Magam Dap Kata Sumnung Sumdi Ai Lam

Magam Dap Kata Sumnung Sumdi Ai

Magam bungli dap ngu ai hte rau gaw, masha law law hte matut mahkai ganawn mazum ra ai magam ngu ntsa lam yawng chye na da na ni hkrai rai nga ga ai. Magam dap ngu ai gaw,  n gun hte hkum hkrang hte ngyan marai atsam ni yawng hte galaw shakut ra ai shara langai mung rai nga ai. Maku grupyin shingra tara, marai langai hkrai a mabyim masa lam yawng hpe sawn maram hka ja nna she, galaw shakut ra ai shara mung rai nga ai.

Magam dap hpan law law hte shai hkat chye nga ai, magam dam mabyim masa mung amyu myu nga ai, gara hku mi nbung tim, bungpre hkra galaw shakut ra ai lam gaw, Awng Dang ai lam ngu ai rai nga ai, dai lam gaw magam dap kata sum nung ai lam nga ai lam mung rai nga mali ai.

Masha langai hte langai matut mahkai ai lam hta... 1)langai hte langai chye na ya ai lam lu na matu, matut mahkai nga ai, bai 2) Shinggyim wuhpung hte seng ai kasi hku nna masat lam ni hpe hkan sa nna, matut mahkai ai lam ni nga ai.

Langai hte langai hkrum ai shaloi yawm htum mani sum sai hte shakram ga ai, nkau mi lata hte ja ja galaw na shakram chye ai, nkau nga yang baw gum na pyi shakram chey ai, ndai hta shi shara hte shi masat da ai lam ni nga ai, kasi hku nna hkan nang hkan sa ra ai rai nna, shi kasi nye kasi hta jan nna,galaw nmai ai lam gaw magam dap rai nga ai. Magam dap ngu ai gaw, jawm pawng lagaw shakut ra ai lam mung rai nga ai, dai majaw  hpyenla manaw manang myit masin ni hte galaw shakut na mung ra nga ai

Dai sha n ga, magam gum shada da a kanawn mazum ai lam hta mahku nsen mung grai ahkyak ai lam langai kaw lawm nga ai Hey.. aw ra wa ,nngut shi ai i, lachyum nrawng ai wa, dai sha galaw shagun ai wa nngut shii ai i ngu tsun na malai, Galaw ga yaw, ten dep n ngut yang yawng yak wa na re, hpa ni ra kadawn ai, hpa ni naw garum ra ai ngu ai ga mahku nsen ni hte gaw sharawt shakut lu ai rai yang grau nna masan sa wa na re

Magam gun prat hta, aya hku na mi rai rai, asak aprat hku na mi rai rai, bungli mahkrum madup hku mi rai rai, kaba ai wa hpe kaji ai ni gaw hkungga chye nga ai, hkungga hkra nga yang she hkugga na rai nga ai, aya tsaw ai, sak kaba ai ngu ai hte nngut shi nga ga ai.

Magam dap kata hta sumnung sumdi rai ai a majaw akyu ara law law ni hkam sha lu nga ai hpe mung mu lu nga ai. Masha ngu ai gaw, wang lu wang lang nga sa shakut mayu ai ni rai nga ai. dai majaw, dip n gun jaw ai lam ni, atik anang galaw shangun ai lam ni hpe nra sharawng nga ai, madu a daw dan jahkrat lam ni hte, galaw shakut ra ai magam ni hta, gananwg n gun jaw lai ai rai yang ( sh ) dip n gun law taw yang, awng dang ai lam ni yawm wa chye nga ai, lam shagu hta, myit tau ya chye ai masin tawn da yang manghkang ni lawt lu nga ai, ngai nlu galaw ai hpe shi mung lu galaw na i ngu ai tau ya chye ai myit ni tawn da na ra nga ai, langai hte langai shada da hkungga, shi maga nye maga rap ra hkra myit sawn daw dan lu yang she awng dang ai lam lu na rai nga ai.

Tsun shaga ai lam ni hta mung, shada da manu shadan chye na ra nga ai shi a ningmu gaw tinang a ningmu hta mayak ni lawt chye nga ai re, langai hkrai a ningmu hpe tsun ai hta, ningmu amyu myu hpe jawm pawng gahkin nna mai kaja ai ladat hte mang  hkang ni hpe hpran na ngu ai masat ai lam ni sha mahtai kaja byim tai lu na rai nga ai.

Company ( sh ) Wuhpung wuhpang langai  ngai hte, magam bungli jawm pawng galaw ai lam hpe jahkring kau ai magam 69 % gaw mazut zai ai tsun shaga hkrum ai a majaw rai nga ai hpe mung sawk sagawn da nga ma ai.

Dai majaw tsawra ai ramma ni, masing masa jahkrat kaja ai lam, shaman shakyang bau maka jaw ai lam, hpaji chye nna, myit manaw kaja ai ni nga ai lam, shada da hkungga manu shadan chye ai myit nga ai, shi maga nye maga rap ra ai myit marai ni tawn da chye ai lam, npu na ma ni ngu ai myit masin hta, hpyen la manaw manang myit masin hpan ni tawn da chye ai magam dap ni sha awng dang ai lam ni hpe hkam sha lu na rai nga ai ngu gam garan ya dat lu nngai,

#youth

#rvakachinservice