Ningrum Ningtau Jan A Matu Minite 24

Anhte amyu shayi ni law malawng gaw myit kraw lawang kata na hkam sha lam hpe tinang a ningrum ningtau hpe hpaw tsun dan na hkang nlu chye ga ai.Raitim mung anhte la ni law malawng sawn la chye ga ai gaw tinang a ningrum ningtau jan ni a lam hpe chye ai ngu sawn la chye ga  ai.

Tinang a ningrum ningtau jan hpe aten njaw lu ai ningrum ningtau wa gaw tinang a ningrum ningtau jan a lam yawng hpe chyena lu na ngu ai gaw nloi nga ai.Shawng hta ningrum ningtau jan a mani sumsai hpe mu nga ai majaw shi pyaw nga ai ngu sha sawn la chye ga ai.

Kaja wa nga jang ningrum ningtau jan ni gaw shanhte a myit kraw kata na hkam sha ai lam ni hpe ningrum ningtau wa hpe tsun dan mayu nga ai re.Raitim mung anhte la ni law malawng gaw  ningrum ningtau jan ni a hkam sha lam ni hpe madat ya na shalan n gun jaw na matu lit li dum nga chye ga ai re.

Dai majaw ningrum ningtau jan ni gaw myit kraw kata na hkam sha lam hpe ningrum ningtau wa hpe ntsun ai sha tinang hte ni htep ai makau hkan na ni hpe tsun dan tsun dan  rai nna shanhte gaw madu wa hta grau ningrum ningtau jan a lam hpe grau nna chye ai ni tai wa nga ai.Dai gaw kaja ai lam gaw nrai na re.

Kaja wa nga jang ningrum ningtau jan gaw shi kraw kata hta nga ai ga si ni,myit yawn myit kaji,machyi hkam sha ai lam ni myit ndik ai lam ni hpe tinang a sinda hte ni dik rai nga ai ningrum ningtau wa hpe tsun dan gring ai wa ngu kam hpa ai majaw tsun dan ai lam rai nga ai.

Dai hta n ga,ningrum ningtau wa gaw shi a ntsa chye na ya dik mung rai nga nna ningrum ningtau wa hpe tsun dan yang mai byin ai made chye na ya nna shi hpe mung chyena shalan shabran n gun jaw na re hpe myit mada let tsun dan ai lam mung lawm na rai nga ai.Tsun ga nga yang ningrum ningtau jan gaw ningrum ningtau wa hpe myit mada kamhpa ai lam hte tsun ai lam sha rai nga ai.

Raitim anhte la ni law malawng gaw ningrum ningtau jan ni a hkam sha lam ni sawn myit la ai lam ni hpe nkam madat nga ga ai.Jahkring mi minut (10) daram sha pyi tinang a ninrum ningtau jan ai ga hpe madat ya na matu lit li dum chye ga ai.

 Anhte nkau la ni gaw bungli galaw ai shara,zuphpawng gawk ni hkan minit law law wa tinang a matu akyu nrawng ai lam ni a matu ahkyak ai lam nre  ai ni dung jahta nga ai hpe madat lu nga ai raitim tinang hpe lam magup hta lit la galaw ya nga ai tinang a prat a matu mung tinang a kun dinghku a matu mung ahkyak dik ai ningrum ningtau jan a ga hpe minit (10) daram sha pyi nmadat ya lu ai gaw mau hpa rai nga ai.

Tinang a ningrum ningtau jan nre ai bungli galaw manang kaga num ni a ahkyak ai lam nre ai ga ni hpe gaw minit (aten)  law law hpe madat ya lu ai raitim, myit yawn myit kaji nga ai ningrum ningtau jan a ga hpe madat ya na matu myit n galu ai mung mau hpa rai nga ai.

Kaja wa nga yang kaga masha wa hpe aten hkying hkum (10) jaw ai hta tinang a ningrum ningtau jan hpe minit(aten) kaji mi jaw ai majaw lu la ai mahtai gaw tinang a prat tinang a kun dinghku a matu manu grai shai ai ngu ai hpe anhte kun dinghku kawa ni nchye na ai ngu ai gaw nmai byin na re.

Tinang machyi makaw byin ai ten tinang hpe yu gawn lajang ya ai wa gaw bungli galaw manang ni nrai nga ai.Tinang a ningrum ningtau jan she rai nga ai.Tinang a prat hkrat sum ai lam hpe hkrum sha nga ai ten dai hkrat sum ai lam hpe jawm hkam sha lawm ai gaw manaw manang ni nrai nga ai,dum nta kaw na tinang a ningrum ningtau jan sha rai nga ai.

Tinang sa mayu ai,sha mayu ai lam tinang ra ai lam aput ai hpe hkan galaw ai gaw tinang ra mara lam ni hpe myit masin hpraw san ai nsam ni hte galaw ya ai mung tinang a ningrum ningtau jan sha rai nga ai.Hpang jahtum tinang makau kaw ruk yak jam jau tim rau nga ya ai gaw  tinang ningrum ningtau jan sha rai nga ai.Raitim mung dai daram prat a matu ahkyak ai num hpe minit kaji mi sha pyi aten nlu jaw ai gaw nbyin gring nga  ga ai re.

Num ndai grai tsun anyi tsun shalaw taw nga ai grai na maza ai ngu n tsun dat ga.Tinang a makau kaw nga ai tinang a ningrum jan nre  ai kaga bungli dabang hkan na num ni mung grai ga shalaw nga ai nrai i?Tinang ningrum jan nre ai kaga num ni tinang a matu ahkyak ai lam nre ai kaw pyi mani sumsai nsam nhten ai sha madat lu yang gaw tinang a ningrum ningtau jan a ga hpe gaw hpa majaw n mdat lu na rai nga ata?Hpa majaw mi nga nga tinang a ningrum ningtau jan a matu lani  yawm dik minit 30 daram sha gaw aten jaw yang gaw jaw kaja ai lam nan rai nga ai.

Dum nta kaw she nga nga ai gaw,na makau kaw she yup ai,nang hte sha shani ting nga nga ai,shat sha tim rau she sha ai gaw ngu ai lam ni gaw shi hpe aten jaw ai lam ni nrai nga ai.La ni gaw dum nta hta nga ai ten ni hta ningrum ningtau jan hpe jaw da ai ten ni nre hpe chye  nga tim dasang tsun jahpai chye nga ga ai.

Kaja wa sha tinang a ningrum ningtau jan a hkam sha lam ni gaw ningrum ningtau wa matu ahkyak ai lam nre kun?ngu ai hpe anhte atsawm sha myit sawn yu gring nga ai.Tinang a matu ahkyak ai,nye a ningrum ningtau jan gaw tinang a matu ahkyak dik nga jang gaw shi a matu lani mi hta na minit 24 daram sha myit lawm hkum lawm hte ningrum ningtau jan tsun ai hpe madat ya ga ngu kun dinghku kawa la ni yawng hpe tsun n gun jaw mayu nngai.Dai minit 24 hta ningrum ningtau jan tsun ai hpe ninghkap ai lam,dangrang galaw ai lam,ga law ga ni ntsun ai sha madat ya ga.

Dai zawn ningrum ningtau jan hpe myit lawm hkum lawm jaw dat ai minit 24 a majaw tinang ningrum ningtau jan gaw tinang hpe myit tau chye na ya chye ai ningrum ningtau wa hpe lu madu da ai myu shayi langai hku nna mungkan ga hte prat a ntsa grai nan myit dik ai lam hpe lu la na rai nga ai.

Dai majaw myu shayi ni  tinang a ningrum wa kaw nna shi matu myit lawm hkum lawm hte aten jaw yang ai minit kaji mi hpe lu la ai majaw shi mung myit pyaw ai zawn tinang mung myit pyaw lu nna kun dinghku ngwi py