Mayak Mahkak Lam Hte Awng Padang ( Youth Program )

Mayak Mahkak Lam Hte Awng Padang

Masha law malawng gaw sak prat hta kaning re ai mayak lam ni hte hkrum wa u ga, yawm htum htingnut mat chye nga ai hpe mu lu ga ai. Dai mayak lam ni hte  hkrum katut wa na mabyim masa lam ni hpe myit daw mat chye nga ai, myit tsang lam ni hte sak hkrung nga chye ga ai, kaja wa sha tinang hta ngang grin ai daw dan lam, sak prat a matu kaba la ai myit mada lam galu hkam la lam langai ngai nga na nga yang kaning re ai kaba la ai mayak lam mi raitim, gwi gwi hkrum kadup dat u ngu n- gun jaw mayu ai

Dai ten, Awng dang ai hte tawt lai lu ai lam hpe mu mada wa na rai nga ai ndai shara kaw tsun mayu ai madung gaw myit marai sha rai nga ai, myit marai daw dan sai lam gaw, tinang ra kadawn ai lam yan kaw n alai ngam ai lam ni hpe tawt hprut kabai kau lu ai lam rai nga ai, tinang gaw byim mayu ai lam nga ai lam yan mabyim masa a matu, myit marai ni hpe katu  ai lam hte gwi gwi daw dan dat ai lam gaw, tinang gaw laga lam yan ni hpe jahkring malap da nna, tinang hkrum katut na lam langai hpe sha myit maju jung da ai lam hpe tsun mayu ai rai nga ai.

Tinang gaw lai sai ten hta hpa mi byim byim ya tatut aten hta mung hpa wa byim nga byim nga ndai mabyim lam gaw htawm hpang prat a matu yaw shada tawn da ai tinang a bandung hpe jahpring hkrang shapraw ya na nrai nga ai madu hkum madu chye da ra nag aw ngai gaw hpa hpe hkrak tup myit maju jung galaw taw nga ai kun ngu ai lam rai nga ai, dai ga san a mahtai gaw, tinang yaw shada da ai sak prat hpe shalat ya na rai nga ai. Ngang gring ai daw dan lam langai hpe jahkrat dat ai the rau tinang a sak prat myit mada lam lam yang aw hkrang shapraw ngut ai hte bung nga ai, rawt jat galu kaba wa na lam de du na matu shakut shaja ai lam hta tinang gaw mayak lam ni hpe hparan tawt lai ra na ngu ai lam hpe hkrak chye na da ra na mung ahkyak la nga ai re.

Rawt jak galu kaba wa ai lam hpe galoi mung loi loi hte lu chye ai lam nrai nga ai, law la ai mayak kindut lam ni hpe hkrum katut lai nna she lu ai lam rai nga ai, tinang hta shawng galu kaba nga sai ni hpe mung san yu ga shanhte ni langai hpra a tawtlai wa ai hkrun lam gaw mayak law ai hte mang hkang law law hpe tawt lai ai ni hkrai rai nga ai,  nkau myit su ni nga yang, rawt jat galu kaba wa lam a matu mayak kaba ni hte hkrum nga ninglen hta, kun dinghku lam, kashu kasha makin jinghku ni hte shyinngyim lam zawn re ai  shingra tara lam ni hte mung gaprawn nna hkrum sha ai ni hkrai rai nga ai hpe mu lu ai dai ten, dung ra na kun, sa ra na kun tatut shara kaw na shara ra mi de hprawng mat nna lawt mat na kun myit ung ang nga ai tsinyam hte hkrum nga ai ten re hpe mu lu nga ai dai zawn re lam ni hte ladu shalai kapaw w anna nbyim gring ai lam ni byim wa ai majaw mang hkang ni a sawng dik lam ni hte hkrum sha chye nga ga ai re

Dai hta kaja wa rawt jat galu kaba na atsam ningja hpring nga ai ni gaw, madu a myit marai hpe dang dang daw dan jahkrat lu ai ni gaw, dai zawn kaba la ai mayak lam ni hpe hkrum wa ai ten, masha shagu ni zawn hkrum sha nga taw tim, lawan dik ai hku tinang a myit hpe hting hkang lu na matu shakut ma ai, Mungkan shingra a shinggyim sak prat a masa lam hpe htinghkang lu na matu shakut nna, kapaw na daram byim nga ai ten ni hta pi myit hpe zim hkra kalang ta hting hkang tawt lai lu nga ai hpe mu lu ai  dai zawn man ap hkrumg dat timmung prinem ai lam ni nga mat ai zawn nprinem ai lam ni mung nga na sha rai nga ai nkau mang hkang ni gaw maga mi maga sha hkam sha nga kau dat ra ai ni mung nga chye ai majaw rai nga ai

Bungli galaw nga ai ni hta, manghkang mayak lam ni gaw nga na sha rai nga ai bungle n galaw nna nga na nga yang hpa mang hkang ni mung byim wa na nrai ai sha n ga, sak prat mung hpa byim wa na nrai nga ai ndai lam ni hpe yawng chye da na re hpe mung kam ai dai majaw  kaja wa nan sha rawt jat galu kaba awng dang mayu ai ni gaw, ndai zanw kadun la ai mayak lam ni hpe aput angun ntsun taw ai sha shawng lam a matu byim pru wa na mai kaja lam ni a matu shawng de mu mada nga ra ga ai re dai majaw mayak lam hte awng dang lam ngu ai hta, mayak nga yang awng dang ai lam lu na ngu ai lam sha rai nga ai, awng dang ai lam langai ngai hpe kaja wa lu la mayu ai rai yang dai mayak lam ni hpe gwi hkring ai myit hte tawtlai dat ra na ngu ai gaw lam yan masa langai hku chye da hkan sa shakut hkawm sa ai rai yang teng sha awng dang ai lam lu na rai nga ai law.

#youth

#rvakachinservice