Jahtum Ten Du Hkra Shakut U

Manang Langai a laika hti gawk de du shagu shakut hta mahkai shakap da ai jahtum ten du hkra shakut u ngu ai ga yan langai mi hpe myit dum lu ai, shi kaw du shagu, shi laika hti gawk hta du ai ten shagu dai ga yan hpe mu hkrup hkrup re ai, galu la ai sak prat hta, kadai mung prat majan law law hpe man ap hkrum katut ra ai ni hkrai rai nga ga ai, dai majan ni hpe hkrum nga ai ten, awng dang ai ni nga ai zawn hkrat sum ai ni mung nga ai hta na, nlaw htum tinang hkrm katut nga ai majan hpe, awng dang hkra shakut shaja nga ai ni rai nga ai.

Law malawng gaw, lam yan amyu myu a majaw, dai awng dang lam ni hte nhkrum mat ai, shanhte ni gaw, shanhte hkrum katut lai wa ai majawn ni hpe, awng dang lam lu na matu, jahtum ten du hkra shakut sa wa na n gun yawm mat ai ni law nga ai hpe mu lu ai, dai shara hta nkau nga yang, kalang sha shakut gasat yu nna, dai majan myit mada da ai hku awng dang lam nlu mat yang baw gum asum jaw kau ai ni mung rai nga ai, kalang n awng dang yang, lahkawng masum lang shakut nga ai ni gaw, tsa hta shadang nlaw nga ai, seng ang ai wa gaw, shi a sak prat jahtum ten du ai du hkra, lang law law shakut sa mat ai gaw, grai nan nlaw nga ga ai re, tsawra ai ramma ni, hkrum katut wa ai mayak mahkak amyu myu ngu ai gaw, shakut shaja taw nga ai nang ngai ramma ni yawng ngu na hta, nga nga ga ai, raitim, dai hkrum katut nga ai lam ni hpe, gara hku tawt lai kau na, kade lang tawt lai hkra shakut mat na ngu let daw dan jahkrat shakut mat ai nlaw nga ai hpe dai ni mu lu nga ga ai

Madu nan galaw shakut hkrum katut nga ai mayak mang hkang lam hpe, awng dang hkra shakut ra ai ngu ai shara hta, kalang nrai lahkawng masum lang hte awng dang hkra shakut ai ni mung nlaw nga ai re, shakut shaja galaw hkawm sa nga ai ten, n awng dang ai majaw, jahtum hta, angya hkam ra ai ni sha law nga ai re, dai majw, kalang n awng dang yang lahkawng lang shakut u, dai hapgn masum malang lang du hkra shakut hkawm sa let, myit mada da ai ban dung de du hkra matut shakut sa na ra nga ai ngu shadum n gun jaw mayu ai, ndai shara hta langai lu tsun ai gaw, jahtum ten du hkra shakut shaja sa wa ai rai yang,  awng dang lam ban dung ngu ai hpe lu madu wa lu na teng sha rai nga ai  dai majaw kadai raitim hpa lam hta mi rai rai, teng sha awng dang na matu, shakut nga ai ten, jahtum ten du hkra shakut hkawm sa lu na atsam nga na ra nga ai

Mi sha tsun lai wa ai manang wa a laika hti gawk hta shakap da ai jahtum ten du hkra shakut u ngu ai  ga yan hpe  ra sharawng wa ai, dai ga yan a shing du kaw na lu la wa ai akyu ara ni hpe mung, hkan dep ai daram myit sawn la lu nga ai, kadai rai tim, hpa lam yan hta mi rai rai , jahtum ten du hkra shakut ai rai yang kahtap htap tsun nga ai awng dang lam lu na teng sha rai nga ai Masha hkum ngau shagu hta sha n ga,  mung dan langai hta mung n ga, man ap hkrum katut nga ai mang hkang law law nga chye nga ga ai dai mang hkang ni hta na, hparan loi ai ni nga ai zawn hparan yak ai mang hkang ni mung law law rai chye nga ga ai, mang hkang le wa ai ten, dai paw pru wa ai lamyan jaw jaw  hparan lu ai lam ni nga ai zawn, dai mang hkan hta na, masa lam jaw  nrai wa ai mang hkang ni pru wa ai ten hapran ai lam hta yak ai zawn masha mung tsam pu tsam pa rai ra ai lam ni mung nga chye nga ga ai

Shingra masa hte hkrat paw pru wa ai mang hkang gaw, hparan na loi nga ai zawn, shingra masa hku nrai ai mang hkang ni yaw shada lam nga gin shale ai mang  hkang ni rai yang gaw hparan na yak la nga ai hpe mung dum chye nga ra ai gara masa hku mi rai rai  hparan ra na gaw lit nga nga sai hte mai kaja htum gaw, mang hkang hpe gara hku mu mada ai, gara masa lam hta mi paw pru pru, hparan ra na sha re, dai shara hta, jahtum ten du hkra shakut u ngu ai hparan ai lam rai nga ai.

Tinang maga jaw taw nga tim, myit manaw/ningmu njaw ai, myit manaw nkaja ai  lam yan ni paw pru wa chye nga ai, dai zawn re mang hkang ni hparan ai ten kaja wa yak la nga ai shawng na mang hkang hparan nga ai ten, lahkawng ngu na manghkang ni bai paw pru wa chye nna, dai lahkawng mang hkang hparan nga ai ten ni hta, masum ngu na manghkang ni kahtap kahtp paw pru wa chye ai dai majaw, dai mang hkang ni hpe hparan ai lam hta, jahtum ten du hkra sa ra nga ga ai, raitimung dinghpring ai masa hpe madu da shangun ai jaw ai tara maga na masha ni gaw, jahtum ten du hkra hparan chye ra nga ga ai

Anhte nang ngai ramma ni yawng myit hta matsing da ra na gaw, manghkang ni hpe tawt lai nmai nga ai, hkrum kaut wa na mang hkang ni, mayak ni hpe jahtum ten du hkra shkaut hkawm sa nga ra nga ai ngu gam garan dat let,

#youth

#rvakachinservice