Hpang Hkrat Ai Lam

Jinghpaw Nar Yi grai kaba ai ngu ai ayan tsun nga ai ga hpe grai nan maroi nni la ai ga hkum nan rai nga ai. Aten hpe n hkungga ai ngu nna, tsun ai hte bung nga ai rai nna, grai nan myit daw hpa ga hkum re ngu mu mada lu nga ai.

La taw nga ra ai gaw, grai nan myit n-galu hpa langai mung rai nga ai, zup hpawng de hpang hkrat ai, tsun da ai ahkying hta hpang hkrat nna she du ai, la taw nga ra ai majaw, jau jau shangut ra na magam ni nngut mat ra ai, la taw ra ai majaw, hpang hkrat nna she mahtai pru ai, hpang hkrat nna she wa lu ai, la taw ra ai majaw, matut hkrum katut wa na lam yan ni hpe, anhte hkum shagu hkam sha lu ga na rai nna, tinang hkum nan mung, la taw ra ai wa ( Sh ) la taw hkrum ai wa langai ngai byim mat chye nga ai.

La taw ra ai ten nnga gring ai i, nga gring nga ai, daw dan jahkrat na matu, la taw nga ra ga ai, daw dan jahkrat lam langai ngai hpe lu na matu, la taw ra nga ai, lawm lam ni, nhpring zup shi ai majaw, la taw ra ai mung mai byim nga ai, gara hku mi byim byim, la taw ra ai gaw, aten law law jaw kau ra nga ga ai, la la ai mahtai hpe hpang hkrat shangun chye nga ai, bai kanawn mazum lam hta, myit ningma byim shangun chye nga ai.

Nkau la taw ra ai lam ni gaw, nla nmai re ai magam lam ni hpe sha la taw ra na re, San poi htai ngut nna, kalang ta mahtai npru ai ladat hpe jai lang yang, awng jahpan hpe la taw ra na sha rai nga ai, la taw ra ai lam hta, ndai lam masa hpe nmyit sawn shangun mayu ai, tsun da ai ten hpe ,aten nhkungga, ahpa atang tawn let, hpang hkrat nna she du wa ai lam ni hpe tsun mayu ai rai nga ai, hpang hkrat mayu ai myit hpe kalang bang kau dat yang, prat tup hpang hkrat mayu mat na rai nga ai, dai majaw nhpang hkrat mayu ai myit hpe bang da ra nga ga ai ngu n gun jaw shadum mayu ai.

1.Aten hpe tau sawn lu ai atsam gaw ahkyak la nga ai, sa ai ten, wa ai ten, sha ai ten kade ram ra na, tsun da ai shara de, min 15 laman du na matu jaw nga tim, lam chyat chye nga ai, gara lam kaw na sa yang, lawan du na, aten kade ram la ra na ngu ai hpe tau sawn chye na atsam ra nga ai

2.Ten hte hkrak galaw hpang lu na matu, shakut u, hpang hkrat ai ni nga ai majaw, naw la na ngu nna, n galaw na hkum nga kau, masat da ai aten hta, galaw hapng lu na matu, shakut u, tinang hta aten ni grai naw nga taw tim, aten nlu jaw ai ni nga taw chye ai lam, myit tau ya chye ya ra ai, dai majaw,kadai wa hpang hkrat taw tim, man man galaw ra ai lam hpe aten hte hkrak galaw hpang lu na matu shakut ga.

3.Jau le u, aten hpe mai byim yang, min 15 daram lawan da shangun mayu ai, yawm htum min 15 daram tsun da ai shara hta jau du lu hkra shakut gring nga ai, nang a matu, langai ngai mai kaja lam byim wa lu na rai nga ai, jau du ai majaw, mang hkang nbyim nga ai.

4.Bai le wa ai ten ( Sh ) Ngut kre ai ten  ni hpe hkrak masat da ra ai, galaw hpang yang mung,  hkrak hkrak, jahtum yang mung hkrak hkrak lu galaw hkra shakut ra ai, hkying hkum 4 ngut na masat da yang hkying hkum 4 hkrak ngut na matu, min 15 daram tau hkyen lajang da ra ai.

5 Bai Min 15 daram ngu ai lawt ga ni hpe, nnan kaw na mung nhkap la, jahtum du hkra mung n hkap la gring nga ai, nngut kre yang jahkrat masat da ra ai, mang hkang mahtai ni hpe laga aten langai hta, asan brang re ai mabyim masa hku hkyen lajang gring nga ai, masat da ai aten ngu ai masat shadang hpe nhkra machyi ai sha shakut gring nga ai.

6.Nmyit mada mayak mahkak ni, dingbai dingna ni, mang hkang ni hpe galoi mung tau sawn da ra nga ai, lam yan langai ngai a majaw, hkyen lajang da ai lam ni, nmyit mada ai hku byim mat wa chye nga ai,

7.Ahkyak ai gaw, myit masin hte, akyang rai nga ai, myit masin gaw hpang hkrat taw tim, mang hkang nnga ai ngu numnak dat ai rai yang, hapng hkrat ai lam gaw, ahkyak ai lam yan langai nrai mat nga ai, shi mung hpang hkrat ngai mung hpang hkrat, hpa nmai galaw ai madang de du mat chye ai hpe dum hprang ra ai, ngai kaw na hpang nna, nhpang hkrat na ngu ai masha shagu masat jai lang yang, bungli byim na rai nga ai.

Tinang a makau grup yin gaw, jinghpaw nar yi ngu tsun ai lai akyang kata tinang nlawm mat na shakut ra ga ai, tinang hkap la da ai Ahkying ngu ai gaw, hkrak re ai lam ngu hpe hkan sa jai lang shakut nga taw yang she dai jinghpaw nar yi kaba ai ngu ai lam hta nshang lawm mat na re ngu .

#youth

#rvakachinservice