Awng Dang Shangun Ai Kyang Lailen Ni

Sak prat a yaw shada lam hkrat masat jahkrat ai lam gaw, awng dang ai hkrun lam a lam nnan rai nga ai, raitim, dai awng dang ai lam a jahtum de du lu ai ni nau nlaw nga ai, malawng maga lam hka ang  kaw hkrat sum let hting nut mat nga ai

Goal In Life, sak prat a yaw shada lam awng dang ai ni hte n awng dang ai ni a lapran gara hku shai hkat nga ma ai kun? sawk sagawn da nga ma ai hta, “ Awng Dang Ai Ni Hta, Ngang Gring Ai Myit Daw Dan Ai Lam, Nhtingnut Ai Sha Shani Shagu Galaw Ai Akyang, Ngang Kang Ai Myit Masa Lam Ni” hpe mu lu nga ai nga nna tsun da nga ma ai

Awng dang ai lam gaw, Gam maka hte mung seng nga ai nga nna, law malawng shadu da nga ma ai mung nga nga ai raitim lak lai awng dang ai ni gaw Gam maka hpe ap let, ju sumpum kabye lai wa ai ni nrai nga ma ai. Kaman O di kaw na hpang let lu su wa ai ni gaw yu maya masha ni hta, ngyan grau  nkaja ma ai, bungli  arang ni mung yu maya masha zawn sha nhpring zup nga ai raitim, mungkan hta mying gumhkawng ai lam ni hpa na byim wa ma ai kun? ngu hpe ndai shara hta myit sawn sharai la mai nga ai. Awng dang ai ni gaw dai gam maka ngu hpe nlat taw nga ma ai, aten hpe hpareng ai lam hpe dai gam ngu ai hta  grau manu shadan ai ni rai nga ma ai, shanhte a ngang gring ai myit masa, shani shagu na lai kyang ni hte awng dang ma ai rai nga ai, shanhte ni gaw kaning sawn ai lai kyang ni nga ma ai kun ngu hpe gam garan ya mayu ai.

Tsawm sha madat mara ai lam,  Awng dang ai ni gaw, tsun ai hta, madat mara ai lam hpe madung da ahkyak galaw sa chye ma ai hpe mung mu lu ai, shanhte ni gaw, magam bungli hte nna, hka ja ai hta, tsawm sha madat mara ai ni rai nga ma ai awng dang ai bungli madu langai gaw gun rai mari jai lang ai Customer ni a nsen hpe ahkyak la madat ya ai akyang nga ma ai hpe mu lu nga ai.

Mayak mahkak ni hte hkrum katut ai lam, Mayak mahkak, jam jau jam hkau lam nnga awng dang ai lam gaw nnga nga ai, awng dang ai ni hta, dai mayak ni hpe man up hkrum tawt lai na matu, n gun hpring nga ma ai hpe mu lu nga ai.

Madu hkum kam ai myit hte lit la gwi ai myit rawng ai lam ..Awmg dang ai ni gaw, lit la galaw ai myit hpe madung da chye nga ma ai, npri nem ai lam kata, masha wa hpe mara shagun na lam, tinang a company, wuhpung wuhpawng, tinang a galaw sa ai lam yan ni hta, lit la ai lam hpring nga ai ni rai nga ma ai.bai shanhte hta, nmyit mada lam yan ni hpe tau hkrau myit mada da chye ma ai hte, nmyit mada lam yan masa ni hte hkrum wa ai ten ni hta mung, asum njaw nmau dung aput angun ntsun taw ai sha, kaja dik lam yan masa de galai shai lu na matu,lit la hting hkang let, madu hkum hpe kam hpe galaw shakut ai  hpe mu lu nga ai, dai majaw, zet let galaw shakut ai lam hte, madu hkum kam ai lam lit la gwi ai lam ni gaw, awng dang ai ni a lai kyang rai nga ai hpe shadum n gun jaw mayu ai.

Asum hpe nhkrit ai lam.. Yu maya masha ni gaw,asum ni hpe hkrit let, hting nut mat chye nga ai. Awng dang ai wa langai gaw, Chyang mang ai asum ni gaw, htoi gabrim awng dang lam shagu a adaw achyen ni rai nga ai nga nna tsun da ai hpe mung na yu ai, nang gaw sum na hkrit nna, hting nut mat yang, awng dang lam a apu asi hpe chye lu sana nrai nga ai.

Galai shai ai lam hpe ahpum manat ai lam.. Yu maya masha ni gaw, tinang a bungli, tinang a makau grurpyin hpe nkam kabai kau, galai shai nnan ni hpe myit tsang hkrit nga chye ma ai hpe mu lu ai, raitim, awng dang ai ni gaw, galai shai ai lam ningnan ni hpe jum ahpum let, prinem rap ra hkra galaw chye nga ma ai

Grau Grau Nna, Shakut Ai Lam..Awng dang ai ni gaw, shakut ai lam hpe arang bang chye ma ai, nshakut nna, awng dang ningtawn ai lam nlu ai hpe shanhte chye ma ai, awng dang ai ni gaw, asum ni hpe tawt lai let, grau grau kaja ai lam de galaw shakut nga ma ai awng dang lam gaw grau grau shakut ai lam a asi apu rai nga ai hpe madi madun nga ma ai

Shani shagu a matu, yaw shada ai lam....Awng dang ai ni gaw hpang shani jau jau galaw ra na pan dung yaw shada mahkyen ni hpe shana shagu ka jahkrat let galaw sa chye ai hpe mu lu ai, awng dang ai ni a jahtum pan dung gaw shani shagu galaw ra na magam ni hte gaw sharawt da ai lam rai nga ai hpe shanhte kam ma ai, lahta de tsun lai wa sai hte maren, laga akyang lailen law law ni mung awng dang ai ni hta nga ma ai, Bai awng dang ai ni gaw, nhkring nsa magam bungli ni galaw let,  tingkyeng hkring sa ten ni mung la chye nga ma ai awng dang ai ni gaw, sumla hkrung yu nga na hta, laika hti ai lam hpe grau ra sharawng chye ma ai ngu.....

#youth

#rvakachinservice