaw lahkam htawt sa dat u ngu n gun jaw shadum mayu ai.

Mai kaja dik ai hte, aten dep i ngu ai hta, aten dep mai kaja dik mahtai pru na matu,  lu galaw lu yang gaw kaja dik rai nga ai, raitimung, mai kaja dik byin na matu galaw shakut nga let, aten dep nngut lu yang gaw, tinang galaw da ai ma hkra zai bru hta hka bang ai hte bung nga ai, bungli byin ai masa langai  lawan lu la hkra, galaw shakut ai lam gaw, nang hpe awng dang ai wa byin hkra garum ya na rai nga ai.

Kaja ai ningmu hte mu chye u, kaja ai maga mu chye ai myit gaw, awng dang lam a matu, madung rai nga ai, tinang a myit hpe mai kaja ai ningmu kaja ni hpring rai nga hkra shani shagu nga sa shakut nga u, bai machye machyang hpaji ni jahpring shazup da u, grau nna, jahpawt manap rawt ai ten kaja ai lam ni hpe sha myit sawn lam hpang dat u, tinang a makau grupyin hta myit ru hp ani, myit shuk hpa lam yan ni nga ai rai yang, byin mai ai daram koi gam kau dat u, hpa lam a majaw mung tinang a myit hpe myit ru hkum hkam u ngu tsun n gun jaw dat mayu nngai law

Kaba la ai mang hkang ni hpe tam u, dai lam ni hpe hparan dat u …. Tsawra ai ramma ni a prat hta, kaba la ai lam yan ni hpe hparan lu ai ni sha kaba la ai kumhpa kaja nil u chye ga ai re, laga wa ni hta, lak lai nna, awng dang mayu ai rai yang, ru maya mash ani nlu galaw ai lam yan ni hpe lu galaw ra na rai nga ai, tianang a mang hkang ni hpem tianang sha hparan lu ai rai yang madu hkum awng dang lam lu la na rai nga ai, bai magam bungli dap mang hkang, makau grupyin mang hkang ni hpe hparan lu ai rai yang, mare madang, mung dan madang mang hkang ni hpe hparan lu ai rai yang, mungdan madang awng dang ai wa byin wa lu na rai nga ai, tinang a makau grupyin hta nga awng dang nga ai ni hpe yu yu dat yang, laga wa hta jan ai magam lam yan ni, mang hkang ni hpe lit la hparan lu ai sha law nga ai hpe mu mada nga ai lam  tsun shadum dat let,

#youth

#rvakachinservice