Sak Prat Awng Dang Wa Lu Na Lam Yan Ni ( Youth Program )

Sak Prat Awng Dang Wa Lu Na Lam Yan Ni

          Awng dang ai lam ngu ai gaw lak san masha lachyawk mi a matu sha, san da ai lam nrai nga ai, anhte nang ngai yawng shagu a matu ahkaw ahkang lam hpaw da ai jan mau langai rai nga ai.

awng dang ai lam gaw ja gumhpraw hte mari la ra ai lam nrai nga ai awng dang ai lam lu mayu ai ni shagu shakut la lu yang she lata hta jum da lu ai lam langai rai nga ai Awng dang ai wa langai byim na matu, kata hta rawng nga ai myit masa hta nnan hpang galai shai ra ai, shi a asi apu ni hpe shinggan na nsam hku masha ni mu hkrup ra sharawng na rai ma ai

Awng dang ai grup yin ni hta tsang ai shara de du lu ai ni gaw gwi gwi galaw lu ai ni rai nga ai awng dang ai ni gaw dam ai maga de hkawm sa ra nga ga ai u hkai kasha gaw udi kawp kaw na aten du yang shinggan de pru wa ra ai zawn, awng dang mayu ai ni gaw shi a prinem ai kawp kata  ( Confort Zone )  kata kaw na gwi gwi pru wa ra nga ai re, bai awng dang ai lam ( sh ) hkrat sum lam ni hte hkrum katut wa na sha rai nga ai law malawng gaw hkrat sum lam hpe tai hpyen wa ngu sha masat da nga ma ai kaja nga yang dai hku mung nrai nga ai hpe myit sawn lu nngai. dai sum ai lam ni hte hkrum wa ai shaloi myit daw myit hten na zawn nga tim, dai kaw na mahkrum madup ni law law lu wa ai lam rai nga ai. dai lam ni gaw awng dang na lam a lam yan kaja ni mung rai nga ai re dai majaw hkrat sum ai lam gaw, awng dang ai lam de sa ai lam re nga ma ai.

Bai awng dang ai wa hte hkrat sum ai ni a lapran hpa bai shai nga ai kun ngu hpe yu yu yang, awng myit ngu ai hpe tang du hkra jai lang ai hta shai nga ma ai hpe mu lu ai nga ma ai, tsun mayu ai hta, awng dang ai ni hta ngyan grau kaja nna mung nrai nga ai, n gun atsam maga grau kaja ai majaw mung nrai nga ai raitim awng dang ai ni gaw dai awng dang mayu ai myit marai hta grau kaba nga ma ai hkrat sum ai ni hte myit masa bung taw nga tim, mi sha tsun ai awng myit ngu ai hpe tang du hkra jai lang ai majaw shanhte a prat awng dang nga ma ai re lam tsun da nga ma ai re.Shanhte ni a awng dang mayu ai lam gaw wan nshat zawn hkru chyi taw nga ma ai nga nna myit sawn hpaji ninghkring ni tsun da nga ma ai re.Dai awng dang mayu ai katu ai lam gaw awng dang wa na chyinghka hpe hpaw malang wa shangun ai zaw mung rai nga ai

Awng dang ai lam hta nkau hpe bai yu yu yang, awng dang ai asi apu hpe ra nga tim, hkrat re ai myit daw dan lam nnga ai hpe mu lu ai dai majaw mai kaja hkra galaw sa na ngu myit daw dan jahkrat da ai ni gaw lak lai ai awng dang ai lam hpe lu madu nga ma ai awng dang ai lam gaw la taw nga ai hte sha gaw nang kaw du wa na nrai nga ai awng dang mayu ai wa gaw awng dang lam nga ai shara de tinang hkum nan sa ra na ra nga ga ai dai awng dang lam gaw mai kaja dik galaw ya ai kaw na paw pru wa ai rai nga ai mai kaja dik galaw ya ai lam gaw shawa yawng a matu akyu ara galaw ya ai lam rai nga ai Apple gaw computer mungkan hta kaja dik galaw ya lu na matu shakut nga ai hte maren ya ten, kaba dik ai awng dang ai akyu ara hpe lu madu nga sai lam mung rai nga ai.

Sut masa lam ginwang kata hta nnan gin shalat ai ni gaw shawa hpe kaja dik galaw ya lu ai lam jaw lu na matu shakut gin shalat nga ma ai Mobile ph ni hpa majaw ndai ram awng dang taw nga ma ai kun ngu yang jai lang ai ni a myit ra lam ni hpe mai byim ai daram galaw ya lu ai atsam ni a majaw rai nga ai dai hta lak lai ai awng dang mayu ai rai yang, kaja dik galaw ya lu ai lam jaw ra ai, jahtum hku nna tsun ga nga yang, awng dang mayu ai ni gaw ai myit hte galaw gwi ra ai sum ai lam ni kaw na  mahkrum madup ni la ra ai, ngang grin ai daw dan lam ni jahkrat ra ai hte galaw sa ra ai shawa a  akyu nga ai galaw ya ai lam ni hpe jaw lu ra nga ai dai majaw hkrat sum lam hte awng dang ai ni a lapran hta shai hkat ai lam gaw katu ai awng dang lam hpe tang du hkra jai lai ai lam rai nga ai dai majaw awng dang lu na matu, nang hta hkru chyi nga ai wan nshat zawn myit marai atsam ni nga ra ai ngu ..

#youth

#rvakachinservice