Madu Hkum Hpe Madu Kam U

Madu Hkum Hpe Madu Kam U

Anhte ni hpe, galoi mung jam jau jaw nga ai mang hkang kaba langai gaw, madu hkum hpe madu kam ai lam nnga ai lam rai nga ai. Kaja nga yang laga masha wa hpe nkam di pyi, madu hkum madu sha gaw, kam ra nga ga ai re. ya nga yang dai hku nrai nga ga ai, myit kata kaw na hkrit taw nga ai hpe shara shagu hta hkrum sha nga ai lam mu lu nga ga ai

Sak prat hpe man ap hkrum dat na matu, hting nut nga taw nga ai ni, tinang a sak prat shinglum la nnga ai ngu hkam sha taw nga ai ni, tinang a atsam marai ni hpe ntsen byin nga ai ni hpe shara shagu hta mu lu nga ga ai. Ndai hpe ngai galaw yang byin nak un? Galaw gaw galaw yu na masa nhkrak yang gaw nchye lu yaw ngu zawn re ni rai nga ai, tianang lit la lu ai atsam marai, ahkaw ahkang ni hpe, ntat kau ai sha jum manat lu ai atsam nnga ai ngu nan sung sung nre hku kam nga ai ni makau grupyin hta law nga ai hpe mu lu nga ga ai re

Langai ngai nprenem wa sana re ngu ai myit tsang lam nig aw, galoi mung myit hpe jam jau jaw chye nga ga ai tinang byin mayu ai lam ni hpe, tinang a atsam marai, gwi hkring ai lam ni hte galaw shakut sa wa yang, tinang byin mayu ai lam ni byin wa lu na, tianang hta ndai zawn lu galaw lu ai atsam marai ni nga ai hpe kam ra nga ga ai ngu n gun jaw mayu nngai law. Ndai hku sha anhte nig aw, ndai hta grau lu la mai nga ninglen, sak prat hpe grau rawt jat wa hkra gin shalat hkawm sa lu nga ninglen, ya sha tsun ai madu hkum hpe kam ai lam nnga ai myit ni a majaw lu ai daram hte sha, myit dik nga ga ai law nga ai hpe mung mu lu nga ga ai.anhte shinggyim masha malawng maga hta sak prat hpe tawt lai sak hkrung lu na matu hkrit ai myit ni hte sha, hput di asum jaw kau chye ai gaw shingra tara zawn nan rai nga saga ai hpe mung mu mada lu ai

Prat laru a ru yak jam jau lam lam ni htam hte htam law htam wa ai mang hkang nig aw, anhte ni a myit n gun atsam ni hpe htum mat wa shangun chye nga ga ai. Dai hta kam ai lam ni n gun yawm ai majaw, madu hkum madu atsam ni yawm wa nga ai rai nga ai, ndai zawn re mabyin hta anhte ni hta nga nga ai atsam ni gaw, nmu mada wa nna, daw dan jahkrat lu ai atsam ni gaw lam dam mat wa chye nga ai hpe mung chye lu ga ai dai majaw anhte ni ndai mang hkang ni hte hkrum wa sai nga yang, anhte ni hta nga ai madu dan ai atsam marai ni hpe  bai nhtang sawn yu na ra ahkyak nga saga ai, anhte ni hkrum wa ai kaning re ai mabyin ni, kaning re ai mang hkang ni mayak lam ni raitim, dai lam ni a ntsa, anhte ni tawn da ai myit manaw myit ningmu hta n ahkyak ai ngu sawn da dat u ngu na mung n gun jaw myu ai.

Ndai mang hkang law law nig aw, anhte a myit hpe ga up na matu, anhte ni sha ahkang jaw da ai majaw du shang wa ai lam mung rai nga ga ai, kaja wa sha, madu hkum madu kam ai myit anhte ni hta nga na nga yang, ndai lam ni hpe atsang sha tawt lai lu mat na teng sha rai nga ga ai, lamana anhte nig aw, kam ai lam mat mat nga ai, awng dang na matu atsam marai ni nnga ai, ya tatut hta hkrum sha taw nga ai mang hkang ni hpe ntawt lai lu ai ngu shadu nga sai nga yang jahkring mi hkringsa la dat u, bawnu  kata hta kaja ai lam ni mung, nkaja ai lam ni yawng hpe mung htuk shapraw kau dat u, myit sawn ai lam ni, hkam sha lam ni yawng mung rai nga ai, ngut yang, laika pa langai hpe la nna, anhte ni hkrum sha nga ai mayak mang hkang lam ni a lapran anhte ni lu galaw ai lam ni hpe jahpan ka tawn da u, ngut yang, ya lajang tawn da ai jahpan ni hta na dang di lu ai lam ni hpe galaw u, anhte ni hta nga ai atsam ni, marai ni kam ai lam ni hpe ngang grin lu hkra ngai lu galaw ai,  ngai lu nan lu galaw ai ngu ai ga hpe, second shagu hta tsun nga let, ngam nga ai lam ni hpe man ap hkrum kadup dat u ngu n gun jaw mayu nngai

Dai zawn tsun let glaw nga ninglen anhte ni nang ngai ni a hkum hkrang gaew adding sha rai wa na rai nga ai, n gun atsam n inga wa na, myitman ni jan lu yu wa nna,mang hkang ni hpe kam ai myit hte hparan lu wa let awng dang ai sak prat hpe lu madu wa lu na teng sha rai nga ai ngu n gun jaw shadum dat let,

#youth

#rvakachinservice