Awng Dang Lam De Ndu Shi Yang Shayawm Kau Dat Ai Lam Ni

Awng dang lam de ndu shi yang, anhte shinggyim masha ni myit shayawm kau dat ai lam ni law law rai nga ga ai, Awng dang lam hpe masha shagu ra sharawng nga ma ai, raitimung tinang sharawng dat ai lam shagu hpe lu ai ngu ai masa gaw nlaw la nga ai dai awng dang lam de nlu du wa shangun ai lam yan ni hta, dai awng dang lam de sa taw nga ninglen hkrumlam ntsa kaw sha myit shayawm kau ai lam gaw madung rai wa nga ai, hpa majaw anhte nang ngai ni awng dang lam nlu shi yang dai zawn myit shayawm kau dat ai kun ngu hpe bai yu yu yang,

1.Byim wa na re ngu hpe nkam mat ai lam...Nmai byim mat sai ngu ai ntsen ai myit sawn lam ni baw hta shang wa yang byim ra awng dang ra na lam ni ngalaw nmai lam ni, hkyet mat wa chye ai gaw shingra tara nan rai nga ai. awng dang na matu madung lam yan masa langai gaw, hkam sharang myit galu ai lam rai nga ai, n awng dang shi ai shaloi hkam sharang nna, awng dang ai du hkra kam ai myit ni tsaw tsaw da chye na hkyak la nga ai ngu ndai shara kaw shadum n gun jaw mayu ai.

2.Bai kahtap htap galaw ra ai hpe lagawn wa ai.. Awng dang lam lu na matu galaw ra ai lam gaw kalang lang Namman shadaw lung ai hte bung nga ai jahkring hkring hkrat chye ai rai nna, bai kahtap htap lung na matu, shakut ra ga ai, dai zawn sha awng dang na matu kahtap kahtap galaw ra ai lam yan ni mung law law nga nga ai dai hpe ajin aban nrai mat na ahkyak ai.

3.Akyu Ara kalang ta nmu lu ai majaw.....Shakut shaja ai lam a asi apu ni gaw, shaning galu hpun langai a, asi, apu ni zawn sha rai nga ai, shaning ni na wa yang she pu lu, si lu ai lam ni rai nga ai, ya hkahtung htu, ya hkaja lu mayu ai ni a matu gaw, dumbrat lam nnga ai awng dang lam gaw grai galu nga ai ngu mu mada nna, myit daw hten let asum jaw kau chye nga ga ai hpe mung dum ra nga ai.

4.Masha ni tsun ai lam shagu hpe madat mara chye ai majaw...Gara bandung hpe mi tawn tawn, nang hpe manawn nna tsun na masha ni, lam yan nre de hpaji jaw ai lam ni, nang na makau kaw law law rai nga ai, hpaji jaw ai lam ni laga wa kaw na la ai gaw kaja nga ai raitimung, tsun ai shagu hpe madat nna tinang a kam ai lam ni yawm wa shangun sai nga yang, awng dang lam de nsa shangun hkra, myit daw mat wa chye ai lam ni chye byim nga ai re.

Bungli Magam dap hta awng dang myit pyaw ai wa byim shangun lu ai akyang ni hpe mung tsun dan mayu ai

Anhte ni sak hkrung shyinggyim masha ni shagu, sak prat hkrunlam a matu, magam bungli ni galaw ra nga ga ai bungli ngu ai gaw anhte a sak prat a aten law dik arang bang da ra ai nta langai mung rai nga ai, myit lawm nna mi rai rai, sak prat a matu mi rai rai, bungli galaw ai te, tinang sak hkrung hkawm sa ra ai magam dap gaw, pyaw ngawn ai shara langai byim na matu grai na ahkyak la nga ai, bungli hta pyaw ai lam gaw, awng dang lam a npawt langai rai nga ai majaw, ndai lang gaw awng dang pyaw lu na matu hkan sa ra ai lam yan nkau hpe tsun dan mayu ai.

1.Manap daw hpe myit pyaw shangun lu ai lam langai hte hpang dat u...Shani ting pyaw lu na matu, manap daw hpe, kaja ai ningmu hte hpang dat na ahkyak la nga ai, jahpawt lu sha hpe, ahara grung grung sha, dai ni gaw gara hku mai kaja ai lam ni hte hpang na, jahtum na ngu hpe ka tawn da u, ra sharawng dik mahkawn madat let bungli magam dap de pyaw pyaw shang dat u

2.Bandung jahkrat ai lam....Shani shagu na bungli magam dap hta zet tsang masan sa na matu, lam yan langai gaw, htawm hpang a matu pandung kaba nga ai masha langai hku madu hkum madu hkrang shapraw taw na ra nga ai, ten galu hta ngang gring ai yaw shada lam bandung nga ai ni a matu, magam dap hta pyaw hpa lam ni nga ai zawn, magam bugli ni mung dam lada wa na rai nga ai, byim mai yang, tinang a lani mi na pandung kaji ni hpe mung laika mai sau hta ka tawn da nna ndai hku byim wa hkra shakut gring nga ga ai

3.Myit sharawng katu ai lam hpe tawn da ra ai.. Gara gaiwang kaw na mi rai rai, ndai katu nga ai ni a matu, mayak lam ngu gaw hpa nrai nga ai bungli ni ngut kre na matu, shani shagu tinang a hkum kata myit n gun atsam ni hten run shangun chye ai lam ni kaw na tsan tsan nga nna zet zet tsang tsang shamu shamawt u, jahpawt hta ka da ai galaw ra ai bungli ni hpe galaw u, internet lang nna nyawng lawm mat na matu, tinang hkum tinang hting  hkang ra ai,

4.Shyinggyim kanawn mazum shingwang shalaw ra ai lam. Manang jinghku kaja ni tam ga, tinang a shingwang hpe law htam hkra galaw u, tinang yak wa ai ten dai jinghku kaja ni kaw na hpaji la u, shanhte hte rau jawm pawng u, htik htang hku nna shanhte mayak hkrum wa ai shaloi mung garum ya dat u

#youth

#rvakachinservice