Na Hkum Nang Myit Nmai Daw Ai Lam Yan Ni

Na Hkum Nang Myit Nmai Daw Ai Lam Yan Ni

          Na hkum nang mu mada ai lam gaw, masha wa nang hpe mu ai ningmu hta grau ahkyak la nga ai law, na hkum nang pi kam nkaba yang, nang hpe kadai htang nkaba san rai nga ai, hkrak sum ga ai lam, shut ga ai lam hte sha, na hkum nang myit nmai daw nga ai, hpa majaw nga yang, masha shagu hkrat sum ga ai majaw sha rai nga ai. nang awng dang mayu ai gaw kaja nga ai, raitim, awng dang mayu ai myit hte ra ai lam ni nlu wa ai ten, na hkum nang myit nmai daw nga ai, myit daw ai ngu ai gaw, shawoi byim ai mabyim rai nga tim, lawu htum du hkra hkrat mat yang gaw, bai gang sharawt la na grai yak nga sana rai nga ai, dai majaw ndai bat na lamang hta hpa majaw myit nmai daw ai ngu ai lam yan ni hpe tsun dan mayu ai law.

1). Nang Galoi Mung Rawt Jat Lu Nga Ai...Gara sak prat mi du du, kade shut ai lam ni galaw wa galaw wa, nang sha shakut wa ai rai yang, nang hta rawt jat wa lu ai lam ni law law rai nga ai, dai majaw, nang hpe myit daw shangun chye ai shut ai lam ni nga yang, hpang kalang nshut hkra shawng lang hta grau rawt jat hkra shakut dat u

2). Kadai Mung Nhkam Tsup Nga Ai..Nang hpring tsup ai masha langai byim na matu, shakut nga ai rai yang, myit npyaw let sha tsun lu ai gaw, anhte shinggyim masha ni yawng gaw, lam yan shagu hta hpring tsup ai ngu nnga nga ai, masha shagu ht gawng kya ai lam ni nga nga ai dai majaw nang hta nhpring tsup shi yang, laga wa ni hta mung, nhpring tsup nga ma ai hpe nmai malap kau nga ai re,

3). Masha Shagu Shut Chye Nga Ga Ai...Kalang shut shagu nmai malai ai nga yang gaw, nang a bawnu hta laga lam yan ni bang na matu, shara pyi nga na nrai sai, masha shagu hta shut ai lam galaw chye nga ga ai, nang mung shut ai lam galaw chye nga ai ngai mung dai zawn sha re, ga malai langai nga ai shut ai lam ngu ai gaw bai sha nsawn taw yang, ga yan langai hta lai na njan nga ai nga ma ai, shut ai lam galaw ngut yang, kalang ta malap kau ra nga ga ai ngu tsun mayu ai gaw nrai nga ai laga ga malai langai gaw, Shut ai kaja lam ni hpe, majoi hkum shama kau dai shut ai lam kaw na, langai ngai lu la hkra galaw u nga ma ai, shut ai lam ni nga yang, dai shut ai lam kaw na mahkrum madup la u, dai hpang daishut ai lam hpang de bai shut hkra hkum galaw nu ngu shadum n gun jaw mayu ai.

4). Myit Mada Lam Galoi Mung Nga Ai...Bungli nlu na,sumtsaw hte hka nna,dum nta kaja langai sha pi nlu madu ai ngu zawn re ni hte myit yawn nga na malai, nang hta hpawt de ngu ai myit mada lam ni nga ai hpe nmai malap kau nga ai, masha shagu hpawt de ngu ai hpe myit mada lu ai hkaw hkang nlu la nga ai, mawng ana byim nga ai ni, yawga kaba hkrum sha nga ai ni gaw, hpawt de ngu ai lam hpe gwi gwi myit mada nga na shadu ai kun, hpawt de na ninghtoi shagu hta grau kaja ai magam bungli ni nang lu la chye nga ga ai re,

5). Myit Marai Tsaw Hkra Nga U... Sak prat hta awng dang taw ai ni gaw, myit daw ai lam hte ga up ai lam galoi nhkam nga ma ai shanhte ni gaw myit daw nga ai lam ni hpe galoi mung bai sharawt nga ma ai, adawt nga ai majan hpe awng hkra adawt nga ma ai, ndai gaw nang hkrai nrai nga ai, raitimung dai aten du yang, nang a myit ni nbra mat hkra myit maju jung ra nga ai, nang adawt ai majan hpe dang hkra adawt u, galoi tim, kataw ai shara kaw sha hkum pyaw taw, na hkum nang myit rawt hkra galoi mung nga u

6). Na Hkum Nang Masha Wa Hte Hkum Shingdaw...Masha law malawng gaw myit daw nga ai a ningpawt gaw shanhte hkum shanhte hpe laga wa hte shingdaw ai lam rai nga ai, masha wa gaw nsam grau tsawm ai ja gumhpraw grau lu tam ai ngu tsaw re ni masha ni gaw malawng maga na ningmu ni hta pyaw hpa lam ni, shakawng lam ni  shaw madun nga ma ai, shanhte ni hta mung, myit daw nga ai ni law law rai nga ai dai majaw na hkum nang laga wa hte galoi hkum shingdaw

7). Nang Hpe Laga Wa Ga Up Ai Hkum Hkam ngu tsun mayu ai laga wa a majaw nang myit yawn ra ai rai yang, nang a myit hpe galai shai gring nga saga ai nang a san seng ai myit hpe maza ai ni a majaw galoi hkum hkra hkam

8). Galoi Asum Hkum Jaw.. Kalang marang gaw, anhte ni yawng hkrat sum ga na ni hkrai rai nga na re, galoi mung dang lu na nmai byim nga ai zawn, galoi mung sum taw na nrai nga ai,  kalang marang hkrat sum ga ai hte sha gaw, nang a myit mang yaw shada lam ni hpe hkaum daw kabai kau, nang lata sharawt asum njaw dingsang gaw nsum shi nga ai ngu

#youth

#rvakachinservice