Myit N gun Malu Masha Mung Ra Ai ( Youth Program )

       Myit N gun Malu Masha Mung Ra Ai

Anhte shyinggyim masha ni a hkum hkrang hkam kaja bawng ring sak galu na matu, shani shagu grung ra ai malu masha ni hpe sha jaw taw nga ra ga ai. Ndai zawn lu sha ai ten hta madu a n gup hta sha mu hkra, ahara byim hkra malu masha ni mu mu mai mai hte sha mayu ai ni hkum hkum  shadu lu shadu sha ga ai re

Yup hkring sa  la ai ten ni hta mung, dang di yang dang di lu ai hku, atsawm hkring sa la na matu hkyen lajang da chye ga ai, dai zawn, bu hpun palawng sum raw ai shaloi mung tsawm dik kaja dik hte bu hpun chye ga ai dai a matu, shani shagu nhkring nsa shakut shaja nga ga tim, tinang a myit hpe bawng ring shangun chye ai malu masha ni hpe gaw jaw sha na matu malap mali nga chye ga ai re.

Kaja nga yang myit hpe malu masha jaw sha ai shara hta, masha shagu a matu grai nan ahkayk la ai shara kaw lawm nga ai re, masha langai a matu, myit gaw, jak langai hte bung nga ai, mawdaw langai hta engin jak nkaja yang dai mawdaw gau lu nan rai nga ai, dai zawn sha masha langai mung myit daw nga na nga yang, tiang a sak prat awng dang lam a matu shakut shaja nga ai shara hta n gun da ting lu galaw lu na nrai nga ai

Masha langai gaw shing nrai n ang hta lam yan langai ngai a matu, myit daw dan lam langai jahkrat ra sai nga yang, madu a myit gaw, asan sha hte zet kung nga ra na rai nga ai, dai rai yang sha, teng man jaw ai daw dan lam hpe jahkat lu na re, dai sha n ga masha shagu gaw, kaning re ai magam bungli ni hpe mi rai rai, myit asan re taw nga ai ten ni hta, myit n gun hpring nga ai ten ni hta galaw shakut ai lam gaw myit n gun yawm nga ai ten ni hta galaw ai hta grau awng dang lam lu na re lam  anhte nang ngai yawng hkrum sha ga yu na re hpe kam ai, dai majaw tinang a myit hpe asan sha hte n gun hpring nga lu na matu malu masha jaw sha ra nga ai lam tsun shadum ya mayu ai law

Myit sawn hpaji ninghkring langai mi tsun ai hta, Masha langai gaw kade mi gawng shingyan tsawm taw tim, dai masha wa a myit gaw, brang lang hte si mani ai hte kang ka ai lam nnga yang, dai  masha wa gaw manu dan na nrai nga ai nga nna tsun da ai hpe na ga yu ai, dai majaw tinang a myit marai hpe galoi mung dai let sak hkrung lu na matu, tinang a myit hpe ladat jaw jaw n gun ban malu masha jaw sha na ra nga ai, Tinang a sak prat hta lu na, sha na, bu na, hpun na, kashu kasha a lam, kun dinghku a lam ni, shani shagu sak hkrung lam hta shakut shaja ra, myit sawn ra ai the, myit nig aw grai nan bungli galaw taw nga ra ai re.

Dai zawn myit nna, myit hte seng ai lam, gawng shingyan hte seng ai lam ni, n gun atsam hte seng ai lam ni lam jut shagu na atsam ni yawm wa nna, hkam kaja lam hkra machyi ai ni, tsam pu tsampa dam ni a majaw myit daw ana nga ai ni, myit nhkam kaja ai lam ni, nkau nga yang, madu hkum madu sat si ai  du hkra pi nga chye ai lam ni hpe mu lu nga ga ai, Kaja nga yang ndai zawn byin wa ai lam gaw dai zawn mash ahku nna, tinang a myit hpe malu masha jaw sha na malap nga ai lam shin nrai dai zawn galaw na nchye ai n galaw ai a majaw mung mai byim nga ai

Hpa mi rai rai, shinggyim masha ni gaw, ten jahtut nna, sumla hkrung yu ai lam ni, mahkanw madat ai lam, pyaw pya rai sak hkrung ai lam ni galaw chye nga ga ai. Dai zawn galaw ai lam ni gaw, tinang a myit hpe zet tsang wa shngun ai lam yan ni rai nga ai hpa mi rai rai, tinang myit du ai magam lam langai ngai hpe myit n gun shat jaw sha lu na aten langai hku nna jaw ra nga ga ai re rai yang she madu a myit ni zet tsang wa lu na, n-gun atsam ni hpring wa na, myit kaw kata hta lam amyu myu a majaw tsam pu taw nga ai maza ni hpe dai zawn langai ngai hte galai bang shara jaw nna koi yan kau lu ra nga ai dai rai yang sha tinang a myit n gun ni jahpring ya lu ai lam yan rai wa na rai nga ai,

Tsawra ai ramma ni n htu langai gaw gareng taw yang she dai ai zawn, myit langai gaw myit sawn taw nga yang chyu sha dai taw na rai nga ai. Raitim, garang ai law wa yang mung nhtu mung hpa wa na tsang ra ai zawn, myit sawn ai lam nau law wa yang mung masha hpr hkra machyi  wa na hpe tsang ra nga ai lam mung shadum da nga ma ai dai majaw myit hpe shat jaw sha ai ngu ai shara hta, gawng shingyan hpe jahtuk ai zawn shadawn sharam chye na gaw ahkyak kaba langai rai nga ga ai

Dai majaw anhte a hkum gawng shyingyan,  hpa malu masha ban ya ai shara hta, shadawn sharam ai lam nnga yang jam jau wa chye ai zawn, myit hpe malu masha ban ai shara hta mung myit ra ai hku sha hkan galaw dat yang jam jau kaba hte hkrum wa chye nga ga ai re, dai mjaw ndai shara hta, tinang a myit hpe shai ai lam yan ni hte n shalai kau hkrup na mung sadi jaw mayu ga ai ngu

#youth

#rvakachinservice