Aten Hpe La Dingda Chye Ra Ai Lam ( Youth Program )

Aten Hpe La Dingda Chye Ra Ai Lam

Ginhtawng ta htum mat nna, lanam ta du wa ai, lanam ta lai nna, nshung ta de bai du na sha rai nga ai, dai zawn sha, shani ngut nna, shana, shana ngut nna,shani bai du na sha rai nga ai, gara lam mung ngring nga ai, lani hte lani, htawt sit galai shai nga ai re, anhte a shyinggyim mungkan mung ndai zawn sha, pyaw ai ni ngut yang yawn hpa lam ni du pru chye nga ai re, jam jau ngut yang, mai kaja ai lam de du wa na rai nga ai, ndai masa lam tara hpe chye da ai wa langai gaw, du taw nga ai shara hta, sadi maja let nga sa chye ra nga ai, pyaw hpa lam shagu hta, sadi let pyaw ra nga ai, yawn hpa lam ni du wa chye nga ai, dai zawn yawn hpa ni hkrum wa tim, myit hkum daw, kabu hpa lam ni hkrum wa lu na sha rai nga ai.,dai hta  shaman chyeju jaw wa na aten hpe myit galu ai hte la chye ra nga ai, jan ja ai hpe tawt lai ngut yang, shingnip du wa na hpe nmai malap kau nga ai, aten hpe, ra ai hta hkan nna, la dingda chye ai lam mung, shyinggyim sak prat hta ahkyak ai lam langai kaw lawm nga ai.

Kaja ai ningmu hpe tawn da chye ra ai. Mungkan hta, mu mada ai lam lahakwng nga ai, mai kaja ai ningmu hte,nkaja ai ningmu nga na, mai kaja ai ningmu mu ai wa gaw, tinang mung, masha wa mung mai kaja ai akyu ara ni hpe byim shanngun chye nga ai, nkaja ai ningmu mu ai nga yang, tinang mung manang wa hpe mung myit shuk shangun chye nga ai, lam yan langai hpe, mai kaja ai hte, nkaja ai hku lahkawng maga mai mu nga ai, dai hta mai kaja ai ningmu nga ai wa gaw, shara shagu hta kaja ai ningmu hte sha tsun chye nga ga ai, dai majaw, shihta, nkaja ai lam tsun na nnga ai daram rai mat nga ai, nmaja ai ningmu hte galoi ma mu chye ai wa gaw, mai kaja ai lam ni hpe nmu mat ai sha n ga, jan ja yang mung ja ai, marang htu yang mung htu ai, ngu zawn re ni hku galoi mung aput angun chye tsun nga ai sha n ga, manang wa hpe mung mara shagun chye ai wa rai nga ga ai, manang wa hpe mara sha gun,mara hkrai mu ai wa gaw, shi hkum nan mung nga npyaw la nga ai re, dai zawn manang wa hpe mung myit kahtet nga npyaw shangun nga ai, dai majaw laga wa hpe, mara sha gun mara mu ai myit ni nnga hkra, mung kan ga hpe mai kaja ai ningmu ni hte, yu chye mu chye na matu, mai kaja ai ningmu myit masa ni tawn da chye ai rai yang myit pyaw lam lu na rai nga ai ngu tsun mayu ai.  

Sak prat hta, kaji law ai lam yan law law ni hte hkrum wa na rai nga ai, dai kaji law ai lam ni hpe malap kau ra nga ai, nmalap kau nna, dai lam ni yawng hpe madung da myit wa ai shaloi mang hkang ni mung kaba wa chye nga ai, kalang lang hta, laga wa tsun ai ga ni gaw, tinag hpe yu kaji mara shagun ai ga ni re ngu shadu mu chye nga ai, dai ga zawn re ni hpe myit hta nbang da ai sha,kaji kajaw lam yan ni re ngu hkam la let malap kau ai rai yang dai manghkang gaw zim mat wa na rai nga ai. dai hku nre sha, ngai hpe masu ai, ngai hpe yu kaji ai, ngai hpe mara shagun ai, shi gaw hpa re na ma,ngu zawn re ni dam lada ai hku myit sawn taw nga yang, myit kraw kata hta, pawt sindawng ai lam ni byim pru na sha rai nga ai, shi hpe matai bai htang na, ga bai law dat na ga ni mahkawng da chye nga ai, ahkaw ahkang lu yang, kalang ta nhtang lu na matu ngu myit da tim, ahkaw ahkang bai nlu mat yang, tsun na ga ni mahkanwg da nna, tsun bun na ahkaw ahkang hpe la chye nga ga ai, dai ten hta nang a myit ni gaw, nsim sa nga mat sai rai nga ai, hpa majaw nga yang kaji kajaw mabyim lam ni hpe nmalap kau ai majaw rai nga ai hpe shadum ya mayu ai law.

Mungkan ntsa hta, kadai mi tara lam hten hten, ngai nhten ai ngu ai masha hpan, tinang a manu hpe tinang chye nna, simsa hkra nga chye ai ni, tinang a majaw, laga wa hkra machyi na tsang di tinang a tingkyeng sat lawat ni hpe shagrit da let, tinang a akyu hta, laga wa a akyu hpe madung da galaw shakut nga ai ni mung nga nga ai, ntsa lam hkrang hku sha kaja masu nga chye ai ni mung nga nga ai, dai zawn re ni hpe kam hpa hkrup yang, tinang sha matsan, jam jau ai mabyim lam ni hte hkrum chye nga ga ai re, akyang kaja ai ni hte hkrum wa yang, tinang a akyu hta hkra machyi wa ai lam ni hte nhkrum ai sha n ga, myit kraw kata hta, sim sa lam ni lu wa na rai nga ai, dai zawn myit kaja ai ni hte hkrum wa ai ten, myit n gun ni mung lu wa nna, awng dang ai lam de lahkawm lu nga ai re, dai zawn manang kaja mung mu tam na nloi la nga ai mungkan hta nang kaw dai zawn re manang jinghku lu da ai rai yang, manu shadan chye ra nga ai ngu

#youth

#rvakachinservice