Awmg Dang Na Matu, Nang Hta Nga Gring Ai Lam Yan Ni

Yup Mang Da Ai Lam Nga Ra Na.... Yaw shada lam yup mang kaba mang u, gwi gwi mang u, sak prat ting galai shai lu na daram mang dat u, lai sai ten nang nmang gwi ai, nmang ga ai yup mang ni hpe dai ni jang mang dat u, yaw shada lam yup mang mang ai ngu ai shara hta, tatut  sak prat hpe jahkring mi malap da u, nang kaja wa nan byim mayu ai sak prat, nang kaja wa ra kadawn nga ai prat langai hpe nang kaja wa du mayu ai sak prat zawn byim na ra nga ai. Bai

Kam Ra Na.. Nang kaja lu mayu ai, byim mayu ai yup mang hpe, nang kaja chye sai nga yang, chye ai hte nngut shi nga ai, ngai dai yup mang hpe byim nan byim ra na ngu ai kam ai myit ngu ai mung rawng ra ai hte shakut ra ai, na hkum nang pi nkam yang,nkam gwi yang, laga wa nang hpe gara hku sa kam sana , laga wa kam ai hta, na hkum nang kam na ra ahkyak nga ai hpe n gun jaw mayu ai, dai majaw, ngai byim nan byim ra na ngu ai hpe 100 % hpring kam dat u ngu

Sharin hka ja la ra ai lam....na hkum nang kam ai hte sha mung nngut shi nga ai, chye da gring ai lam ni, hka ja da gring ai lam ni yawng hpe sharin hka ja la ra na rai nga ai, sharin hka ja ai lam nnga ai sha galaw yang krung de hkrat na sha rai nga ai, dai majaw sharin hka ja la ai maga de hpring hpring sharin hka ja la u ngu tsun mayu ai.

Galaw shakut ai lam...sharin hka ja la ai hte sha mung nngut nga ai, chye da ai hte maren, nhkring nsa galaw shakut ra nga ai, gara hku galaw shakut ra na ngu yang, awng dang ai du hkra lani mi pi nhkring ai ngu ai myit hte galaw ra ai. Mungkan hta bungli galaw na si ai masha nnga ai, bungli nnga na matsan jam jau hte sak prat shalai ai prat sha nang hpe jam jau jaw lu na re ngu hpe myit hta bang da let, shakut sa wa ga

Nhtang sumru ai lam... Galaw shakut nga ai hte sha mung nngut shi nga ai dai hta n awng dang shi yang, bai nhtang sumru chye na mung ra kadawn nga ga ai, tinang a galaw shakut ai lam hta, hpa ni ra kadawn nga ai kun, gara shara kaw shut taw nga ai kun bai nhtang sum ru sharai chye na mung ra nga ga ai, gawng kya ai maga ra kadawn nga ai daw hpe bai gram galai ga, awng dang taw ai ni hpe bai san ga, lam yan ni hpe bai myit sawn yu ga, dai hta gawng kya taw yang, galai kau dat na hkum langyan taw ngu shadum mayu ai

Bai langai bai hpaji jaw mayu ai lam gaw, Tsawra ai ramma ni a prat hta, hkam kaja hkra sadi nga u, myit kaja tawn u, ningmu kaja mu mada chye na ahkyak ai, nra kadawn ai sha ga nau hkum shaga, kaji sha shaga nna, law law madat hkam la u, dai hta myit lawm hkum lawm madat mara chye ra ai hte, akyu nnga yang dang rang hkat ai lam ni hpe koi gam let, mu ai masha shagu hpe tsun daru ai lam ni hpe mung koi gam ra nga ga ai re bai tinang a mkoi magap da ai lam yan ni hpe kade hkau ai masha hpe raitim nmai tsun dan nga ai, agam chye ai akyang hpe ladu nlai rai na ahkyak nga ai, manang wa hpe kam shamyat chye ai lam hpe mung shamat ra ai, masha ni kaja ai n kaja ai hta, tinang kaja hkra shakut u, sharin hkam la chye ai akyang ni hpe shaman la u, masha ni shut ai lam hpe yu nna, hpaji la chye ra ai, hkam sharang ai hte, shakut hkawm sa u ngu na tsun mayu ai.

Kade jaw ai ga mi rai taw u ga, pawt sin dawng ai myit hte nmai shaga nga ai, shawang tsawra myit hte tsun shaga u, manang wa hpe mai byim ai daram garum shingtau u, myit mada lam hkum tawn, makau grupyin hpe ra ai hta jan nna, nau nmai sadi maja nga ra ai, bungli hpe shakut u, nmai lagawn nga ai, lagawn yang kam ai myit ni mat mat chye ai, machye machyang ngyan hpaji ni hpe galoi mung hka ja shakut ga, masha wa hta, baw jan taw nga yang she awng dang loi na re, bai ngai chye ngai kung kyang ai lam ni hpe nau nmai hpaw tsun dan hkawm ai, masha ni myi yu kaju wa chye ai, gumhpraw ni hpe mahkawng u ngu tsun mayu ai

Bai hkrun lam ni hkawm u, kun dinghku de ngut ai hpang nta npu yu na myi nloi nga ai re, hka ja u, dai hka ja ai lam gaw akyu jaw chye nga ai , myit hkam sha lam hpe nau nmai hkan ai, kaja ai raitim, nkaja ai raitim, ma ni hte kanawn mazum u, shanhte ni gaw myit san seng ai majaw nang hpe pyaw shangun ai atsam jaw ya lu nga ai.. Nga pyaw na matu sha nmai myit nga ai, si jaw hkra mung shakut ra nga ga ai, dai majaw jahtum hku nna tsun mayu ai gaw, laika law law hti ga, mungkan ga hte hkrup rai lu hkra, dai laili laika gaw nang hpe sharin ya na ra ai ngu n gun ajaw shadum jaw dat let,

#youth

#rvakachinservice