Magam dap hta kanawn mazum lam kaja wa lu na matu

Tsawra ai ramma ni, tinang gara magam bungli hta mi galaw galaw, tinang a, lahta na masha kaba ni, magam gun manang shadada ganawn mazum chye na ra ahkyak ai kaw shang lawm nga ai, ladat hpaji tsaw nga ai prat hta masha hkum dek mi rai rai, phone, email hte social media ni kaw na shana laika ni hpe, tang du ai hku gara hku hpran na ngu ai hpe mung chye ra nga ai. kanawn mazum lam kaja ai gaw, tinang hpe bungli jaw na matu, aya shatsaw ya na matu hte, tinang a magam bungli ting awng dang na matu garum ya na rai nga ai, dai hta kanawn mazum lam kaja na matu nga yang

1.Madat mara chye ra ai.. manang wa tsun ai hpe madat ya chye ai lam gaw, kanawn mazum lam kaja ai lam yen langai mung rai nga ai.shinggyim masha ni gaw tinang galaw ai hpe sha myit maju jung chye nna, manang wa tsun ai ga hpe madat mara nchye ai wa hpe kadai mung nkam kanawn ai rai nga ai. kaja ai madat ya ai wa nrai yang, laga wa hpa tsun mayu ai re hpe chye na na matu, yak na rai nga ai. teng sha myit maju jung madat ya chye na akyang nga hkra galaw ra nga ga ai, dai hta laga wa tsun taw nga ai lam hpe madat ya ai, asan sha chye na matu, ga san ni san ai hte shi tsun mayu ai lam yan hpe chye na ai ngu ai hpe kahti kalai san chye na ra nga ai. 2.Nsen zim kanawn mazum ai lam, hkum hkrang shamu shamawt lam, myi rau hkrum rai ai lam, lagaw lata galang madun ai lam, mahku tsaw nem ai lam ni gaw, tinang tsun mayu ai lam de du hkra galaw sa ya lu nga ai,  a-ngwi a-ngawn byim shangun ai hkum hkrang sat lawat ni hte akaw alaw re ai mahku nsen ni gaw, tinang hpe grau hkau chyap wa shangun nna, asan brang lu tsun na matu n gun jaw ai hte bung nga ai re. 3. Myi hte hkrum rai u Myi shada hkrum ai lam mung grai nan ahkyak shang lawm nga ai, shinggyim masha ni hpe shanhte tsun mayu ai lam yan ni hpe ahkyak madung la ai ngu hkrang shapraw na matu, dai myi hpe yu nna lu tsun nga ai, raitimung myit hpe gaw ah zi na hkum yu, dai gaw laga wa hpe nga yak shangun chye ai lam byim nga ai, tinang shaga nga ai ten ni hta laga wa a nsen nshapraw hkrang madun ai lam ni hpe  sadi ya u, kalang lang nsen nshapraw ai sha tsun taw ai ga ni gaw, laga wa gara hku hkam sha nga ai hpe shingdaw mai nga ai re. ga shadawn laga wa gaw, tinang a myi hpe nyu yang, shi gaw teng man ai lam hpe makoi magap da ai shingnrai nga yak na mung mai byim nga ai, tsawra ai ramma ni kanawn mazum lam kaja ai ngu ai gaw, ga law law nshaga ai zawn, kachyi mi sha mung shaga ai nrai nga ai, ga kachyi mi hte mai byim ai daram tang du ai du hkra tsun shaga yu u ngu n gun jaw mayu ai. bai langai gaw,masha langai hte tsun shaga ra ai mi rai rai, phone hte shing nrai,  email kaw na shaga ra ai mi rai rai, tinang tsun mayu ai hpe asan sha chye na hkra ading tawk tsun shaga u 4. hku hkau ai lam hta hkrang hkrang nga ai dan leng nga u.... hku hkau ai hte tsun shaga ai, hku hkau loi ai ga san ni, hku hkau ai mani sum sai lam ni gaw magam gun manang wa hpe tinang a dan leng ai lam hpe, myit malang ai hku, hku hkau wa lu na lam hta  n gun chye byim shangun nga ai, magam dap hta mai kaja ai hku si mani ai hku tsun shaga ai gaw mai kaja dik rai nga ai. 5. Kam ai lam nga manang wa hte tsun shga ai shaloi,

kam ai myit nga u, tinang a magam gun manang ni hpe kam ai myit madun ai gaw tinang hpa tsun mayu ai ngu ai hpe kam wa shangun nna, hkan nang chye ma ai re, myi hkrum rai shaga ai, hku hku hkau hkau tsun shaga ai lam ni gaw, kam ai lam ni hpe gaw sharawt lu nga ai. 6 Rap ra ai myit sawn lam ngu ai hpe yu yu ai shaloi gaw, tinang a bungli madu, magam gun manang ni hte, myit nhkrum ai mi raitim, manang wa a ningmu hpe chye na ya nna, manu shadan chye na, ra ahkyak dik rai nga ai re. 7. Myit masa hpe dan leng da u... kanawn mazum lam kaja ai wa gaw, gara hku tsun shaga tim, myit masa dan leng ai hte rap ra hkra tsun shaga chye ra ai, manang wa a shara kaw na chye na ya ai, madat ya ai lam ni gaw, tinang tsun mayu ai hpe, A san sha hte du ai hta grau kaja nga ai re 8. Hkungga u, anhte shinggyim masha ni gaw, shanhte a ningmu hte shanhte shara jaw ai lam gaw tianang hte kanawn mazum ai lam hta grau nna, dan leng shangun nga ai 9. Bai nhtang ai lam ngu ai hta gaw, htap htuk ai jaw ya ai lam ni mung, kanawn mazum lam a matu, ra ahkyak nga ai 10. Jaw ai kanawn mazum hkrang hpe jai lang u... ahkyak ai kanawn mazum lam atsam marai gaw, jai lang na, matut mahkai hkrang ni hpe asan brang chye ai lam rai nga ai bai bungli law ai ni hte tsun shaga na myit ai rai yang, tinang tsun mayu ai lam ni hpe email kaw na matut mahkai jai lang na manu dik rai nga ai, shinggyim masha ni gaw nang a myit sawn lam nga ai kanawn mazum lam hpe manu shadan nna, kaja ai ningmu ni hte bai nhtang wa na ten sha rai nga ai ngu gam garan ya let

#youth

#rvakachinservice